ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຍົກ​ສູງ​ວຽກ​ງານ​ອົບ​ຮົມ-ຫັດ​ແອບ ການ​ທະຫານ ໃຫ້​ກຳລັງ​ກອງຮ້ອຍ​ປ້ອງ​ກັນ​ທີ່​ຕັ້ງ 902


     ວຽກ​ງານ​ອົບຮົມ-ຫັດ​ແອບ, ປັບປຸງ​ລະບຽບ​ແບບແຜນ​ແລະ​ເຝິກຝົນ​ກຳລັງ​ແຮງ​ກາຍ​ແມ່ນ​ໜຶ່ງ​ຢູ່​ໃນ​ບູລິມະສິດ​ສຳຄັນ​ທີ່​ຄະນະ​ພັກ-ຄະນະ​ບັນຊາ ແຕ່​ລະ​ຂັ້ນໄດ້​ ຈັດ​ຕັ້ງ​ ປະຕິບັດ​ເປັນ​ປະຈຳຕາມ ​ຄຳ​ສັ່ງ​ແນະນຳ​ຂອງ​ກົມ​ໃຫຍ່​ເສ ນາ​ທິ​ການ​ກອງທັບ​ວາງ​ອອກ, ເພາະ​ວຽກ​ງານ​ດັ່ງກ່າວ​ແມ່ນ​ນອນ​ຢູ່​ໃນ 4 ໜ້າທີ່​ໃຫຍ່ 26 ແຜນ​ງານ​ທີ່​ຄະນະ​ພັກ​ ກະຊວງ​ປ້ອງ​ກັນ​ປະເທດ​ກຳນົດ​ໄວ້ ທັງ​ແມ່ນ​ໜຶ່ງ​ໃນ​ມູນເຊື້ອ​ອັນ​ດີງາມ​ຂອງ​ກອງທັບ​ ປະຊາຊົນລາວເຊິ່ງ​ໄດ້​ຢັ້ງຢືນ​ເຖິງ​ຄວາມ​ມີ​ລະ ບຽບ​ວິໄນ​ຄວາມ​ເຂັ້ມແຂງ, ໜັກ​ແໜ້ນ, ເດັດຂາດ ມີ​ແບບແຜນ​ກ້າວ​ໄປ​ເຖິງ​ການ​ສ້າງ​ກອງທັບ​ປະຕິວັດ​ທັນ​ສະໄໝ​ໃນ​ສະເພາະ​ໜ້າ ​ແລະ​ຍາວ​ນານ.ໃນ​ນີ້​ ເວົ້າ​ສະເພາະ​ຢູ່​ກອງຮ້ອຍ​ປ້ອງ​ກັນ​ທີ່​ຕັ້ງ 902 ທະຫານ​ແຂວງ ​ຈຳປາ​ສັກ ກໍໄດ້​ຖື​ເອົາ​ວຽກ​ງານ​ດັ່ງກ່າວ​ເປັນ​ພື້ນຖານ​ສຳຄັນ​ໃນ​ການ​ປ້ອງ​ກັນ​ຕົວ​ຍົກ​ລະດັບ​ຄວາມ​ຮູ້​ຄວາມ​ສາມ​​າດ​ກຳລັງ​ແຮງ​ກາຍ​ໃຫ້​ກຳລັງ​ຂອງ​ຕົນ. ສະຫາຍ ຮ້ອຍ​ເອກ ສີ​ວິ​ໄຊ ຈັນ ທະ​ວິໄລ ຮອງ​ຫົວໜ້າ​ການທະ ຫານ​ກອງຮ້ອຍ​ປ້ອງ​ກັນ​ທີ່​ຕັ້ງ 902 ທະຫານ​ແຂວງ​ຈຳປາ​ສັກ ໃຫ້​ຮູ້​ວ່າ: ການ​ອົບຮົມ-ຫັດ​ແອບ​ວຽກ​ງານ​ການເມືອງ, ການ​ທະ ຫານ, ພະລາທິການ, ເຕັກນິກ ໃຫ້​ ພະ ນັກງານ-ນັກຮົບ​ຂອງ​ກອງ ຮ້ອຍ​ປ້ອງ​ກັນ​ທີ່​ຕັ້ງ 902 