ຫ້ອງວ່າການກະຊວງປ້ອງກັນປະເທດ ສະຫຼຸບວຽກງານຮອບດ້ານ ປະຈຳປີ 2022
ວັນທີ 10 ມັງກອນ 2023 ນີ້, ຫ້ອງວ່າການກະຊວງປ້ອງກັນປະເທດ ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານ ປະຈຳປີ 2022, ໂດຍ ການເປັນປະ
ທານຂອງ ສະຫາຍ ພົນຕີ ສາຍໃຈ ກົມມະສິດ ຫົວໜ້າ ຫ້ອງວ່າການກະຊວງປ້ອງກັນ ປະເທດ, ມີຄະນະພັກອົງການ ຫ້ອງວ່າການກະຊວງ, ຄະນະພັກ-ຄະນະບັນຊາກົມ,
ຫ້ອງການ, ບໍລິສັດລັດວິສາຫະກິດ, ກອງ ພ້ອມດ້ວຍພະນັກງານຫຼັກແຫຼ່ງທົ່ວຫ້ອງວ່າການເຂົ້າຮ່ວມ. ( ອ່ານຕໍ່ໜ້າ 7 ) ສະຫາຍ ພັນເອກ ທະນູກອນ ສຸລິຍະແສງ ຫົວໜ້າ
ກົມຄົ້ນຄວ້າສັງລວມ ຫ້ອງວ່າການກະຊວງ ປ້ອງກັນປະເທດ ໄດ້ສະຫຼຸບຕີລາ ຄາຄືນຕໍ່ໜາກຜົນໃນການເຄື່ອນ ໄຫວນຳພາ-ຊີ້ນຳຂອງຄະນະພັກໃນຊຸມປີຜ່ານມາ ເປັນຕົ້ນ
ແມ່ນວຽກງານເຮັດໃຫ້ສະ ພາບມີຄວາມສະຫງົບ ໄດ້ເປັນເຈົ້າການ ຊີ້ນຳບັນດາອົງການ, ກົມກອງ, ຕິດຕາມກຳແໜ້ນສະພາບການ ເຄື່ອນໄຫວຂອງກຸ່ມຄົນບໍ່ດີ ແລະ
ປະກົດການຫຍໍ້ທໍ້ຕ່າງໆ ເພື່ອເຮັດໃຫ້ສະພາບມີຄວາມສະຫງົບ-ປອດໄພ, ວຽກງານປັບປຸງກໍ່ສ້າງກຳລັງໄດ້ເອົາໃຈໃສ່ຄົ້ນຄວ້າຫັນບັນດາມະຕິຂອງສູນກາງພັກ, ມະຕິຂອງ
ກົມການເມືອງສູນກາງພັກ, ມະຕິ-ຄຳສັ່ງຂອງຄະນະ ປກຊ-ປກສ ສູນກາງ ເປັນມະຕິຂອງຄະນະພັກກະຊວງ, ເປັນທິດ ທາງວຽກງານປ້ອງກັນຊາດ; ຄົ້ນຄວ້າ-ຮ່າງບັນ ດາ
ຄຳສັ່ງ ແນະ ນຳ, ແຜນການເຄື່ອນໄຫວເຮັດວຽກຂອງຄະນະນຳກະຊວງ, ແຈ້ງການ, ບົດລາຍງານ, ບັນດາບົດຄຳເຫັນ, ບົດໂອ້ລົມ, ບົດປາໄສຂອງຄະນະນຳກະຊວງ ແລະ
ຂອງການນຳພັກ-ລັດ, ເປັນເຈົ້າການປະສານສົມທົບກັບບັນດາອົງ ການກ່ຽວຂ້ອງຂອງພັກ-ລັດ, ກົມກອງ-ທ້ອງຖິ່ນ, ຊ່ວຍການ ນຳກະຊວງປ້ອງກັນປະເທດໃນ ການເຄື່ອນ
ໄຫວວຽກງານຕ່າງໆ; ກວດແກ້ເອ ກະສານ, ຊັບຊ້ອນສ້າງສຳເນົາ ແລະ ຈໍລະຈອນເອກະສານເປັນລະບົບ-ວ່ອງໄວ, ຮັກສາໄດ້ຄວາມລັບ ແລະ ມີຄວາມປອດໄພ. ພ້ອມນີ້ກ
ໍ ໄດ້ເອົາ ໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບມີຄວາມໜັກແໜ້ນທາງດ້ານການເມືອງ ໂດຍສຸມໃສ່ຈັດຕັ້ງເຊື່ອມຊຶມມະຕິກອງປະຊຸມ
