ນະຄອນຫຼວງ ເປີດອົບຮົມວຽກງານ ປກຊ-ປກສ ໃຫ້ພະນັກງານຫຼັກແຫຼ່ງເປົ້າໝາຍ 3 ຊຸດທີ II
ວັນທີ 6 ມັງກອນ 2023 ນີ້, ກອງບັນຊາການທະຫານນະຄອນຫຼວງວຽງຈັນ, ໄດ້ເປີດອົບຮົມ ວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ພະນັກງານຫຼັກແຫຼ່ງ
ເປົ້າໝາຍ 3 ຊຸດທີ II ທົ່ວນະຄອນຫຼວງວຽງຈັນ, ໂດຍການເປັນປະທານຂອງ ສະຫາຍ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ປະທານຄະນະກຳມະ
ການສຶກສາອົບຮົມວຽກງານ ປກຊ-ປກສ ນະຄອນຫຼວງວຽງຈັນ, ມີ ສະຫາຍ ພົນຈັດຕະວາ ໄພວັນ ຈັນທະພົມມາ, ຮອງປະທານຄະນະກຳມະການ ປກຊ-ປກສ ນະຄອນ
ຫຼວງວຽງຈັນ, ຫົວໜ້າການເມືອງກອງບັນຊາການທະຫານນະຄອນຫຼວງວຽງຈັນ, ມີ ສະຫາຍ ພັນເອກ ບຸນວານ ພົມມະວົງ, ຮອງປະທານຄະນະກຳມະການ ປກຊ-ປກສ
ນະຄອນ ຫຼວງວຽງຈັນ, ຫົວໜ້າການທະ ຫານທະຫານນະຄອນຫຼວງວຽງຈັນ, ມີຕາງໜ້າຈາກພາກສ່ວນຕ່າງໆ, ຄະນະພັກ-ຄະນະບັນຊາອົງການ, ກົມກອງທີ່ຂຶ້ນກັບເຂົ້າ
ຮ່ວມ. ສະຫາຍ ພັນເອກ ບຸນລິດ ສີສຸພອນ ຫົວໜ້າຫ້ອງເສນາທິການທະຫານນະຄອນຫຼວງວຽງຈັນ ໄດ້ຂຶ້ນຜ່ານແຜນການອົບຮົມວຽກງານ ປກຊ-ປກສ ໃຫ້ພະ ນັກງານ
ຫຼັກແຫຼ່ງເປົ້າໝາຍ 3 ຊຸດທີ II ທົ່ວນະຄອນຫຼວງວຽງຈັນ, ການອົບຮົມຄັ້ງນີ້ຈະໄດ້ດຳ ເນີນເປັນເວລາ 30 ວັນ, ມີສຳມະນາກອນເຂົ້າຮ່ວມທັງໝົດ 29 ສະຫາຍ, ໃນນັ້ນ,
ສຳມະນາກອນທີ່ເປັນຮອງຫົວໜ້າພະແນກ ແລະ ທຽບເທົ່າພະແນກຂັ້ນນະຄອນຫຼວງວຽງຈັນ 20 ສະຫາຍ ແລະ ຂັ້ນຮອງເຈົ້າເມືອງ 9 ສະ ຫາຍ, ສຳລັບເນື້ອໃນທີ່ນຳມາ
ອົບຮົມມີ 12 ບົດຄື: ບາງບັນຫາກ່ຽວກັບການສະກັດກັ້ນ-ຕ້ານຍຸດທະສາດຫັນປ່ຽນໂດຍສັນຕິຂອງອິດທິກຳລັງປໍລະປັກ, ບາງທັດສະນະພື້ນຖານຂອງພັກຕໍ່ວຽກງານການ
ທະຫານໃນໄລຍະໃໝ່, ບົດບາດທີ່ເປັນເສນາທິການຂອງບັນດາອົງການ, ພະແນກການ, ອົງການຈັດຕັ້ງມາຫາ ຊົນຂັ້ນເມືອງຕໍ່ວຽກງານປ້ອງກັນຊາດ, ການພັດທະນາເສດ
ຖະກິດ-ສັງຄົມ ຕິດພັນກັບວຽກ ງານປ້ອງກັນຊາດ-ປ້ອງກັນ ຄວາມສະຫງົບຂັ້ນເມືອງ, ການກໍ່ສ້າງທ່າສະໜາມ 3 ຂັ້ນ, ການຈັດຕັ້ງເຄື່ອນໄຫວຂອງກຳລັງກອງຫຼອນ-
ປກສ ບ້ານ, ກຸ່ມບ້ານ, ກຳລັງປ້ອງກັນພາຍໃນ, ການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ, ການກໍ່ສ້າງບໍລິເວນປ້ອງກັນ-ຈັ້ງທ່າຂັ້ນເມືອງ, ຂັ້ນນະຄອນຫຼວງ
ວຽງຈັນ, ຄວາມຮັບຮູ້ລວມກ່ຽວກັບຄວາມສະຫງົບ ແລະ ວຽກງານປ້ອງກັນຄວາມສະຫງົບຂອງຊາດ, ວຽກງານຕ້ານອາດສະຍາກຳ, ບົດສິລະປະຍຸດ, ການມ້າງປະກອບ
ປືນ ແລະ ປະຕິບັດຍິງລູກປືນແທ້. ທັງນີ້, ກໍເພື່ອເປັນການຈັດຕັ້ງຜັນຂະຫຍາຍແນວທາງ ປກຊ-ປກສ ໃນໄລຍະໃໝ່, ເຮັດໃຫ້ພະ ນັກງານຫຼັກແຫຼ່ງກຳແໜ້ນທັດສະນະ ແລະ
ປະຕິບັດກົນໄກທາງດ້ານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນ ຮອບດ້ານ ຕິດພັນກັບການປະຕິບັດມະຕິ 3 ສ້າງຂອງກົມການ ເມືອງສູນກາງພັກ, ທັງເປັນ
ການ ຍົກລະດັບຄວາມຮູ້, ຄວາມເຂົ້າ ໃຈເປັນເອກະພາບຕໍ່ວຽກງານດັ່ງ ກ່າວນັບແຕ່ຂັ້ນສູນກາງລົງຮອດທ້ອງຖິ່ນ, ເພື່ອຮັບປະກັນໃຫ້ແກ່ຄະນະພັກຂັ້ນຂອງຕົນ, ພ້ອມ
ກັນນັ້ນ, ກໍເພື່ອຍົກສູງຄວາມຮັບຜິດຊອບ, ຫົວຄິດປະດິດສ້າງ ແລະ ປັບປຸງທັດສະນະແນວທາງການພັດທະນາ ໃຫ້ສອດຄ່ອງກັບຍຸດທະສາດການປົກປັກຮັກສາປະເທດ
ຊາດໃນໄລຍະໃໝ່.
ແຫຼ່ງທີ່ມາ:ສຸລິຍາ