ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ປິດ​ຊຸດ​ອົບຮົມ-ຫັດ​ແອບ​ໄລຍະ​ສັ້ນ​ໃຫ້​ພະນັກງານ​ນຳພາ-ບັນຊາ ກົມ​ກອງ​ທີ່​ຂຶ້ນ​ກັບ​ທະຫານ​ແຂວງ​ຈຳປາ​ສັກ

 


     ວັນ​ທີ 30 ທັນວາ 2022 ນີ້, ກອງ​ບັນຊາ​ການ​ທະຫານ​ແຂວງ​ຈຳປາ​ສັກ ໄດ້​ຈັດ​ພິທີ​ປິດ​ຊຸດ​ອົບຮົມ-ຫັດ​ແອບ​ໄລຍະ​ສັ້ນ ໃຫ້​ແກ່​ບັນດາ​ພະນັກງານ​ນຳພາ-ບັນຊາ​ຂອງ​ກົມ ​ ກອງ​ທີ່​ຂຶ້ນ​ກັບ ຢູ່​ທີ່​ສະໂມສອນ​ຂອງ​ຕົນ, ພາຍຫຼັງ​ທີ່​ໄດ້​ດຳ ເນີນ​ມາ​ເປັນ​ເວລາ 25 ວັນ​, ໂດຍ​ການ​ເປັນປະທານ​ຂອງ ສະຫາຍ ພົນ​ຈັດຕະ​ວາ ສຸ​ໄກ ພິມ​ມະ​ສານ ກຳມະການ ຄະນະປະຈຳພັກ​ແຂວງ ຮອງ​ປະທານ ຜູ້​ປະຈຳການຄະນະ​ກຳມະການ​ປ້ອງ​ກັນ​ຊາດ-ປ້ອງກັນ​ຄວາມ​ສະຫງົບ​ຂັ້ນ​ແຂວງ, ຫົວໜ້າ​ການ​ທະຫານ​ກອງ​ບັນຊາ​ການ​ທະຫານ ​ແຂວງ, ສະຫາຍ ພັນ​ເອກ ແຫວນ​ຄຳ ຈະເລີນ​ວົງ ຮອງ​ເລຂາ​ຄະນະ​ພັກ​ ກອງ​ບັນ ຊາ​ການ ຫົວໜ້າ​ການ ເມືອງ​ກອງ​ບັນຊາ​ການ​ທະຫານ​ແຂວງ, ມີ​ຄະນະ​ພັກ-ຄະນະ​ບັນຊາ, ຕະຫຼອດ​ຮອດ​ນັກ​ເຝິກອົບ ຮົມ​ຈາກ​ກົມ​ກອງ​ອ້ອມ​ຂ້າງ​ເຂົ້າ​ຮ່ວມ. ເພື່ອ​ເປັນ​ການ​ປະ​ເມີນ​ຜົນ, ຕີ​ລາຄາ​ຄວາມ​ຮູ້, ຄວາມ​ສາມາດ ແລະ ຄວາມ​ຮັບ​ຮູ້​ເຂົ້າ ໃຈ​ຂອງ​ພະນັກງານ- ຫຼັກ​ແຫຼ່ງ​ຂັ້ນ​ນຳພາ​ບັນຊາ, ຕໍ່​ກັບ​ບົດຮຽນ​ທີ່​ໄດ້​ຮຽນ​ມາ​ກ່ຽວ​ກັບ​ວຽກ​ງານ​ຕ່າງໆ ສະຫາຍ ພັນ​ໂທ ຄຳ​ພູນ ເລື່ອນ​ສົມ​ຫວັງ ຮອງ​ຫົວໜ້າ​ຫ້ອງ​ເສນາ​ທິ​ການ ກອງ​ບັນຊາ​ການ​ ທະຫານ​ແຂວງ​ຈຳປາ​ສັກ ໄດ້​ຂຶ້ນ​ມອບ​ໝາຍ​ໜ້າທີ່ ແລະ ເຜີຍແຜ່​ວຽກ​ງານ​ທີ່​ຈະ​ຕ້ອງ​ໄດ້​ສືບຕໍ່​ປະຕິບັດໃຫ້​ບັນດາ​ກົມ​ກອງ​ທີ່​ຂຶ້ນ​ກັບ​ໄດ້​ຮັບ​ຊາບ​ໂດຍ​ຫຍໍ້, ຈາກ​ນັ້ນ ສະ ຫາຍພັນ​ໂທ ຄຳ​ເຮົ້າ ວົງ​ພົມ ຄະນະ​ພັກ​ຮາກ​ຖານ​ຫ້ອງ ຮອງ​ຫົວໜ້າ​ຫ້ອງ​ເສນາ​ທິການ ກອງ​ບັນຊາ​ການ​ທະຫານ​ແຂວງ, ໄດ້ຜ່ານ​ຂໍ້​ຕົກລົງ​ຂອງ​ກອງ​ບັນຊາ​ການ​ທະຫານ​ ແຂວງ​ຈຳປາ​ສັກ ​ສະບັບ​ເລກ​ທີ 2533/​ກຈປ, ລົງ​ວັນ​ທີ 27 ທັນວາ 2022 ວ່າ​ດ້ວຍ​ການ​ອະນຸມັດ​ປິດ​ຊຸດ​ອົບຮົມ-ຫັດ​ແອບ​ໄລຍະສັ້ນ​ໃຫ້​ພະນັກງານ​ນຳພາ-ບັນຊາ ບັນດາ ​ກົມ​ກອງ​ທີ່​ຂຶ້ນ​ກັບ​ກອງ​ບັນຊາ​ການ​ທະ ຫານ​ແຂວງ​ຈຳປາ​ສັກ ປະຈຳ​ປີ 2022 ພ້ອມ​ທັງ​ຜ່ານ​ບົດ​ສະຫຼຸບ, ເຊິ່ງ​ໄດ້​ຍົກ​ໃຫ້​ເຫັນ​ຂໍ້​ສະດວກ, ຂໍ້​ຫຍຸ້ງຍາກ​ຂອງ​ການຈັດຕັ້ງ​ປະຕິ ບັດ​ນຳພາ​ພະນັກງານ​ຫຼັກ​ແຫຼ່ງ​ຫັດ​ແອບ​ໄລຍະ​ທີ່​ຜ່ານ​ມາ ເຊິ່ງ​ເຫັນ​ໄດ້​ວ່າ ​ພະນັກງານ​ຄູ-ອາ ຈານ ແລະ ນັກຮຽນ​ທຸກ​ສະຫາຍ​ມີ​ແນວ​ຄິດ​ອຸ່ນ​ອຽນ​ທຸ່ນ​ທ່ຽງ​ ຕໍ່ໜ້າ​ທີ່​ວຽກ​ງານ ພ້ອມ​ກັນ​ຈັດ​ຕັ້ງ​ປະຕິບັດ​ທຸກ​ມະຕິ​ຄຳ​ສັ່ງ​ຂອງ​ຂັ້ນ​ເທິງ​ຢ່າງ​ເຂັ້ມ​ງວດ ແລະ ສຸມ​ທຸກ​ສະຕິປັນຍາເຫື່ອແຮງ​​ເຂົ້າ​ໃນ​ການ​ເຝິກ​ແອບ​ຮ່ຳຮຽນດ້ວຍ​ ຄວາມ​ຫ້າວຫັນມີ​ຄວາມ​ອົດ ທົນ​ຜ່ານ​ຜ່າ​ຕໍ່​ຂໍ້​ຫຍຸ້ງຍາກ​ນາໆ​ປະການ, ຕັ້ງໜ້າ​ເອົາໃຈໃສ່​ເຝິກ ແອບ​ຮ່ຳຮຽນ​ດ້ວຍ​ຄວາມ​ຮັບຜິດຊອບ​ສູງປະ ຕິບັດ​ຕາມ​ທິດ​ທາງ​ແຜນການ ໃນ​ການ​ປັບປຸງ​ທາງ​ດ້ານ​ກຳລັງ ​ປະກອບ​ອາວຸດ​ໃຫ້​ມີ​ຄວາມເຕີບ​ໃຫຍ່​ຂະຫຍາຍຕົວ ແລະ ເຂັ້ມແຂງໜັກ​ແໜ້ນ​ຢ່າງ ຮອບດ້ານ, ມີ​ລະບຽບ​ແບບແຜນ, ມີ​ຫົວຄິດ​ປະດິດ​ສ້າງ​ທີ່​ທັນ​ສະໄໝ, ພ້ອມ​ດຽວ​ກັນ​ ນັ້ນ, ກໍ​ໄດ້​ເຮັດ​ສຳເລັດ​ທຸກ​ໜ້າທີ່​ອັນ​ມີ​ກຽດ​ສະ ຫງ່າເພື່ອ​ປະກອບສ່ວນ​ເຂົ້າ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ, ສາມາດ​ສະຫຼຸບ​ຕີ​ລາຄາ​ຜົນ​ໄດ້​ ຮັບ​ໃນ​ການ​ອົບຮົມ​ຄື: ວຽກ​ງານ​ການເມືອງບັນລຸໄດ້ 80%, ວຽກ​ງານ​ການ​ທະຫານ 100%, ວຽກ​ງານ​ເສນາ​ທິ​ການ 90%, ພະລາທິການ 90%, ເຕັກນິກ 90% ແລະ
ເອກ​ກະສາ​ນວຽກ​ງານ​ຫ້ອງການ 50%. ໂອກາດ​ນີ້, ສະຫາຍ ພົນ​ຈັດຕະວາ ສຸ​ໄກ ພິມ​ມະ​ສານ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ບັນດາ​ສະ ຫາຍ​ນັກ​ເຝິກອົບຮົມ, ຄູ-ອາ ຈານ ທີ່​ໄດ້​ເອົາໃຈໃສ່ໃນ ​ການ​ອົບຮົມ-ຫັດ​ແອບ​ຄັ້ງນີ້, ພ້ອມ​ທັງ​ໄດ້​ເນັ້ນ​ໜັກ​ໃຫ້​ຄູ-ອາຈານ, ນັກ​ເຝິກອົບຮົມ​ທຸກສະຫາຍ​ແຕ່​ລະ​ກົມ​ກອງ ຈົ່ງ​ພ້ອມ ​ກັນຍົກ​ສູງ​ບົດບາດ​ຄຸນ​ ທາດ​ການເມືອງ, ກຳ​ໃຫ້​ໄດ້​ທາງ​ດ້ານ​ທິດ​ສະ​ດີ​ຫຼັກການ​ໃນ​ການ​ນຳພາ-ບັນຊາ​ໃຫ້​ໜັກ​ແໜ້ນ-ເຂັ້ມແຂງ ແບ່ງ​ ໃຫ້​ບຸກຄົນ​ຮັບຜິດຊອບຢ່າງ​ສອດຄ່ອງ​ແທດເໝາະ​ຖືກຕ້ອງ​ ຕາມ​ຫຼັກການ​ຢ່າງ​ແທ້​ຈິງ ແລະ ນຳ​ເອົາ​ບົດຮຽນ​ທີ່​ໄດ້​ຖອດ​ຖອນ​ໃນ​ຄັ້ງ​ນີ້ ໄປ​ເຝິກຝົນ​ຫຼໍ່​ຫຼອມ​ຕົນ​ເອງ​ໃຫ້​ສູງ​ເດັ່ນ, ອົດທົນ​ຜ່ານ​ຜ່າ​ເຮັດ​ສຳເລັດ​ໜ້າທີ່​ການເມືອງ​ຂອງ​ຕົນ ທີ່​ ຄະນະ​ພັກ​ຂັ້ນ​ເທິງ​ມອບ​ໝາຍ​ໃຫ້ມີ​ຜົນສຳເລັດ​ຢ່າງ​ຕໍ່​ເນື່ອງ.

ແຫຼ່ງທີມາ: ວິໄລ​ພອນ ວົງ​ວິ​ສອນ