ໃຫຍ່ຜູ້ແທນ ຄັ້ງທີ XI ຂອງພັກ, ມະຕິກອງ ປະຊຸມໃຫຍ່ຄັ້ງທີ V ຂອງຄະນະບໍລິຫານງານພັກກະຊວງປ້ອງກັນປະເທດ ແລະ ມະຕິກອງປະຊຸມໃຫຍ່ຄັ້ງທີ V ຂອງຄະນະບໍ
ລິຫານງານພັກອົງການຫ້ອງວ່າການກະຊວງ, ບັນດາເອກະສານມູນເຊື້ອຂອງຊາດ, ຂອງພັກ, ຂອງກອງ ທັບ, ວາລະແຫ່ງຊາດ ວ່າດ້ວຍການແກ້ໄຂ ຄວາມຫຍຸ້ງຍາກ
ທາງດ້ານເສດ ຖະກິດ-ການເງິນ ແລະ ການແກ້ ໄຂບັນຫາຢາເສບຕິດພ້ອມກັບ ເອກະສານສຳຄັນຕ່າງໆ ແລະ ຂໍ້ກຳນົດ, ກົດລະບຽບຂອງກອງ ທັບ, ບັນດາມະຕິ-ແນວ
ທາງ-ແຜນນະໂຍບາຍຂອງພັກ, ລະ ບຽບກົດໝາຍຂອງລັດ,ລະບຽບວິ ໄນຂອງກອງທັບ, ມະຕິ-ຄຳ ສັ່ງຂອງຂັ້ນເທິງ ແລະ ໜ້າທີ່ການ ເມືອງຂອງກົມກອງເປັນປົກກະ ຕິ,
ດ້ານວຽກງານຮັບປະກັນດ້ານພະລາທິການ ແຕ່ລະກົມກອງໄດ້ເອົາໃຈໃສ່ການສ້າງລາຍຮັບ ໃຫ້ກົມກອງຂອງຕົນ ໃນການປູກຝັງ, ລ້ຽງສັດ, ປູກພືດຂາຍອອກສູ່ສັງຄົມ
ເພື່ອສ້າງລາຍຮັບເຂົ້າກົມກອງຕາມທິດນຳເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ. ບັນດາຫົວໜ່ວຍທຸລະກິດທີ່ຂຶ້ນກັບການຄຸ້ມຄອງຂອງຫ້ອງ
ວ່າການກະຊວງ ກໍໄດ້ເຄື່ອນໄຫວເຮັດໜ້າທີ່ຕາມພາລະບົດບາດຂອງຕົນ ໃນການດຳເນີນທຸລະກິດໃຫ້ມີຄວາມຄ່ອງຕົວ, ມີລາ ຍຮັບຜົນກຳໄລ, ຮັບປະກັນເງິນ ເດືອນ,
ເງິນສະຫວັດດີການ-ສັງ ຄົມ, ມອບພາສີ-ອາກອນ, ມອບ ພັນທະໃຫ້ລັດຖະບານ ແລະ ກະ ຊວງ, ປະກອບສ່ວນຊ່ວຍເຫຼືອສັງຄົມຕາມແຜນການທີ່ວາງໄວ້. ພ້ອມນີ້ຍັງ
ໄດ້ເອົາໃຈໃສ່ວຽກງານພົວພັນກັບຕ່າງປະເທດ ເຊິ່ງໄດ້ປະຕິບັດແນວທາງການຕ່າງປະເທດຂອງພັກຢ່າງຕັ້ງ ໜ້າ, ເປັນຕົ້ນການພົວພັນຮ່ວມມືສອງຝ່າຍ ແລະຫຼາຍຝ່າຍ,
“
ການຮ່ວມມືຮອບດ້ານກັບກອງທັບບັນດາປະເທດເພື່ອນມິດຍຸດທະສາດ, ພົວພັນຮ່ວມມືກັບກອງທັບບັນດາປະເທດໃນກຸ່ມອາຊຽນ, ພາກພື້ນ ແລະໃນໂລກ; ຄຸ້ມຄອງ-
ຕິດຕາມ ແລະ ອຳນວຍຄວາມສະດວກ ໃຫ້ແກ່ບັນດາຄະນະຊ່ຽວຊານການທະຫານຂອງບັນດາປະເທດເພື່ອນມິດຍຸດທະສາດ, ຕິດຕາມ-ຄຸ້ມຄອງນັກຮຽນນາຍທະຫານ
ຕ່າງປະເທດທີ່ມາຮຽນຢູ່ ສປປ ລາວ, ຈັດສົ່ງນັກ ຮຽນທະຫານລາວໄປຮຽນບຳລຸງ ແລະ ກໍ່ ສ້າງຢູ່ຕ່າງປະເທດຕາມແຜນການ ແລະ ວຽກງານຮ່ວມມືດ້ານອື່ນໆ.
ແຫຼ່ງທີ່ມາ: ໜັງສືພິມກອງທັບ