ແບນຊິກ ຈະຊື້ລະບົບປ້ອງກັນໄຟທາງອາກາດ Skyranger ເພື່ອຕ້ານ UAV
ອີງຕາມຂ່າວ Reuters ແຈ້ງໃຫ້ຮູ້ວ່າ: ແບນຊິກ ອາດຈະຊື້ລະບົບອາວຸດປ້ອງກັນໄຟທາງອາກາດມູນຄ່າ 3 ຕື້ ເອີໂຣ, ລວມທັງ
ລະບົບປ້ອງກັນທາງອາກາດໄລຍະສັ້ນ Skyranger ຈຳນວນ 20 ຊຸດ ແລະ ລະບົບຍິງຂີປະນາວຸດ NASAMS ອີກ 10 ຊຸດ, ເຊິ່ງ
ການຈັດຊື້ນີ້ມີຈຸດປະສົງເພື່ອແກ້ໄຂຄວາມສາມາດໃນການປ້ອງກັນທາງອາກາດໃນລະດັບຄວາມສູງ-ຕ່ຳ ເປັນຕົ້ນແມ່ນເພື່ອຕ້ານ UAV
ທີ່ເຂົ້າໄປທຳລາຍໃນພື້ນຖານໂຄງລ່າງຍຸດທະສາດເຊັ່ນ: ສະໜາມບິນ, ຖານທັບ ແລະ ໂຮງງານໄຟຟ້າໃນເວລາທີ່ຜ່ານມາ.
Skyranger 30, ແມ່ນປືນໃຫຍ່ Oerlikon ມີອັດຕາການຍິງ 1,200-1,250 ລູກຕໍ່ນາທີ, ມີລະດັບຍິງທີ່ມີປະສິດທິພາບປະ
ມານ 3,000 ແມັດ, ໂດຍໃຊ້ລູກປືນໃຫຍ່ AHEAD (Airborne Explosive Missile), ລູກສອນໄຟຕ້ານອາກາດອັດສະລິຍະ
ທີ່ພັດທະນາໂດຍ ບໍລິສັດ Rheinmetall ຂອງ ເຢຍລະມັນ ມີຊື່ສຽງໃນດ້ານຄວາມສາມາດເພື່ອທຳລາຍເປົ້າໝາຍບິນຂະໜາດນ້ອຍ
ເຊັ່ນ: UAV ຫຼື ລູກສອນໄຟ cruise, ໂດຍພື້ນຖານແລ້ວ, Skyranger 30 ແມ່ນລະບົບປືນໃຫຍ່ ຕັ້ງຢູ່ໃນສະຖານທີ່ຄົງທີ່ເພື່ອ
ປະຕິບັດງານພາຍໃນເຄືອຂ່າຍປ້ອງກັນທາງອາກາດທົ່ວໄປ ຫຼື ປະສົມປະສານເຂົ້າກັບພາຫະນະຫຸ້ມເກາະເພື່ອເຄື່ອນທີ່.
ການອອກແບບຂອງລະບົບປ້ອງກັນທາງອາກາດນີ້ແມ່ນຊ່ວຍປະສົມປະ ສານກັບອາວຸດຕ່າງໆ ເຊັ່ນ: FIM-92 Stinger ຫຼື ລູກ
ສອນໄຟຕ້ານອາກາດໄລຍະສັ້ນ Saab RBS 70. ນອກຈາກນັ້ນ, Skyranger 30 ຍັງມາພ້ອມກັບ radar Spexer 2000M
3D MkIIIເຊິ່ງສາມາດຕິດຕາມເປົ້າໝາຍໄດ້ເຖິງ 300 ເປົ້າໝາຍພ້ອມກັນພາຍໃນໄລຍະ 40 ກິໂລແມັດ.
ແຫຼ່ງທີ່ມາ: ຂກທ
ວັນທີ 31/08/2026