ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຄະນະຜູ້ແທນທະຫານອາກາດ ລາວ-ໄທ ພົບປະກັນ

  ການພົບປະແລກປ່ຽນບົດຮຽນເຊິ່ງກັນ ແລະກັນ ລະຫວ່າງຄະນະຜູ້ແທນທະຫານອາກາດ ກອງທັບປະຊາ ຊົນລາວ ແລະທະຫານອາກາດກອງທັບຣາຊະອານາຈັກໄທ ໄດ້ຈັດຂຶ້ນໃນຕອນເຊົ້າວັນທີ 28 ມິຖຸນາ 2016
ນີ້ ຢູ່ທີ່ກົມພົວພັນຕ່າງປະເທດກະຊວງປ້ອງກັນປະເທດ, ເຊິ່ງຝ່າຍລາວນຳໂດຍ ທ່ານ ພັນເອກ ຄຳເຫຼັກ
ແສງພະຈັນ ຮອງຫົວໜ້າກົມທະຫານອາກາດ ກົມໃຫຍ່ເສນາທິການກອງທັບ ແລະຝ່າຍໄທນຳໂດຍ ທ່ານ ພົນເອກ ອາກາດ ໄຊຍະພືກ ດິດຍະສະລີນ ຮອງເສນາທິການທະຫານອາກາດກອງທັບແຫ່ງຣາຊະອານາ
ຈັກໄທ.
(ກປທ)                                                           (ອ່ານຕໍ່............)

ກອງບັນຊາການທະຫານແຂວງອຸດົມໄຊ-ລາຍເຈົ່າພົບປະແຮກສ່ຽວນຳກັນ

  ພິທີພົບປະແຮກສ່ຽວນຳກັນ ລະຫວ່າງສອງກອງບັນຊາການທະຫານແຂວງອຸດົມໄຊ ກອງທັບປະຊາຊົນ
ລາວ ກັບກອງບັນຊາການທະຫານແຂວງລາຍເຈົ່າ ທະຫານເຂດ 2 ກອງທັບປະຊາ ຊົນຫວຽດນາມ ຈັດຂຶ້ນ
ໃນວັນທີ 22 ມີຖຸນາ 2016 ຢູ່ທີ່ກອງບັນຊາການທະຫານແຂວງລາຍເຈົ່າ ໂດຍມີຄະນະພັກຄະນະກອງບັນ
ຊາການທະຫານເຂດ 2 ກອງທັບປະຊາຊົນຫວຽດນາມ
(ກປທ)                                                           (ອ່ານຕໍ່............)

ວິທະຍາຄານເຕັກນິກການທະຫານສ້າງບຸກຄະລາກອນໄດ້ 60 ສະຫາຍ

  ໃນສົກຮຽນປີ 2015-2016 ວິທະຍາຄານເຕັກນິກການທະຫານ ສາມາດສ້າງໄດ້ບຸກຄະລາກອນທັງ 2 ລະ
ບົບຄື: ເຕັກນິກນິກລົດໂອໂຕ ຊຸດທີ 18 ແລະເຕັກນິກຍຸດໂທ ຊຸດທີ 6 ລະບົບຊັ້ນກາງໄດ້ທັງໝົດ 60 ສະ
ຫາຍ, ນີ້ແມ່ນຈາກການເປີດເຜີຍຂອງ ພັນໂທ ຈັນສະໝອນ ລັດສະໄໝ ຄະນະພັກ-ຄະນະອໍານວຍການ,ຫົວ
ໜ້າຫ້ອງອົບຮົມວິທະຍາຄານເຕັກນິກການທະຫານຕໍ່ພິທີປິດຊຸດຮຽນປະຈໍາປີ 2015-2016 ທີ່ໄດ້ຈັດຂຶ້ນໃນ
ວັນທີ 30 ມີຖຸນາ ນີ້
(ກປທ)                                                           (ອ່ານຕໍ່............)

