ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງ​ບັນຊາ​ການຫານ​ແຂວງ​ເຊ​ກອງ ອວຍພອນ​ຄະນະ​ພັກ​ ກອງ​ບັນຊາ​ການ​ທະຫານ​ຊາຍ​ແດນ ແລະ ກອງ​ບັນຊາ​ການ​ທະຫານ​ແຂວງ​ກວາງ​ນາມ

 


    ໃນ​ຕອນ​ບ່າຍ​ວັນ​ທີ 7 ມັງກອນ 2023 ນີ້, ສະຫາຍ ພັນ​ເອກ ທອງ​ສີ ກຸນ​ສະ​ນະ ຫົວໜ້າ​ການ​ທະຫານ ກອງ​ບັນຊາ​ການ ທະຫານແຂວງ​ເຊ​ກອງ ພ້ອມ​ດ້ວຍ ​ຄະນະ ໄດ້​ ໄປ​ຢ້ຽມຢາມ ແລະ ອວຍພອນ​ຄະນະ​ພັກ​ກອງ​ບັນຊາ​ການ​ທະ ຫານ​ຊາຍ​ແດນ ແລະ ກອງ​ບັນຊາ​ການ​ທະຫານ​ແຂວງ​ກວາງ​ນາມ​ ກອງທັບ ​ສສ ຫວຽດນາມ, ເນື່ອງ​ໃນ​ໂອ ກາດ​ວັນ​ບຸນປີໃໝ່​ປະຈຳ​ຊາດ ແຫ່ງ ​ສາທາລະນະ​ລັດ ສັງຄົມ​ນິຍົມ​ຫວຽດນາມ, ໂດຍ​ໃຫ້​ກຽດ​ຕ້ອນຮັບ​ຈາກ ສະຫາຍ ພັນ​ເອກ ເຈິ່ນ​ຕ໋ຽນ​ຮ່ຽນ ຮອງ​ຫົວໜ້າກອງ​ບັນຊາ​ ການ​ທະຫານ​ຊາຍ​ແດນ ແລະ ສະຫາຍ ພັນ​ໂທ ໂຮ່​ຮຸຍ​ຮຸ່ງ ຮອງ​ຫົວໜ້າ​ການເມືອງ​ ທະຫານ​ແຂວງ​ກວາງ​ນາມ ພ້ອມ​ດ້ວຍ​ຄະນະ.      ໃນ​ໂອກາດ​ດັ່ງກ່າວ ສະຫາຍ ພັນ​ເອກ ທອງ​ສີ ກຸນ​ສະ​ນະ ໄດ້​ຕາງ​ໜ້າ​ໃຫ້​ຄະນະ​ພັກ​ກອງ​ບັນຊາ​ການ ທະຫານ​ແຂວງ​ເຊ​ກອງ ກ່າວ​ຄຳ​ຢ້ຽມຢາມ​ຖາມ​ຂ່າວ ແລະ ອວຍພອນ​ມາ​ຍັງ​ການ​ນຳ​ພັກ-ລັດ ແລະ ປະຊາຊົນ ຫວຽດນາມ ເວົ້າ​ລວມ, ເວົ້າ​ສະເພາະ ກໍຄື ຄະນະພັກ-ຄະນະ​ບັນຊາ ກອງ​ບັນຊາ​ການ​ທະຫານ​ຊາຍ​ແດນ ແລະ ຄະນະ​ພັກ​ກອງ​ບັນຊາ​ການ​ທະຫານ​ແຂວງ ຕະຫຼອດ​ຮອດ​ພະ ນັກງານ-ນັກຮົບ​ທົ່ວ​ກຳລັງ​ປະກອບ​ອາວຸດ ແຂວງ​ກວາງ​ນາມ, ເນື່ອງ​ໃນ​ໂອກາດ​ບຸນປີໃໝ່​ປະຈຳ​ຊາດ​ຂອງ ​ສສ ຫວຽດນາມ, ຈົ່ງ​ມີ​ສຸຂະພາບ​ເຂັ້ມແຂງ-ແຂງແຮງ, ມີ​ຄວາມ​ ຜາ​ສຸກ​ໃນ​ຊີວິດ​ສ່ວນ​ຕົວ, ພ້ອມ​ທັງ​ປະສົບ​ຜົນສຳເລັດ​ໜ້າທີ່​ໃນ​ພາລະກິດ​ອັນ​ສຳຄັນ​ຕາມ​ທີ່​ຊາດ ແລະ ປະຊາຊົນ​ມອບ​ໝາຍ​ໃຫ້ ພ້ອມ​ກັນ​ນັ້ນ, ຍັງ​ໄດ້​ພ້ອມ​ກັນ​ເອົາໃຈໃສ່​ ປົກ​ປັກ​ຮັກສາ​ສ້າງ​ຄວາມ​ສາມັກຄີ​ມິດຕະພາບ​ແບບ​ພິເສດ​ໃນ​ການ​ຮ່ວມ​ມື​ຮອບດ້ານ, ໂດຍ ​ມີ​ມູນເຊື້ອ​ໃນ​ການ​ອູ້ມຊູ​ຊ່ວຍເຫຼືອ​ເຊິ່ງ​ກັນ ແລະ ກັນ ໂດຍ​ຕະຫຼອດ​ມາ. ນອກ ຈາກ​ນັ້ນ, ຍັງ​ໄດ້​ເອົາໃຈໃສ່​ຈັດ​ຕັ້ງ​ເຊື່ອມ​ຊຶມ​ຈັດ​ຕັ້ງ​ຜັນ​ຂະຫຍາຍ​ບັນດາ​ໝາກຜົນ, ຜົນ ງານ​ໄຊຊະນະ​ໃນ​ການ​ປະຕິບັດ​ໜ້າທີ່​ການ ເມືອງ​ໃນ​ໄລຍະ​ໃໝ່, ຕະຫຼອດ​ຮອດ​ວຽກ ​ ງານ​ການ​ພົວພັນ​ຕ່າງປະເທດ, ເຊິ່ງ​ໄດ້​ປະສານ​ສົມທົບ​ແໜ້ນ​ກັບ​ອຳນາດ​ການ​ປົກຄອງ​ຂັ້ນ​ແຂວງ, ເມືອງ ແລະ ບ້ານ, ສາມາດ​ເຮັດ​ໃຫ້​ສະພາບການ​ຮອບດ້ານ ມີ​ຄວາມ​ສະ ຫງົບ​ໂດຍ​ພື້ນ ຖານ.ໂອ ກາດ​ນີ້, ຄະນະ​ພັກ​ກອງ​ບັນຊາ​ການ ທະຫານ​ຊາຍ​ແດນ ແລະ ກອງ​ບັນຊາ​ການ ທະຫານ​ແຂວງ​ກວາງ​ນາມ ໄດ້​ກ່າວ​ຄຳ​ຂອບໃຈ​ມາ​ຍັງ​ຄະນະ​ພັກ​ ກອງ​ບັນ ຊາ​ການ ທະຫານ​ແຂວງ​ເຊ​ກອງ ພ້ອມ​ຄະນະ ທີ່​ໄດ້​ມາ​ຢ້ຽມຢາມ ແລະ ອວຍພອນ​ໃນ​ໂອກາດ​ບຸນປີໃໝ່​ປະຈຳ​ຊາດ​ຂອງ ​ສສ ຫວຽດນ​​າມ​ໃນ​ຄັ້ງ​ນີ້, ເພື່ອ​ພ້ອມ​ກັນ​ ຈັດ​ຕັ້ງ​ປະຕິບັດ​ສືບຕໍ່​ພົວພັນ​ຮ່ວມ​ມື​ຮອບ ດ້ານ​ແບບ​ພິເສດ​ຂອງ​ສອງ​ຊາດ ຫວຽດນາມ-ລາວ, ລາວ-ຫວຽດນາມ ແລະ ພັດທະນາ​ເສດຖະກິດ-ສັງຄົມ ຂອງ​ສອງ​ຊາດ​ໃຫ້​ ຮັ່ງມີ​ຜາ​ສຸກ​ໃນຕໍ່ໜ້າ, ທັງ​ສອງ​ຝ່າຍ​ຕ້ອງ​ໄດ້​ພ້ອມ​ກັນ​ອູ້ມຊູ​ຊ່ວຍເຫຼືອ​ເຊິ່ງ​ກັນ ແລະ ກັນ, ຕິດ​ພັນ​ກັບ​ການ​ຮັກສາ​ແໜ້ນ​ທາງ​ດ້ານ​ຄວາມ​ສາມັກຄີ​ແບບ​ພິເສດ, ຄຽງ​ຄູ່​ກັບ​ ການ​ເພີ່ມ​ທະວີ​ສາຍສຳພັນ​ລະຫວ່າງ​ສອງ​ຊາດ ໃຫ້​ມີ​ຄວາມ​ໝັ້ນຄົງ​ທະ​ນົງ​ແກ່ນ​ຍິ່ງໆ​ຂຶ້ນ, ພ້ອມ​ກັນ​ເພີ່ມ​ທະວີ​ເອົາໃຈໃສ່​ຍົກ​ສູງ​ໝາກຜົນ​ໃນ​ການ​ປະສານ​ສົມທົບ​ທາງ​ດ້ານ ​ວຽກ​ງານ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ​ໃນ​ສະພາບ​ການ​ປ່ຽນແປງ​ໃໝ່​ໃຫ້​ມີ​ຄວາມ​ໜັກ​ແໜ້ນ-ເຂັ້ມແຂງ, ເພື່ອ​ເຮັດ​ໃຫ້​ປະເທດ​ຊາດ ແລະ ກົມ​ກອງ​ໄດ້​ຮັບ​ ການ​ພັດ ທະນາ​ດີ​ຂຶ້ນ​ເປັນ​ກ້າວໆ.

ແຫຼ່ງທີ່ມາ: ທອງ​ມີ ຈັນທະ​ວີ​ວັນ