ປະຈຳ​ປີ 2022 ເປັນ​ການຍົກ​ສູງ​ສິລະ​ປະຍຸດ-ຍຸດທະວິທີ​ຂັ້ນ​ພື້ນ ຖານ​ຂອງ​ທະ ຫານ​ຮາບ ແລະ ວິຊາ​ສະ ເພາະ​​ໃຫ້​ມີ​ຄວາມ​ຄ່ອງ​ແຄ້ວ, ຊຳນິ​ຊຳນານ​ເຂົ້າ​ໃນ​ວຽກ​ງານ​ຕົວ​ຈິງ. ການເ​ຝິກ​ອົບ ຮົມ​ຄັ້ງ​ນີ້ ​ມີ​ນັກ​ເຝິກ​ອົບຮົມ​ເຂົ້າ​ຮ່ວມ​ທັງ​ໝົດ 80 ສະຫາຍ, ກຳ ນົດ​ເວລາ 90 ວັນ, ເອກະສານ​ທີ່​ນຳ​ມາ​ອົບ ຮົມ​ມີ​ຄື: ພາກ​ວິຊາ​ການເມືອງ 5 ວັນ, ພາກ​ພະລາທິການ 5 ວັນ, ພາກ​ເຕັກນິກ 05 ວັນ, ອົບຮົມ​ລະບຽບ, ຂໍ້​ກຳນົດ, ລະບຽບ ​ຮູບ​ແຖວ​ພິທີການ 15 ວັນ, ອົບຮົມ​-ຫັດ​ແອບ​ລະບຽບ​ກິລາ 10 ວັນ, ພາກ​ສິລະປະ​ຍຸດ 25 ວັນ, ພາກ​ຍຸດທະວິທີ 25 ວັນ, ຜ່ານ​ການ ເ​ຝິກ​ອົບຮົມ​ຕົວ​ຈິງ​ສາມາດ​ຕີ​ລາ ຄາ​ ຜົນ​ໄດ້​ຮັບ​ຄື: ພາກ​ການເມືອງ ໄດ້ 83,32%; ພາກ​ພະລາທິ ການໄດ້ 99,99%; ພາກ​ເຕັກ ນິກໄດ້ 91% ; ລະບຽບ, ຂໍ້​ກຳ ນົດ, ລະບຽບ​ຮູບ​ແຖວ​ພິທີການ ໄດ້ 93,32%; ລະບຽບ​ກິລາ ໄດ້ 92,33%; ສິລະປະ​ຍຸດ ໄດ້ 82,66%; ຍຸດທະວິທີ ໄດ້ 89,99% ; ສະເລ່ຍ​ລວມ​ທັງ​ໝົດ ໄດ້ 90,51%. ສະຫາຍ ພັນ​ໂທ ໄພ​ວັນ ຫຼວງ ​ໄຊ​ສົງຄາມ ຫົວໜ້າ​ພະ​ແນກ​ອົບ ຮົມ ທະຫານ​ແຂວງ​ຈຳປາ​ສັກ ຍັງ​ໃຫ້​ຮູ້​ຕື່ມ​ອີ​ກວ່າ: ຜ່ານ​ການຈັດຕັ້ງ​ປະ​ຕິບັດ​ເຫັນ​ວ່າ ​ພະນັກງານ-ນັກ ຮົບ​ມີ​ຄວາມ​ເຂົ້າໃຈ ​ແລະ ​ກຳ​ແໜ້ນ ​ ທາງ​ພາກ​ທິດ​ສະ​ດີ​ ແລະ​ພາກ​ປະຕິບັດ​ຕົວ​ຈິງ, ຈັງຫວະ​ບາດ​ກ້າ​ວບຸກ​ຕີ, ຈັ້ງ​ທ່າ, ຈຸ 3.3 ແລະ ​ໝູ່​ບຸກ​ຕີ​ສາມາດ​ດັບ​ສູນ​ເປົາ​ໝາຍ​ໄດ້​ດີ​ພ້ອມ​ທັງ​ຮັບປະກັນ​ຄວາມ​ປອດ​ໄພ 100%.

ແຫຼ່ງທີມາ:ດາ​ວົງ ບຸດ​ຕະ​ວົງ