ລາວ-ຫວຽດນາມ ສຳເລັດການສະເຫຼີມສະຫຼອງ ປີສາມັກຄີມິດຕະພາບ 2022 ດ້ວຍຜົນສຳເລັດອັນຈົບງາມ
ພິທີສະຫຼຸບປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ ປີ 2022 ໄດ້ຈັດຂຶ້ນ ໃນຕອນບ່າຍຂອງວັນທີ 11 ມັງກອນ 2023, ທີ່ຫໍປະ
ຊຸມແຫ່ງຊາດ, ໂດຍການໃຫ້ກຽດເປັນປະທານຮ່ວມຂອງ ສະຫາຍ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາ
ຊົນລາວ ແລະ ສະ ຫາຍ ຟ້າມ ມິງ ຈິງ, ນາ ຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ມີບັນດາສະຫາຍການນຳພັກ, ລັດຖະ
ບານ, ພະ ນັກງານ, ທະຫານ, ຕຳຫຼວດ, ຊາວໜຸ່ມ, ນ້ອງນັກຮຽນ-ນັກສຶກສາ ທັງຫວຽດນາມ ແລະ ລາວ ຫຼາຍກວ່າ 450 ສະ ຫາຍ ເຂົ້າຮ່ວມຢ່າງພ້ອມ
ພຽງ. ເລີ່ມຕົ້ນພິທີໄດ້ມີການສາຍວີດີໂອປະມວນການເຄື່ອນໄຫວສຳຄັນ ແລະ ບັນດາກິດຈະ ກຳສະເຫຼີມ ສະຫຼອງປີສາມັກຄີມິດຕະພາບ ລາວ-ຫວຽດ
ນາມ, ຫວຽດນາມ-ລາວ ປີ 2022; ມີການສະແດງສີລະປະທີ່ສະແດງໃຫ້ເຫັນເຖິງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການ
ຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ອ້າຍນ້ອງ ໂດຍໄດ້ຖ່າຍທອດຜ່ານບັນດາບົດເພງ ແລະ ບົດ
ຟ້ອນມິດຕະພາບ ລາວ-ຫວຽດນາມ ຢ່າງເບີກບານມ່ວນຊື່ນ ແລະ ມີເນື້ອໃນຄວາມໝາຍສຳຄັນທາງປະຫວັດສາດ ສ່ອງແສງໃຫ້ເຫັນເຖິງສາຍໄຍ ແຫ່ງ
ຄວາມຜູກພັນ ຄວາມສາມັກຄີມິດຕະພາບອັນຍິ່ງໃຫຍ່ທີ່ບໍ່ສາມາດຕັດຂາດຈາກກັນໄດ້. ຈາກນັ້ນ, ສອງສະຫາຍນາຍົກລັດຖະມົນຕີ ລາວ ແລະ ຫວຽດ
ນາມ ໄດ້ຮ່ວມກັນຖະແຫຼງຂ່າວ ແລະ ສະຫຼຸບການສະເຫຼີມສະ ຫຼອງປີສາມັກຄິມິດຕະພາບ ລາວ-ຫວຽດນາມ, ຫວຽດນາມ-ລາວ ປີ 2022. ໃນໂອກາດນີ້,
ສະຫາຍ ນາ ຍົກລັດຖະມົນຕີ ສອນໄຊ ສີພັນດອນ ໄດ້ຍົກໃຫ້ເຫັນເຖິງຜົນສຳເລັດຂອງການພົບປະສອງຝ່າຍກັບ ສະຫາຍ ນາຍົກລັດຖະ ມົນຕີ ຟ້າມ ມິງ
ຈິງ ໃນຕອນເຊົ້າ ທີ່ຜ່ານມາ ແລະ ບັນດາຜົນສຳ ເລັດຂອງກິດຈະກຳສະເຫຼີມສະ ຫຼອງປີສາມັກຄິີມິດຕະພາບ ລາວ-ຫວຽດນາມ, ຫວຽດນາມ-ລາວ ໃນປີ
