ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຫ້ອງ​ພະລາທິການ​ທະຫານ​ແຂວງ​ຫົວພັນ
ເປັນ​ເຈົ້າ​ການ ​ ປະຕິບັດ​ໜ້າທີ່​ຂອງ​ຕົນ​ດ້ວຍ​ຄວາມ​ຮັບຜິດຊອບ​ສູງ


    ວຽກ​ງານ​ພະລາທິການ​ແມ່ນ​ວຽກ​ງານ​ໜຶ່ງ​ທີ່​ສຳຄັນ​ເປັນ​ເສນາ​ທິ​ການ​ໃຫ້​ແກ່​ກົມ​ກອງ​ໃນ​ການ​ຮັບປະກັນ​ ທາງ​ດ້ານ​ຊີວິດ​ການ​ເປັນ​ຢູ່​ຂອງ​ພະນັກງານ-ນັກ ຮົບ ບໍ່​ວ່າການ​ກິນ​ຢູ່, ການ​ນຸ່ງ​ຫົ່ມ, ວັດຖຸ​ເງິນ​ຄຳ, ນ້ຳມັນ​ເຊຶ້ອ​ໄຟ, ການ​ລຳ ລຽງ​ຂົນສົ່ງ ລວມ​ໄປ​ເຖິງ​ການ​ປັບປຸງ​ກໍ່ສ້າງ​ພັດທະນາ​ກົມ​ກອງ​ໃຫ້​ແໜ້ນໜາ​ຖາ ວອນ​ເປັນ​ລະບົບ​ລະບຽບ​ຮຽບ​ຮ້ອຍ ແລະ ການ​ສ້າງ​ເສດຖະກິດ​ແກ້​ໄຂ​ຊີວິດ​ການ​ເປັນ​ຢູ່ ດ້ວຍ​ການ​ເພີ່ມ​ພູນ​ຜະລິດຜົນ​ປູກຝັງ-ລ້ຽງສັດ, ເບິ່ງແຍງ​ຮັກສາ​ສຸ ຂະພາບ​ຂອງ​ນາຍ ແລະ ພົນທະຫານທັງ​ໝົດ​ເຫຼົ່ານັ້ນກໍ​ເພື່ອ​ຮັບປະກັນ​ໃຫ້​ແກ່​ການ​ກຽມພ້ອມ​ປະຕິບັດ​ໜ້າທີ່​ການເມືອງ​ຂອງ​ຕົນ​ທີ່​ຂັ້ນ​ເທິງ​ມອບ​ໝາຍ​ໃຫ້​ມີ​ ຜົນສຳເລັດ​ເປັນ​ຢ່າງ​ດີ ໃນ​ນີ້​ເວົ້າ​ສະເພາະ​ຢູ່​ກອງ​ບັນຊາ​ການ​ທະຫານ ແຂວງ​ຫົວ ພັນ ໃນ​ໄລຍະ​ຜ່ານ​ມາ ຄະນະ​ພັກ-ຄະນະ​ບັນຊາ​ໄດ້​ສຸມ​ໃສ່​ເຮັດວຽກ ​ງານ​ ຮັບປະກັນ​ດ້ານ​ພະລາທິ ການ, ເຊິ່ງ​ມັນ​ແມ່ນ​ຄວາມຈຳ ເປັນ​ຕົ້ນຕໍ​ໃຫ້​ແກ່​ການ​ລ້ຽງ​ດູ​ກຳ ລັງ ແລະ ຄ້າຍ​ຄູ, ເພື່ອ​ປັບປຸງ​ກໍ່ສ້າງ​ພື້ນຖານ​ໂຄງ​ລ່າງ​ໃຫ້​ມີ ຄວາມ​ ແໜ້ນໜາ​ຖາວອນ ເພື່ອ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ພະນັກງານ-ນັກຮົບ​ໃຫ້​ນັບ​ມື້​ດີ ຂຶ້ນ​ຕາມ​ທິດ​ເພິ່ງ​ຕົນ​ເອງ, ກຸ້ມ​ຕົນ​ເອງ ແລະ ສ້າງ​ຄວາມ​ເຂັ້ມແຂງ ​ດ້ວຍ​ຕົນ​ເອງ. ສະຫາຍ ພັນ​ເອກ ຄຳ​ພັນ ຄຳ​ມະນີ ຫົວໜ້າ​ຫ້ອງ​ພະລາທິການ​ທະຫານແຂວງ​ຫົວພັນ ໃຫ້​ຮູ້​ວ່າ: ໂດຍ​ປະຕິບັດ​ຕາມ​ທິດ​ນຳ​ເພິ່ງ​ຕົນ​ເອງ ກຸ້ມ​ຕົນ ​ເອງ ແລະ ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ ທີ່​ຂັ້ນ​ເທີ່ງ​ວາງ​ອອກ​ນັ້ນ​ໄດ້​ເອົາໃຈໃສ່​ປະຕິບັດ​ຢ່າງ​ຕັ້ງ ໜ້າ​ຕໍ່​ວຽກ​ງານ​ຮັບປະກັນ​ສ້າງ​ ພະລາທິການ​ກັບ​ທີ​ເພື່ອ​ ແກ້​ໄຂ​ຊີວິດ​ການ​ເປັນ​ຢູ່​ຂອງ​ພະນັກ ງານ-ນັກຮົບ ແລະ ມີ​ອັນ​ພົ້ນ​ເດັ່ນ ​ຫຼາຍ​ດ້ານ​ເປັນຕົ້ນ​ແມ່ນ​ວຽກ ​ງານ 4 ປູກ 4 ລ້ຽງ​ທີ່​ກົມ​ໃຫຍ່​ພະ ລາທິການ​ກອງທັບ ​ກຳນົດ. ກົມ​ກອງ​ກໍໄດ້​ວາງ​ຄາດໝາຍ​ສູ້​ຊົນ​ ໃຫ້​ອົງການ, ກອງ​ບັນຊາ​ການ​ ທະຫານ​ເມືອງ,ກອງພັນ, ກອງ ຮ້ອຍ, ໝວດ ລົງ​ຮອດ​ບຸກຄົນ​ຜູ້​ໜຶ່ງ​ສະໜອງ​ພຶດ​ ຜັກ​ເຂົ້າ​ເຮືອນ​ລວມ​ໃຫ້​ໄດ້​ຕາມ​ແຜນການ​ທີ່​ກົມ​ກອງ​ກຳນົດ​ເພື່ອ​ລຸດ​ຜ່ອນ​ການ​ ຈັດ​ຊື້​ຈາກ​ທ້ອງ​ຕະຫຼາດ​ເຂົ້າ​ມາ, ເຊິ່ງ​ຜ່ານ​ການຈັດຕັ້ງ​ປະຕິບັດ​ ຕົວ​ຈິງ​ເຫັນ​ ວ່າ​ບັນລຸ​ຕາມ​ຄາດ ໝາຍ​ທີ່​ໄດ້​ວາງ​ໄວ້,

ແຫຼ່ງທີ່ມາ: ບົວລາ ສໍລາວັນ
ວັນທີ 03/01/2023