ຄະນະປະຈຳສະພາແຫ່ງຊາດ ດຳເນີນກອງປະຊຸມ ປະຈຳເດືອນມັງກອນ 2023
ປະຕິບັດຕາມກົດໝາຍ ວ່າດ້ວຍ ສະພາແຫ່ງຊາດ ມາດຕາ 67 ກ່ຽວກັບກອງປະຊຸມຄະນະປະຈຳສະພາແຫ່ງຊາດ, ໃນວັນທີ 3 ມັງກອນ 2023 ຄະນະປະຈຳສະພາ ແຫ່ງຊາດ ໄດ້ດຳເນີນກອງປະຊຸມສະໄໝວິສາມັນປະຈຳ ເດືອນມັງກອນ 2023 ຂອງຕົນຂຶ້ນຢູ່ທີ່ຫ້ອງປະຊຸມຄະນະປະຈຳສະພາແຫ່ງຊາດ ໂດຍການເປັນປະທານຂອງ ທ່ານ ປອ. ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານຄະນະປະຈຳສະພາແຫ່ງຊາດ, ມີບັນດາທ່ານ ຮອງປະທານຄະ ນະປະຈຳສະພາແຫ່ງຊາດ, ກຳມະການຄະນະປະຈຳສະພາແຫ່ງຊາດ ແລະ ພາກສ່ວນທີ່ກ່ຽວຂ້ອງ. ໄດ້ຮັບຟັງການລາຍງານການສະຫຼຸບຕີລາຄາຜົນສຳເລັດກອງປະຊຸມສະໄໝສາມັນເທື່ອທີ 4 ຂອງສະ ພາແຫ່ງຊາດ ຊຸດທີ IX, ລາຍງານການກະ ກຽມໃຫ້ແກ່ກອງປະຊຸມລັດ ຖະສະພາ 3 ປະເທດ ກຳປູເຈຍ-ລາວ-ຫວຽດນາມ (CLV), ລາຍງານແຜນການຮຽບຮຽງກົດໝາຍ ຈຳນວນ 12 ສະບັບ ທີ່ຜ່ານການພິຈາລະນາຮັບຮອງເອົາໃນກອງປະ ຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ IX, ລາຍງານການກະກຽມແຜນການຈັດຕັ້ງ ທາບທາມຮ່າງກົດໝາຍ ຈຳນວນ 13 ສະບັບ ທີ່ຈະນຳເຂົ້າພິຈາລະ ນາຮັບຮອງໃນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ IX ຢູ່ບັນດາເຂດເລືອກ ຕັ້ງທົ່ວປະເທດ ແລະ ວຽກງານອື່ນໆຈຳນວນໜຶ່ງ ຈາກຄະນະເລຂາ ທິການສະພາແຫ່ງຊາດ, ກຳມາທິການວຽກງານສະມາຊິກສະ ພາແຫ່ງຊາດ, ກຳມາທິການການຕ່າງ ປະເທດ ແລະ ກຳມາທິການກົດໝາຍ. ພ້ອມນັ້ນ, ບັນດາທ່ານທີ່ເຂົ້າ ຮ່ວມຍັງໄດ້ຄົ້ນຄວ້າ ແລະ ພິຈາລະນາປະກອບຄຳຄິດຄຳເຫັນຢ່າງກົງໄປກົງມາ ເຮັດໃຫ້ບົດລາຍງານ ຕ່າງໆມີເນື້ອໃນຄົບຖ້ວນຍິ່ງຂຶ້ນ
ແຫຼ່ງທີມາ:ໜັງສືພິມແອງທັບ