2022, ເຊິ່ງມີເນື້ອໃນສຳຄັນບາງຕອນດັ່ງນີ້: ການພົບປະສອງຝ່າຍ ລະ ຫວ່າງ ສອງນາຍົກລັດຖະມົນຕີ ລາວ ແລະ ຫວຽດນາມ ໄດ້ດຳ ເນີນໄປດ້ວຍບັນ
ຍາກາດສະໜິດ ສະໜົມ, ກົງໄປກົງມາ, ຈິງໃຈ ແລະ ໄດ້ຮັບຜົນສຳເລັດຢ່າງຈົບງາມ, ເຊິ່ງສອງຝ່າຍໄດ້ພ້ອມກັນທົບທວນຄືນການພົວພັນຮ່ວມມືຮອບ
ດ້ານຂອງສອງປະເທດໃນໄລຍະຜ່ານມາ ແລະ ວາງທິດທາງແຜນການຮ່ວມມືໃນຕໍ່ໜ້າ, ສອງຝ່າຍໄດ້ຮ່ວມລົງນາມເອກະສານຮ່ວມກັນ 10 ສະບັບ ໃນ
ຫຼາຍຂົງເຂດ. ພິເສດການຢ້ຽມຢາມ ສປປ ລາວ ຂອງຄະນະຜູ້ແທນ ສສ ຫວຽດ ນາມ ໃນຄັ້ງນີ້ແມ່ນມີຄວາມໝາຍສຳຄັນທີ່ສຸດ ເພາະຢູ່ໃນທ່າມກາງບັນ
ຍາກາດການສະຫຼຸບການສະເຫຼີມສະຫຼອງປີສາ ມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ ປີ 2022 ເພື່ອສະເຫຼີມສະຫຼອງສອງວັນປະ ຫວັດ
ສາດ ຄື: ວັນສ້າງຕັ້ງສາຍພົວພັນການທູດ ຄົບຮອບ 60 ປີ ແລະ ວັນເຊັນສົນທິສັນຍາມິດຕະ ພາບ ແລະ ການຮ່ວມມື ຄົບຮອບ 45 ປີ ຢ່າງຟົດຟື້ນ. ສອງ ຝ່າຍ ໄດ້ຕີລາຄາສູງ ຕໍ່ບັນດາກິດຈະກຳສະ ເຫຼີມສະຫຼອງຕ່າງໆ, ເຊິ່ງນັບແຕ່ພິທີເປີດຢ່າງເປັນທາງການໃນຕົ້ນປີ 2022 ທີ່ ນະຄອນຫຼວງຮ່າໂນ້ຍ ເປັນຕົ້ນ
ມາ, ສອງຝ່າຍໄດ້ຮ່ວມກັນຈັດຫຼາຍກິດຈະກຳ ສະເຫລີມສະ ຫລອງຢ່າງເປັນຂະບວນຟົດຟື້ນໃນຂອບເຂດທົ່ວປະເທດ ທັງພາຍໃນ ແລະ ຕ່າງປະເທດ ກໍຄື
ບັນດາອົງການຕາງໜ້າ ແລະ ສະຖານທູດ ຂອງສອງປະເທດ ຢູ່ຕ່າງປະເທດ. ສອງຝ່າຍ ມີການແລກປ່ຽນການຢ້ຽມຢາມ ເຊິ່ງກັນ ແລະ ກັນ ໃນທຸກລະດັບ
ເຖິງ 115 ຄະນະ, ໃນນີ້ ຄະນະຝ່າຍລາວ ໄປ ຫວຽດ ນາມ ມີ 51 ຄະນະ ແລະ ຄະນະເບື້ອງຫວຽດນາມ ມາລາວ ມີ 64 ຄະນະ. ສອງຝ່າຍ ໄດ້ຮ່ວມກັນ
ຈັດຕັ້ງປະຕິບັດຫຼາຍກິດຈະກຳເພື່ອສົ່ງເສີມເສດຖະກິດ, ການຄ້າ, ການລົງ ທຶນ, ລວມເຖິງບັນດາກິດຈະກຳສົ່ງເສີມດ້ານວັດທະນະທຳ-ສັງຄົມ-ການສຶກສາ