(ກປທ)                                                           (ອ່ານຕໍ່............)

ທ່ານ ພົນຕີ ວິໄລ ຫຼ້າຄຳຟອງ ລົງຮັບການສ່ອງແສງ ແລະຊີ້ນຳວຽກງານພັກ-ວຽກງານການ
ເມືອງບັນດາກົມກອງຢູ່ພາກກາງ

  ວັນທີ 16 ມິຖຸນາ ຜ່ານມານີ້, ທ່ານ ພົນຕີ ວິໄລ ຫຼ້າຄຳຟອງ ເລຂາທິການສູນກາງພັກ, ຮອງລັດຖະມົນ
ຕີກະຊວງປ້ອງກັນປະເທດຫົວຫນ້າກົມໃຫຍ່ການເມືອງກອງທັບ ໄດ້ລົງເປັນປະທານກອງປະຊຸມສ່ອງແສງວຽກ
ງານພັກ-ວຽກງານການເມືອງບັນດາກົມກອງກຳລັງຫຼວງ-ກຳລັງທ້ອງຖິ່ນ ຢູ່ພາກກາງປະຈຳໄຕມາດທີ II ຂອງ
ປີ 2016 ຕາມລະບອບແຜນການທີ່ໄດ້ກຳນົດໄວ້ ແນໃສ່ກຳແຫນ້ນສະພາບການເຄື່ອນໄຫວວຽກງານດັ່ງກ່າວ
ຢູ່ແຕ່ລະກົມກອງ ເຫັນໄດ້ດ້ານຕັ້ງຫນ້າ
(ກປທ)                                                           (ອ່ານຕໍ່............)

ນາຍ ແລະພົນທະຫານທົ່ວກົມໃຫຍ່ເສນາ 262 ສະຫາຍ ໄດ້ຮັບການປະດັບຫຼຽນກຽດຕິຄຸນ
ກອງທັບ

  ໃນວັນທີ 23 ມິຖຸນານີ້, ຄະນະນຳກົມໃຫຍ່ເສນາທິການກອງທັບ ໄດ້ຖືເອົາໂອກາດດັ່ງກ່າວຈັດຕັ້ງຍ້ອງຍໍ
ດ້ວຍການປະດັບ ແລະມອບໃບຢັ້ງຢືນຫຼຽນກຽດຕິຄຸນຂອງກອງທັບປະຊາຊົນລາວ ໃຫ້ແກ່ນາຍ ແລະພົນທະ
ຫານທົ່ວກົມໃຫຍ່ຂອງຕົນ ຈຳນວນ 262 ສະຫາຍຕາມຂໍ້ຕົກລົງຂອງກະຊວງປ້ອງກັນປະເທດສະບັບເລກ
ທີ 1002/ກປທ ລົງວັນທີ 24 ເມສາ 2013 ໂດຍແມ່ນ ທ່ານ ພົນຈັດຕະວາຈັນທອງ ສອນຕະອາດ ຄະ
ນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບ ເປັນຜູ້ໃຫ້ກຽດປະດັບ.
(ກປທ)                                                           (ອ່ານຕໍ່............)

