ກະຊວງປ້ອງກັນປະເທດ ປະກາດເລື່ອນຊັ້ນ ພັນຕີ ຂຶ້ນ ພັນໂທ ໃຫ້ນາຍທະຫານ ເຂດໃຈກາງ
ໃນວັນທີ 10 ມັງກອນ 2023 ນີ້, ຢູ່ກອງພົນທີ 1, ກະຊວງປ້ອງກັນປະເທດ ໄດ້ຈັດພິທີປະກາດເລື່ອນຊັ້ນ ພັນຕີ ຂຶ້ນຊັ້ນ ພັນໂທ ໃຫ້ນາຍທະຫານ ເຂດໃຈກາງ(ເຂດ 2) , ໂດຍການເປັນປະທານຂອງ ສະຫາຍ ພົນໂທ ທອງລອຍ ສິລິວົງ ຮອງລັດຖະມົນຕີກະຊວງປ້ອງກັນປະ ເທດ ຫົວໜ້າກົມໃຫຍ່ການເມືອງ ກອງທັບ, ມີ ສະຫາຍ ພົນຈັດ ຕະ ວາ ສີທາ ພົມມາລາ ຫົວໜ້າ ກົມພະນັກງານ ກົມໃຫຍ່ການ ເມືອງກອງທັບ, ມີຄະນະພັກ-ຄະນະບັນຊາຕະຫຼອດຮອດນາຍທະຫານທີ່ໄດ້ຮັບການເລື່ອນຊັ້ນໃໝ່ ເຂົ້າ ຮ່ວມ. ໃນພິທີ, ສະຫາຍ ພົນຈັດຕະວາ ສີທາ ພົມມາລາ ຫົວໜ້າກົມພະ ນັກງານ ກົມໃຫຍ່ການເມືອງກອງທັບ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍ ການເລື່ອນຊັ້ນໃຫ້ນາຍທະຫານ ພັນຕີ ຂຶ້ນ ພັນໂທ ຂອງບັນດາກົມກອງເຂດໃຈກາງ 2 ຕາມກົດໝາຍນາຍທະຫານກອງທັບປະຊາຊົນລາວ ວ່າດ້ວຍການເລື່ອນຊັ້ນໃຫ້ ນາຍທະຫານ; ອີງຕາມການຄົ້ນຄ້ວາ ແລະ ນຳສະເໜີ ຂອງກົມໃຫຍ່ການເມືອງກອງທັບ; ດັ່ງນັ້ນ, ກະຊວງປ້ອງກັນປະເທດ ຈຶ່ງຕົກລົງເລື່ອນຊັ້ນ ພັນຕີ ຂຶ້ນ ພັນໂທ ໃຫ້ນາຍ ທະຫານເຂດໃຈກາງ 2 ທີ່ມີຜົນງານໃນ ການປະກອບສ່ວນປົກປັກຮັກ ສາ ແລະ ສ້າງສາພັດທະນາປະ ເທດຊາດ, ປົກປັກຮັກສາໝາກ ຜົນຂອງການປະຕິວັດ ຈຳນວນ 06 ຫົວໜ່ວຍກົມກອງ, ລວມມີ 77 ສະຫາຍ ການເລື່ອນຊັ້ນໃຫ້ນາຍທະຫານໃນຄັ້ງນີ້, ແມ່ນເພື່ອປະຕິບັດຕາມຄວາມຮຽກຮ້ອງຕ້ອງການຂອງໜ້າທີ່ການເມືອງ ຂອງກອງທັບ ປະຊາຊົນລາວ ແລະ ອີງຕາມສະພາບຄວາມເປັນຈິງຂອງໜ້າທີ່ວຽກງານຂອງແຕ່ລະກົມກອງ, ເປັນການປັບປຸງກໍ່ສ້າງກຳລັງ, ກໍ່ສ້າງກົມກອງ ໃຫ້ມີຄວາມໜັກແໜ້ນເຂັ້ມ ແຂງ ແທດເໝາະກັບສະພາບເງື່ອນໄຂຕົວຈິງຂອງປະເທດຊາດ . ໂອກາດນີ້, ສະຫາຍ ພົນໂທ ທອງລອຍ ສິລິວົງ ໄດ້ສະແດງຄວາມຍ້ອງຍໍ, ຊົມເຊີຍ ຕໍ່ບັນດາສະຫາຍທີ່ ໄດ້ຮັບການເລື່ອນຊັ້ນ ໃໝ່, ເຊິ່ງເປັນການຢັ້ງຢືນເຖິງຜົນງານ, ຜົນສຳເລັດໃນການປະ ກອບສ່ວນໃນພາລະກິດປະຕິວັດ ທີ່ມີກຽດສະຫງ່າງາມ; ພ້ອມນີ້, ສະຫາຍໄດ້ກ່າວ ເນັ້ນໜັກວ່າ: ພາຍຫຼັງທີ່ໄດ້ຮັບການເລື່ອນຊັ້ນ ໃໝ່ຕາມຄວາມຮຽກຮ້ອງຕ້ອງ ການແລ້ວ ຕ້ອງໄດ້ສືບຕໍ່ຄົ້ນຄວ້າ ເຊື່ອມຊຶມແນວທາງແຜນນະໂຍ ບາຍ, ລະບຽບ, ກົດ ໝາຍ ຂອງ ກອງທັບ ເພື່ອເປັນບ່ອນອີງໃນການຈັດຕັ້ງປະຕິບັດໜ້າທີ່ໃຫ້ມີຄຸນນະພາບ; ຍົກສູງຄວາມຮັບ ຜິດຊອບຕໍ່ໜ້າທີ່ການເມືອງທີ່ໄດ້ ຮັບມອບໝາຍ, ເພີ່ມທະວີ ຄວາມ ສາມັກຄີເປັນປຶກແຜ່ນຕິດພັນກັບ ການຈັດຕັ້ງປະຕິບັດແບບແຜນວິທີເຮັດວຽກ; ຕັ້ງໜ້າປະກອບ ສ່ວນໃນການປັບປຸງກໍ່ສ້າງກົມ ກອງໃຫ້ມີຄວາມປອດໃສ, ເຂັ້ມ ແຂງ, ໜັກແໜ້ນ ຕິດພັນກັບຂະ ບວນການອື່ນໆ; ອອກແຮງກໍ່ສ້າງ ພະນັກງານ 3 ຮຸ່ນ ຕິດພັນກັບນະໂຍບາຍຊົນຊາດ, ຊົນເຜົ່າ; ຕັ້ງ ໜ້າເຝິກຝົນຫຼໍ່ຫຼອມຕົນເອງໃຫ້ມີຄຸນ ທາດການເມືອງໜັກແໜ້ນ; ສືບ ຕໍ່ປະຕິບັດແນວທາງການຕ່າງ ປະເທດຂອງພັກ-ລັດ; ຂອງກອງ ທັບ, ຂອງກົມກອງເພື່ອພ້ອມກັນປັບປຸງກໍ່ສ້າງກອງທັບ, ກໍຄືກົມກອງໃຫ້ ມີຄວາມໜັກແໜ້ນເຂັ້ມແຂງ ກ້າວເດີນຕາມຈຸດໝາຍສັງຄົມນິຍົມຢ່າງສະຫງ່າຜ່າເຜີຍ.
ແຫຼ່ງທີ່ມາ: ໂກຮັງ ພັນທະວົງ