ກອງທັບອົດສະຕຣາລີ ມີແຜນສັ່ງຊື້ລະບົບ ຈະຫຼວດຈາກສະຫະລັດເພີ່ມ
ຕາມການລາຍງານຂອງເວັບໄຊທ໌ການທະຫານໂດຍອ້າງຂໍ້ມູນຈາກອົດສະຕຣາລີວ່າ: ປະເທດອົດສະຕຣາລີຈະໃຊ້ງົບປະມານປະມານ 700 ລ້ານໂດລາສະຫະ ລັດໃນ
ການຈັດຊື້ເຄື່ອງຍິງຈະຫຼວດລະບົບ M-142 HIMARS (ລະ ບົບຈະຫຼວດທີ່ຕິດຕັ້ງຢູ່ເທິງລົດບັນທຸກທີ່ຂັບເຄື່ອນດ້ວຍ 6 ລໍ້ ແລະ ມີຄວາມຄ່ອງຕົວສູງ)ຈຳນວນ 20 ຊຸດ
ໂດຍມີແຜນທີ່ຈະ ເຂົ້າປະຈຳການໃນປີ 2026 ແລະອາວຸດປ່ອຍນຳວິຖີຈຳນວນໜຶ່ງເຊິ່ງຈະຖືກຕິດຕັ້ງຢູ່ເທິງເຮືອຮົບ ທີ່ຈະມາແທນອາວຸດປ່ອຍນຳວິຖີລຸ້ນເກົ່າສຳລັບຕໍ່ຕ້ານ
ເຮືອດຳນ້ຳແບບ Harpoon. M-142 HIMARS ເປັນ ຈະຫຼວດຫຼາຍລຳກ້ອງທີ່ສະຫະ ລັດອາເມຣິກາພັດທະນາຂຶ້ນໃນປີ 1990 ໃຫ້ກັບກອງທັບບົກ, ສຳລັບຈະຫຼວດລຸ້ນ
ນີ້ຈະມີ 6 ລູກ ຕໍ່ໜຶ່ງຊຸດຍິງ ຄວາມພິເສດຂອງ ລະບົບຈະຫຼວດລຸ້ນນີ້ກໍ່ຄືມັນສາ ມາດໃຊ້ແທນກັນໄດ້ກັບ M270 MLRS ທີ່ສາມາດບັນຈຸຖານຍິງຈະຫລວດໄດ້ເຖິງ 2
ຖານ. ສຳລັບ ເຄື່ອງຍິງຈະຫຼວດລຸ້ນນີ້ສາມາດເຄື່ອນທີ່ຈາກຈຸດໜຶ່ງໄປຫາຈຸດໜຶ່ງໄດ້ຢ່າງວ່ອງໄວເພື່ອບໍ່ໃຫ້ຝ່າຍກົງກັນຂ້າມຮູ້ຕຳແໜ່ງນອກນັ້ນ ມັນຍັງສາມາດຂົນສົ່ງໄດ້
ດ້ວຍເຮືອບິນລຳລຽງ C-130 ຂອງບໍລິສັດຜະລິດອາວຸດຂອງສະຫະລັດ. ລະບົບຈະຫຼວດລຸ້ນນີ້ມີນ້ຳໜັກ ທັງໝົດລວມທັງລົດບັນທຸກ 16,2 ໂຕນ, ຍາວ 7 ແມັດ, ກວ້າງ
2,4 ແມັດ, ສູງ 3,2 ແມັດ ໃຊ້ກຳລັງພົນ ພຽງ 3 ຄົນ, ສາມາດທຳລາຍ ເປົ້າໝາຍໃນໄລຍະ 9 ກິໂລແມັດ ຫຼືອີງຕາມພູມີປະເທດ, ເຄື່ືອນທີ່ໄວໄດ້ 85 ກິໂລແມັດ ຕໍ່ຊົ່ວ
ໂມງ.
ແຫຼ່ງທີ່ມາ: ໜັງສືພິມກອງທັບ