ຕີລາຄາການນຳພາການກໍ່ສ້າງກອງແຂງ-ໜ່ວຍພັກຮູ້ນຳພາຮອບດ້ານ ຢູ່ສະຖາບັນກັນພະຍາດ
ກອງທັບ

  ວັນທີ 22 ມິຖຸນາ 2016 ນີ້ ສະຖາບັນກັນພະຍາດກອງທັບ ໄດ້ຈັດຕັ້ງສະຫຼຸບຕີລາຄາໝາກຜົນຂອງການ
ນຳພາກໍ່ສ້າງກົມກອງຮາກຖານເຂັ້ມແຂງໜ່ວຍພັກຮູ້ນຳພາຮອບດ້ານປະຈຳສົກ 2014-2015 ໂດຍການເຂົ້າ
ຮ່ວມຂອງ ສະຫາຍ ພົນຈັດຕະວາ ຄຳເພັດສີຊານົນ ຄະນະປະຈຳພັກ ຮອງຫົວໜ້າກົມໃຫຍ່ພະລາທິການ
ກອງທັບ, ທັງເປັນຫົວໜ້າຄະນະຊີ້ນຳກວດກາກອງແຂງ-ໜ່ວຍພັກຮູ້ນຳພາຮອບດ້ານກົມໃຫຍ່ດັ່ງກ່າວ.
(ກປທ)                                                           (ອ່ານຕໍ່............)

ສະຫະພັນແມ່ຍິງກົມໃຫຍ່ເສນາທິການກອງທັບ ຈັດຕັ້ງເຜີຍແຜ່ເຊື່ອມຊຶມເອກະສານສຳຄັນຕ່າງໆ
ຂອງແມ່ຍິງ

  ໃນວັນທີ 24 ມິຖຸນາ ນີ້, ພະແນກສະຫະພັນແມ່ຍິງກົມໃຫຍ່ເສນາທິການກອງທັບ ໄດ້ເປີດກອງປະຊຸມ
ເຜີຍແຜ່ເຊື່ອມຊຶມຜົນສຳເລັດຂອງກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VII ໂດຍການ
ເປັນປະທານຂອງ ພັນເອກ ກອງແກ້ວ ວໍລະຈິດ ຄະນະພັກອົງການກົມໃຫຍ່ ຫົວໜ້າຫ້ອງການເມືອງ
ກົມໃຫຍ່ເສນາທິການກອງທັບ, ມີຄະນະຫ້ອງການສະຫະພັນແມ່ຍິງກອງທັບ ພ້ອມດ້ວຍຄະນະພັກ-ຄະ
ນະບັນຊາ, ຄະນະນຳສະຫະພັນແມ່ຍິງແຕ່ລະກົມກອງຂຶ້ນກັບເຂົ້າຮ່ວມ.
(ກປທ)                                                           (ອ່ານຕໍ່............)

ວປກ ປ້ອງກັນບົດວິທະຍານິພົນຈົບຊັ້ນນັກສຶກສາກໍ່ສ້າງ ປະລິນຍາໂທການທະຫານ-ການເມືອງ
ຊຸດທີ VII

  ໃນລະຫວ່າງວັນທີ 14-16 ມິຖຸນາ 2016 ນີ້, ວິທະຍາຄານປ້ອງກັນຊາດໄກສອນ ພົມວິຫານ ໄດ້ຈັດຕັ້ງ
ດຳເນີນພິທີປ້ອງກັນບົດວິທະຍານິພົນຈົບຊັ້ນຂອງນັກສຶກສາປະລິນຍາໂທການທະຫານ-ການເມືອງ ຊຸດທີ VII ສົກຮຽນ 2015-2016 ເຊິ່ງປະກອບມີ 5 ສາຂາວິຊາ ໃນນັ້ນມີ: ສາຂາວິຊາກໍ່ສ້າງພັກມີ 5 ຫົວບົດ, ສາຂາ
ວິຊາເສດຖະສາດມີ 2 ຫົວບົດ, ສາຂາວິຊາປັດຊະຍາມີ 3 ຫົວບົດ, ສາຂາວິຊາບັນຊາ-ເສນາ 2 ຫົວບົດ,ສາ
ຂາວິຊາຍຸດທະສາດ 4 ຫົວບົດ ແລະສາຂາວິຊາຍຸດທະບັ້ນຮົບ 4 ຫົວບົດ
(ກປທ)                                                           (ອ່ານຕໍ່............)

