ຄະນະປະຕິບັດງານປະຈຳຊາຍແດນ ແຂວງມຸກດາຫານ-ສະຫວັນນະເຂດ
ເຂົ້າພົບປະຢ້ຽມຢາມເຈົ້າແຂວງສະຫວັນນະເຂດ
ວັນທີ 4 ມັງກອນ 2023 ນີ້, ຄະນະປະຕິບັດງານ ປະຈຳຊາຍແດນ ໄທ-ລາວ ແຂວງມຸກ ດາຫານ-ສະຫວັນນະເຂດ ນຳໂດຍ ທ່ານ ພົນຕີ ນໍລະທິບ ໂພຍນອກ ຜູ້ບັນ ຊາການກອງພົນທີ 3 ຜູ້ບັນຊາການກອງກຳລັງສຸລະສັກມົນຕີ ຣາຊະອານາຈັກໄທ ພ້ອມດ້ວຍຄະນະ ໄດ້ມາຢ້ຽມຢາມ ແລະ ອວຍພອນ ທ່ານ ສັນຕິພາບ ພົມວິຫານ ເລຂາພັກແຂວງເຈົ້າແຂວງ ແຂວງສະຫວັນນະເຂດຢູ່ທີ່ສຳນັກງານປົກຄອງແຂວງ. ຜູ້ບັນຊາການກອງພົນທະຫານຮາບທີ 3 ໄດ້ລາຍງານສະພາບການປະຕິບັດງານການ ຮ່ວມມື ກັບເຈົ້າໜ້າທີ່ຝ່າຍລາວໂດຍສະເພາະເຂດຊາຍແດນມຸກດາຫານ-ສະຫວັນນະເຂດ ເຊິ່ງໃນໄລຍະຜ່ານມາແມ່ນໄດ້ປະສານສົມທົບກັນເປັນຢ່າງດີໃນການສະກັດ ກັ້ນ ແລະ ປາບປາມຢາເສບຕິດ, ການລັກ ລອບເຂົ້າ-ອອກເມືອງຜິດກົດໝາຍ, ຄ້າຂາຍເຖື່ອນຫຼົບໜີພາສີ ແລະ ບັນຫາອື່ນໆ. , ທ່ານ ສັນຕິພາບ ພົມວິຫານ ກໍໄດ້ຕີລາ ຄາສູງຕໍ່ການພົວພັນຮ່ວມມືລະຫວ່າງຄະນະຊຸດປະຕິບັດງານປະຈຳຊາຍແດນມຸກດາຫານ-ສະຫວັນນະເຂດ ທີ່ໄດ້ເຮັດສຳເລັດໜ້າທີ່ໃນການພົວພັນຮ່ວມມືດ້ານຕ່າງໆໃນ ໄລຍະຜ່ານມາໄດ້ຮັບຜົນສຳເລັດໃນຫຼາຍດ້ານ, ເຊິ່ງໃນ ຕໍ່ໜ້ານີ້ສອງຄະນະຊຸດປະຕິບັດງານປະຈຳຊາຍແດນຈົ່ງເພີ່ມທະວີການພົວພັນຮ່ວມມືໃຫ້ເລິກເຊິ່ງຂຶ້ນກວ່າເກົ່າ ໂດຍສະເພາະແມ່ນວຽກງານເຮັດໃຫ້ສະພາບລຽບຕາມຊາຍແດນມີຄວາມສະຫງົບ, ຮ່ວມກັນແກ້ໄຂບັນຫາຢາເສບຕິດລຽບຕາມຊາຍແດນ, ການຫຼັກລອບເຂົ້າ-ອອກ ເມືອງທີ່ຜິດກົດໝາຍ ແລະ ຄ້າຂາຍເຖື່ອນທີ່ຫຼົບໜີພາສີໃຫ້ໝົດໄປເທື່ອລະກ້າວ.
ແຫຼ່ງທີ່ມາ: ພານິດ ພິລາວົງ