ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງ​ພົນ​ທີ 4 ສະຫຼຸບ​ຖອດ​ຖອນ​ບົດຮຽນ​ວຽກ​ງານ​ອົບຮົມ-ຫັດ​ແອບ


   ໃນ​ວັນ​ທີ 22 ທັນວາ 2022 ນີ້, ກອງ​ພົນ​ທີ 4 ໄດ້​ຈັດ​ກອງ​ປະ ຊຸມ​ສະຫຼຸບ​ຖອດ​ຖອນ​ບົດຮຽນ​ວຽກ​ງານ​ອົບ ຮົມ​ການເມືອງ, ຫັດ​ແອບ​ການ​ທະຫານ, ພະ ລາທິ ການ-ເຕັກນິກ ປະຈຳ​ປີ 2022 ໂດຍ​ການ​ເປັນ​ປະທານ​ຂອງ ສະ ຫາຍ ພັນ​ເອກ ຕາງ​ຕາ ຕາດ​ເວີນ​ຄຳ ຮອງ​ເລຂາ​ຄະນະ​ພັກ​ກອງ​ ພົນຫົວໜ້າ​ການ​ທະ ຫານ​ກອງພົນ ທີ 4, ມີ​ຄະນະ​ພັກ-ຄະນະ​ບັນຊາ​ກອງ​ພົນ, ຄະນະ​ຫ້ອງ​ອົງການ 5 ຫ້ອງ, ພະແນກການ, ຄະນະ​ພັກ-ຄະນະ​ບັນຊາ​ກອງພັນ​ໃຫຍ່ 401, ກອງພັນ ​ນ້ອຍ, ກອງຮ້ອຍ​ເອກະລາດ​ ເຂົ້າ​ຮ່ວມ. ສະຫາຍ ພັນ​ໂທ ໂອ​ຄຳ ສີ​ສັງ ​ທອງ ຫົວໜ້າ​ພະ​ແນກ​ອົບຮົມ​ຫ້ອງ​ເສນາ​ທິ​ການ​ກອງ​ພົນ​ທີ 4 ໄດ້​ຂຶ້ນ​ຜ່ານ​ບົດ​ສະຫຼຸບ ​ການຈັດ ຕັ້ງ​ອົບຮົມ​ການເມືອງ, ຫັດ​ແອບ​ການ​ທະຫານ, ພະລາທິການ- ເຕັກນິກ ປະຈຳປີ 2022 ເຊິ່ງ​ໄດ້​ຍົກ​ໃຫ້​ເຫັນ​ບາງ​ບົດຮຽນ​ທີ່​ຖອດ​ຖອນ​ໄດ້, ໃນ​ນີ້​ ຄະນະ​ພັກ-ຄະນະ​ບັນຊາ, ຄະນະ​ຊີ້​ນຳ, ບັນດາ​ອະ ນຸ​ກຳມະການ​ຂັ້ນ​ກອງ​ພົນ​ໄດ້ເອົາໃຈໃສ່​ເປັນ​ເຈົ້າ​ການ​ລົງ​ນຳພາ-ຊີ້​ນຳລົງ​ໃກ້ຊິດຕິດແທດ​ໃນການ​ອົບຮົມ- ຫັດ​ແອບ​ຕົວ​ຈິງ, ມີ​ຄວາມ​ເປັນ​ເອກະ​ພາບ​ບັນດາ​ເນື້ອ​ໃນ​ອົບຮົມ-ຫັດ​ແອບ​ແຕ່​ລະ​ໄລຍະ​ແຕ່​ລະ​ບາດກ້າວ, ສິລະ​ປະຍຸດ- ຍຸດທະວິທີ, ບັນດາ​ທ່າ​ຈັ່ງ​ຫວະ​ການ ເຄື່ອນໄຫວ​ຖືກຕ້ອງ​ຕາມ​ລະບຽບ​ຫຼັກການ ລວມ​ໄປ​ເຖິງ​ພາກ​ທິດ​ສະ​ດີ ແລະ ພາກ​ປະຕິບັດ​ຕົວ​ຈິງ ເຮັດ​ໃຫ້​ບັ້ນ​ອົບຮົມ-ຫັດ​ ແອບ​ໃນ​ໄລຍະ​ຜ່ານ​ມາ​ສຳເລັດ ຜົນ​ຢ່າງ​ຈົບງາມ ສະເລ່ຍ​ຜົນໄດ້​ຮັບ​ການ​ອົບຮົມ-ຫັດ​ແອບປະຈຳ​ປີ 2022 ບັນລຸ​ໄດ້ 89,29%, ສາມາດ​ຮັກສາ​ຄວາມ​ປອດ​ໄພ​ໄດ້ 100%, ຕອນ​ທ້າຍ​ກອງ ​ ປະຊຸມ ສະຫາຍ ພັນ​ເອກ ຕາງ​ຕາ ຕາດ​ເວີນ​ຄຳ ໄດ້​ກ່າວ​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜົນສຳເລັດ​ຂອງ​ວຽກ​ງານ​ອົບຮົມ​ການເມືອງ, ຫັດ​ແອບ​ການ​ທະ ຫານ, ພະລາທິການ- ເຕັກນິກ ປະຈຳ​ປີ 2022, ພ້ອມ​ທັງຮຽກຮ້ອງ​ໃຫ້​ຄະນະ​ພັກ-ຄະ ນະ​ບັນຊາ​ແຕ່​ລະ​ຂັ້ນ, ຈົ່ງ​ເພີ່ມ​ທະ ວີ​ຍົກ​ສູງ​ວຽກ​ງານ​ສຶກ​ສາ​ອົບຮົມ ​ການເມືອງ​-ແນວ​ຄິດ​ເປັນ​ຫຼັກ, ຖື​ເອົາ​ວຽກ​ງານ​ອົບຮົມ-ຫັດ ​ແອບເປັນ​ບັນຫາ​ສຳຄັນ ແລະ ເປັນ​ໄມ້​ຫຼາ​ວັດແທກ​ໃນ​ການປັບ ປຸງກໍ່ສ້າງກອງ​ປອດ​ໃສ ເຂັ້ມ ແຂງ ໜັກ​ແໜ້ນ, ການ​ອົບຮົມ-ຫັດ​ແອບ ແຕ່​ລະ​ອົງການ, ກົມ​ກອງໃຫ້​ຖື​ເອົາ​ຄຸນ​ນະ​ພາບ​ເປັນ​ຈຸດ​ໜັກ, ກຳ​ແໜ້ນ​ແນວທາງ​ນະໂຍບາຍ​ຂອງພັກ-ລັດຂັ້ນ​ເທິງ, ບັນດາຂໍ້​ ກຳນົດ 7 ລະບອບ 18 ວຽກຂອງ ​ກອງທັບຕິດ​ພັນ​ກັບ 4 ໜ້າທີ່​ໃຫຍ່ 26 ແຜນ​ງານທີ່​ຄະນະ​ພັກ​ກະຊວງ​ປ້ອງ​ກັນ​ປະ ເທດ​ວາງ​ອອກ​ໃຫ້​ປະກົດ​ຜົນ ​ ເປັນ​ຈິງ ແລະ ພ້ອມ​ກັນ​ກຳ​ແໜ້ນ​ບັ້ນ​ອົບຮົມ- ຫັດ​ແອບ​ດັ່ງກ່າວ​ໄປ​ໝູນ​ໃຊ້​ເຂົ້າ​ໃນ​ວຽກ​ງານ​ຕົວ​ຈິງ​ຂອງ​ກົມກອງ​ ໃຫ້​ເກີດ​ປະໂຫຍດ​ສູງ​ສຸດ.

     ແຫຼ່ງທີ່ມາ: ອານຸສັກ ຈູມມະນີວົງ
ວັນທີ 03/01/2023