ສະຫຼຸບການກໍ່ສ້າງກອງ 3 ປອດ ຢູ່ກອງ “ ຂ11 ”

  ພິທີສະຫລຸບຖອດຖອນບົດຮຽນການກໍ່ສ້າງກອງ 3 ປອດ ແລະເປີດຂະບວນການກໍ່ສ້າງປອດໃສ, ປອດໄພ,
ປອດຄະດີຢູ່ ກອງ “ຂ11” ໄດ້ຈັດຂຶ້ນໃນ ວັນທີ 21 ມິຖຸນາ ນີ້, ຢູ່ທີ່ສະໂມສອນຂອງກົມກອງ, ໂດຍການ
ເປັນກຽດເຂົ້າຮ່ວມຂອງ ພັນເອກ ບຸນສົງ ພີມມະວົງ ເລຂາຄະນະພັກ-ຫົວໜ້າການເມືອງກອງ “ຂ11” ເຊິ່ງ
ມີ ພັນເອກ ຂັນທະລີ ທາທິລາດ ຫົວໜ້າການທະຫານກອງ “ຂ11” ພ້ອມດ້ວຍຄະນະພັກ-ຄະນະບັນຊາ,
ຈາກອົງການກົມກອງ, ມີພະນັກງານ-ນັກຮົບປ້ອງກັນພາຍໃນທົ່ວກົມກອງເຂົ້າຮ່ວມ.
(ກປທ)                                                           (ອ່ານຕໍ່............)

ທ່ານ ພົນຕີ ວິໄລ ຫຼ້າຄຳຟອງ ໂອ້ລົມນາຍທະຫານທີ່ໄດ້ຮັບການເລື່ອນຊັ້ນໃໝ່

  ກົມໃຫຍ່ການເມືອງກອງທັບ ໄດ້ຈັດພິທີປະກາດຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການເລື່ອນ ຊັ້ນນາຍທະຫານຂັ້ນກາງຈາກພັນຕີຂຶ້ນເປັນພັນໂທຢູ່ບັນດາອົງການ, ກົມກອງກຳລັງຫລວງ-ກຳລັງທ້ອງຖິ່ນທົ່ວ ກອງທັບໃນວັນທີ 22 ມິ ຖຸນານີ້, ໂດຍການເປັນປະທານ ແລະໃຫ້ກຽດໂອ້ລົມຂອງທ່ານພົນຕີ ວິໄລ ຫລ້າຄຳ
ຟອງ ຮອງລັດຖະມົນຕີກະຊວງປ້ອງກັນປະເທດ, ຫົວຫນ້າກົມໃຫຍ່ການເມືອງກອງທັບ ເຊິ່ງມີຄະນະພັກ-ຄະ
ນະບັນຊາ, ຕາງຫນ້າການນຳບັນດາກົມໃຫຍ່ຫ້ອງວ່າການກະຊວງ ແລະວິທະຍາຄານເຂົ້າຮ່ວມ.
(ກປທ)                                                           (ອ່ານຕໍ່............)

ວິທະຍາຄານພະລາທິການກອງທັບ ສ້າງບຸກຄະລາກອນຂະແໜງວິຊາສະເພາະຕ່າງໆໄດ້ 224 ສະຫາຍ

  ໃນສົກຮຽນປີ 2015-2016 ວິທະຍາຄານພະລາທິການກອງທັບສາມາດສ້າງໄດ້ບຸກຄະລາກອນ 4 ລະບົບ
ຄື: ກໍ່ສ້າງປະລິນຍາຕີລະບົບ 4 ປີ, ກໍ່ສ້າງຊັ້ນກາງປຸງແຕ່ງ, ຂົນສົ່ງ, ເຄຫາລະບົບ 2 ປີ, ກໍ່ສ້າງຊັ້ນສູງເລັ່ງ
ລັດລະບົບ 1 ປີ ແລະລະບົບບຳລຸງ 5 ເດືອນໄດ້ຈຳນວນ 224 ສະຫາຍ. ຈາກການເປີດເຜີຍຂອງ ພັນໂທ ບຸນກ້ຽງ ວົງສາລາດ ຄະນະພັກ-ຄະນະອຳນວຍ, ຫົວໜ້າຫ້ອງອົບຮົມວິທະຍາຄານພະລາທິການກອງທັບຕໍ່
ພິທີປິດຊຸດຮຽນປະຈຳປີ 2015-2016 ທີ່ໄດ້ຈັດຂຶ້ນໃນວັນທີ 23 ມິຖຸນາ ນີ້ ໂດຍມີທ່ານ ພົນຕີ ວິໄລ ຫລ້າ
ຄຳຟອງ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ, ມີຜູ້ແທນທີ່ມາຈາກ
ບັນດາກົມໃຫຍ່ວິທະຍາຄານ
(ກປທ)                                                           (ອ່ານຕໍ່............)