ເປັນຕົ້ນ ການແລກປ່ຽນວັດທະນະທຳ, ວາງສະແດງຮູບພາບ, ການຈັດງານບຸນມະໂຫລານຂອງສະມາຄົມມິດຕະພາບ ແລະ ອື່ນໆ, ພິເສດ ພັກ-ລັດຖະບານ
ຫວຽດນາມ ໄດ້ມອບຂອງຂວັນ ເປັນໂຮງຮຽນມັດທະຍົມ ວິຊາຊີບ ຕົວແບບ ມິດຕະພາບ ລາວ-ຫວຽດນາມ ຢູ່ ແຂວງຄຳມ່ວນ ເຊິ່ງຖືເປັນໂຮງ ຮຽນວິຊາ
ຊີບ ຕົວແບບທຳອິດຢູ່ ສປປ ລາວ. ພ້ອມນີ້, ສອງຝ່າຍ ໄດ້ຮ່ວມກັນຈັດຫຼາຍກິດຈະ ກຳໂຄສະນາເຜີຍແຜ່ຕາມສື່ມວນຊົນ, ມີການຕີພິມປື້ມວາລະສານ,
ບົດຄວາມ, ມີການຈັດແຂ່ງຂັນຄວາມຮູ້ກ່ຽວກັບການພົວພັນລາວ-ຫວຽດນາມ, ປະກວດບົດກອນ, ບົດເພງ, ບົດຄວາມ, ເຊິ່ງໄດ້ຮັບຄວາມສົນໃຈຢ່າງ
ກວ້າງຂວາງຈາກສັງຄົມ; ມີການໃຫ້ສຳພາດຂອງການນຳ ໂດຍສະເພາະແມ່ນ ສະຫາຍ ທອງລຸນ ສີສຸລິດ, ເລຂາທິການໃຫຍ່, ປະທານປະເທດ ແຫ່ງ ສປປ
ລາວ ແລະ ສະຫາຍ ຫງວຽນ ຊວັນ ຟຸກ, ປະທານປະເທດ ແຫ່ງ ສສ ຫວຽດນາມ ໃນໂອກາດວັນສ້າງ ຕັ້ງສາຍພົວພັນການທູດ 5 ກັນ ຍາ 2022 ແລະ
ອີກຫຼາຍໆສະ ຫາຍ. ສິ່ງທີ່ພົ້ນເດັ່ນ ແລະ ພິເສດທີ່ສຸດໃນການສະເຫຼີມສະຫຼອງປີສາມັກຄີດັ່ງກ່າວ, ສອງປະເທດ ໄດ້ຈັດພິທີໂຮມຊຸມນຸມສະເຫຼີມ ສະຫຼອງ
ໃຫຍ່ຢູ່ສອງນະຄອນ ຫຼວງ ຂອງສອງປະເທດ ໃນວັນທີ 18 ກໍລະກົດ 2022 ຢ່າງເຄັ່ງຂຶມ ແລະ ເຕັມໄປດ້ວຍຄວາມໝາຍຄວາມສຳຄັນ, ໂດຍມີການ
ເຂົ້າຮ່ວມ ຂອງ ການນຳຂັ້ນສູງສອງປະເທດ ແລະ ມວນຊົນ, ໂອກາດດັ່ງກ່າວ ກໍ່ມີການຈັດສັບປະດາ ວັດທະນະທຳ ຫວຽດນາມ ແລະ ລາວ ຢູ່ນະຄອນ
ຫຼວງຂອງກັນ ແລະ ກັນ. ໃນຕອນທ້າຍ, ສອງຝ່າຍ ໄດ້ສະແດງຄວາມຊົມເຊີຍຢ່າງສຸດໃຈ ແລະ ຕີລາຄາສູງ ຕໍ່ການຮ່ວມ ກັນຈັດການສະເຫຼີມສະຫຼອງປີ
ສາມັກຄີມິດຕະພາບລາວ-ຫວຽດນາມ, ຫວຽດ ນາມ-ລາວ ໃນຄັ້ງ ນີ້ ທີ່ປະສົບຜົນສຳເລັດຢ່າງຈົບງາມ, ພ້ອມທັງໄດ້ອວຍພອນໃຫ້ສາຍພົວພັນມິດຕະ
ພາບ ທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາ ຊົນສອງຊາດ ລາວ-ຫວຽດນາມ ຈົ່ງໝັ້ນ
ຄົງຄະນົງແກ່ນ ແລະ ຈະ ເລີນງອກງາມຍິ່ງໆຂຶ້ນຕະຫຼອດໄປ.
ແຫຼ່ງທີ່ມາ: ໜັງສືພິມກອງທັບ