ປະດັບຫຼຽນໄຊພິລະອາດຫານໃຫ້ແກ່ອະດີດພະນັກງານກອງຮ້ອຍຫີນເພັດ

  ເພື່ອຕອບສະຫນອງຜົນງານ, ຄຸນງາມຄວາມດີຂອງອະດີດພະນັກງານ-ນັກຮົບກອງຮ້ອຍຫີນເພັດວິລະຊົນ ທີ່ໄດ້ປະກອບສ່ວນເຂົ້າໃນພາລະກິດປະຕິວັດຕໍ່ສູ້ເພື່ອປົດປ່ອຍປະເທດຊາດໃນສະໄຫມສົງຄາມ ແລະໃນພາ
ລະກິດປົກປັກຮັກສາ ພັດທະນາປະເທດຊາດນັ້ນ, ຄະນະພັກ-ຄະນະບັນຊາກອງບັນຊາການທະຫານແຂວງອຸ
ດົມໄຊ ໄດ້ຈັດພິທີປະດັບຫຼຽນໄຊພິລະອາດຫານ ຊັ້ນ II ໃຫ້ແກ່ຮ້ອຍເອກ ພັນທອງ ແກ້ວວົງເມືອງ ພະນັກ
ງານບຳນານ
(ກປທ)                                                           (ອ່ານຕໍ່............)

ໂຮງຮຽນວຽງໄຊເຜີຍແຜ່ຜົນສຳເລັດວຽກງານປ້ອງກັນພາຍໃນຄັ້ງທີ 8

  ໂຮງຮຽນກໍ່ສ້າງນາຍສິບເລກ 2 ວຽງໄຊ ໄດ້ຈັດຕັ້ງເຜີຍແຜ່ຜົນສຳເລັດກອງປະຊຸມວຽກງານປ້ອງກັນພາຍ
ໃນທົ່ວກອງທັບຄັ້ງທີ 8 ຂຶ້ນໃນວັນທີ 21 ມິຖຸນາ 2016 ນີ້ ພາຍໃຕ້ການເປັນປະທານຂອງ ພັນເອກ ອິນ
ຫວນ ວໍລະສານ ຫົວໜ້າການທະຫານໂຮງຮຽນ, ມີບັນດາຄະນະ 5 ຫ້ອງ, ຄະນະພະແນກທີ່ກ່ຽວຂ້ອງ, ຄະ
ນະກອງພັນນັກຮຽນ ແລະຄະນະກອງຮ້ອຍເອກະລາດເຂົ້າຮ່ວມ.
(ກປທ)                                                           (ອ່ານຕໍ່............)

ທະຫານແຂວງຄຳມ່ວນ ເປີດເຝິກອົບຮົມວຽກງານຄຸ້ມຄອງ ແລະປົກປັກຮັກສາເອກະສານ

  ກອງບັນຊາການທະຫານແຂວງຄຳມ່ວນ ໄດ້ເປີດເຝິກອົບຮົມວຽກງານຄຸ້ມຄອງ ແລະປົກປັກຮັກສາເອກະ
ສານໃຫ້ແກ່ພະນັກງານຂັ້ນນຳພາ-ບັນຊາ, ພະນັກງານຫ້ອງການ ແລະຂາເຂົ້າ-ຂາອອກ, ໃນວັນທີ 16 ມິ
ຖຸນາ 2016 ນີ້, ຢູ່ທີ່ສະໂມສອນກອງບັນຊາການທະຫານແຂວງ ໂດຍການເປັນປະທານຂອງ ພັນເອກ ຄຳ
ພູ ເພັດສັງຄາ ຫົວຫນ້າຫ້ອງພະລາທິການທະຫານແຂວງຄຳມ່ວນ, ມີຄະນະພັກ-ຄະນະບັນຊາອົງການ 5 ຫ້ອງ ແລະພະນັກງານຫ້ອງການທີ່ເຮັດວຽກຂາເຂົ້າ-ຂາອອກໃນທົ່ວທະຫານແຂວງເຂົ້າຮ່ວມ.
(ກປທ)                                                           (ອ່ານຕໍ່............)

ທະຫານແຂວງບໍ່ແກ້ວ ຈັດກອງປະຊຸມສ່ອງແສງວຽກງານພັກ-ວຽກງານການເມືອງ

  ທະຫານແຂວງບໍ່ແກ້ວ ໄດ້ຈັດກອງປະຊຸມສ່ອງແສງວຽກງານພັກ-ວຽກງານການເມືອງປະຈຳໄຕມາດ II
ປີ 2016 ຂຶ້ນຢ່າງເປັນທາງການ ໃນວັນທີ 9 ມິຖຸນາ 2016 ນີ້ ໂດຍການເປັນປະທານ ພັນໂທ ຄຳປິງ
ອິນທອງສາ ຄະນະປະຈຳພັກກອງບັນຊາການ, ຫົວໜ້າຫ້ອງການເມືອງທະຫານແຂວງບໍ່ແກ້ວ, ມີເລຂາພັກ
ເມືອງ, ປະທານປ້ອງກັນຊາດ-ປ້ອງກັນຄວາມສະຫງົບເມືອງຕົ້ນເຜິ້ງ, ມີຄະນະພັກ-ຄະນະບັນຊາ 5 ຫ້ອງ, ກອງບັນຊາການທະຫານເມືອງ 5 ເມືອງ, 2 ກອງພັນ ແລະກອງຮ້ອຍທະຫານຊາຍແດນທັງ 4 ກອງເຂົ້າ
ຮ່ວມ.
(ກປທ)                                                           (ອ່ານຕໍ່............)

ລັດຖະມົນຕີກະຊວງປ້ອງກັນປະເທດເຮົາ ຢ້ຽມຢາມ ສສ ຫວຽດນາມ ຢ່າງເປັນທາງການ

  ໃນຕອນແລງຂອງວັນທີ 20 ມິຖຸນາ ນີ້, ຢູ່ທີ່ສຳນັກງານສູນກາງພັກກອມມູນິດຫວຽດນາມ, ສະຫາຍ
ຫງວຽນຟູຈອງ, ເລຂາທິການໃຫຍ່ພັກກອມມູນິດຫວຽດນາມ ໄດ້ຕ້ອນຮັບການເຂົ້າຢ້ຽມຂໍ່ານັບຂອງຄະນະ
ຜູ້ແທນຂັ້ນສູງກອງທັບປະຊາຊົນລາວ ນຳໂດຍສະຫາຍພົນໂທ ຈັນສະໝອນ ຈັນຍາລາດ ກຳມະການ
ກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ, ໃນໂອກາດທີ່ຄະ
ນະເດີນທາງມາຢ້ຽມຢາມ ສສ ຫວຽດນາມ ຢ່າງເປັນທາງການຕາມຄຳເຊີນຂອງສະຫາຍ ພົນເອກ ໂງ
ຊວນລິກ, ກຳມະການກົມການເມືອງສູນກາງພັກ, ຮອງເລຂາຄະນະພັກການທະຫານສູນກາງ, ລັດຖະ
ມົນຕີກະຊວງປ້ອງກັນປະເທດແຫ່ງ ສສ ຫວຽດນາມ.
(ກປທ)                                                           (ອ່ານຕໍ່............)

ປະກາດແຕ່ງຕັ້ງຕຳແໜ່ງນຳພາ-ບັນຊາຢູ່ “ ກ 5 ” ຜູ້ໃໝ່

  ກົມພະນັກງານກົມໃຫຍ່ການເມືອງກອງທັບ ໄດ້ລົງຈັດຕັ້ງປະກາດແຕ່ງຕັ້ງພະນັກງານຂັ້ນນຳພາບັນຊາຕຳ
ແໜ່ງສຳຄັນຢູ່ກອງ “ກ5” ໃນວັນທີ 17 ມິຖຸນາ ນີ້, ໂດຍການເຂົ້າຮ່ວມເປັນປະທານຂອງ ທ່ານ ພົນຕີ ວິ
ໄລ ຫຼ້າຄຳຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການ
ເມືອງກອງທັບ ເຊິ່ງມີຄະນະພັກ-ຄະນະບັນຊາຂັ້ນຕ່າງໆທົ່ວກອງ “ກ5” ແລະຈາກບັນດາກົມກອງກຳລັງ
ຫຼວງ-ກຳລັງ ທ້ອງຖິ່ນໃນ 4 ແຂວງພາກໃຕ້ເຂົ້າຮ່ວມ.
(ກປທ)                                                           (ອ່ານຕໍ່............)

ກອງ “ ຄ 661 ” ສະຫຼຸບການອົບຮົມຫັດແອບໄລຍະ I

  ກອງ “ຄ 661” ໄດ້ຈັດຕັ້ງສະຫຼຸບຜົນຂອງການອົບຮົມຫັດແອບວຽກງານການເມືອງ, ການທະຫານ ແລະ
ພະລາທິການ-ເຕັກນິກວິຊາສະເພາະໄລຍະ 1 ປະຈຳ 6 ເດືອນຕົ້ນປີ 2016 ໃນວັນທີ 17 ມິຖຸນານີ້, ໂດຍ
ການ ເປັນປະທານຂອງ ພັນໂທ ຄຳປານ ແພງພັນ ຮອງຫົວຫນ້າກົມລົດຕັງ-ຍານເກາະກົມໃຫຍ່ເສນາທິ
ການກອງທັບ ເຊິ່ງມີຄະນະພັກ-ຄະນະບັນຊາແລະພະນັກງານນັກຮົບໃນກົມກອງເຂົ້າຮ່ວມ.
(ກປທ)                                                           (ອ່ານຕໍ່............)

ທະຫານແຂວງສາລະວັນນັບມື້ມີໂສໜ້າໃໝ່

  ບົດສຳພາດຂອງ ພັນເອກ ພູວັນ ພີມມະຈັນ ຫົວໜ້າການເມືອງກອງບັນຊາການທະຫານແຂວງສາລະວັນ
(ກປທ)                                                           (ອ່ານຕໍ່............)

ໜ້າ

ເວັບໄຊ້ກະຊວງປ້ອງກັນປະເທດ
www.mod.gov.la
ຄຸ້ມຄອງໂດຍ: ກົມວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ແລະ ໃບອະນຸຍາດຈົດທະບຽນ ເລກທີ 381/ສອຊ,
ລົງວັນທີ 05/05/2016 ແລະ
ໃບອະນຸຍາດ ສະບັບເລກທີ 1968/ກປທ, ລົງວັນທີ 12/6/2012
ທີ່ຢູ່: ບ.ໂພນເຄັງ, ຖະໜົນ ໄກສອນ ພົມວິຫານ
ໂທ&ແຟກ: 021 911012