ອິນເດຍ ຈະປັບປຸງລົດຕັງ ເຕ-72 ໃຫ້ທັນສະໄໝ ເພື່ອສົ່ງອອກ
ສຳນັກຂ່າວຫວຽດນາມລາຍງານໃຫ້ຮູ້ວ່າ: ອິນເດຍ ໄດ້ວາງແຜນຈະປັບປຸງລົດຕັງ ເຕ-72 (T-72) ຂອງຣັດເຊຍ ໃຫ້ທັນສະໄໝ ເພື່ອ
ແນໃສ່ສົ່ງອອກໄປຍັງຕະຫຼາດສາກົນ, ໂດຍສະເພາະແມ່ນຜູ້ຊື້ທີ່ມີທ່າແຮງຢູ່ອາຟຼິກກາ, ຕາເວັນອອກກາງ ແລະ ອາຊີຕາເວັນອອກສ່ຽງໃຕ້.
ແຜນການປັບປຸງ T-72 ຈະຖືກປະຕິບັດ ໂດຍຜູ້ຊ່ຽວຊານດ້ານວິຊາການຂອງອິນເດຍ ແລະ ຣັດເຊຍ. ປັດຈຸບັນ, ກອງທັບອິນເດຍ ມີລົດຕັງ
T-72 ປະມານ 2.500 ຄັນ, ເຊິ່ງແມ່ນລົດຕັງສູ້ຮົບຫຼັກຂອງກອງທັບປະເທດນີ້. ນັບແຕ່ໄດ້ນຳໃຊ້ມາແຕ່ຊຸມປີ 1970, ຄວາມຕ້ອງການຊື້
ລົດຕັງລຸ້ນນີ້ຍັງມີຫຼາຍຢູ່ ໂດຍສະເພາະແມ່ນບັນດາປະເທດ ທີ່ກ່າວມາຂ້າງເທິງ. ຂະນະທີ່ອິນເດຍ ກຳລັງປັບປຸງ ເພື່ອຍົກລະດັບໃຫ້ລົດຕັງລຸ້ນ
ນີ້ ມີຄວາມທັນສະໄໝຫຼາຍຂຶ້ນກວ່າເກົ່າ. ລົດຕັງ T-72 ມີປືນໃຫຍ່ຂະໜາດ 125 ມມ, ປືນຕ້ານເຮືອບິນ ແລະ ປືນກົນ, ສາມາດແລ່ນໄວ
ໄດ້ 60 ກິໂລແມັດຕໍ່ຊົ່ວໂມງ ໃນເສັ້ນທາງດີ ແລະ 35 ກິໂລແມັດຕໍ່ຊົ່ວໂມງ ໃນສະພາບທາງທີ່ຫຍຸ້ງຍາກ, ສາມາດແລ່ນຜ່ານນ້ຳເລິກໄດ້ເຖິງ
1.2 ແມັດ. ການປັບປຸງ T-72 ໃຫ້ທັນສະໄໝ ແນໃສ່ເພື່ອສົ່ງອອກ,ຖືເປັນໂອກາດໃໝ່ສຳລັບອິນເດຍເພື່ອຂະຫຍາຍຕະຫຼາດອາວຸດປອງກັນ
ປະເທດ ທີ່ມີຄ່າໃຊ້ຈ່າຍບໍ່ຫຼາຍ ແຕ່ມີປະສິດທິພາບຄືກັບຜະລິດຕະພັນຂອງປະເທດອື່ນ. ຖ້າຫາກຂໍ້ລິເລີ່ມນີ້ປະສົບຜົນສຳເລັດ, ອິນເດຍ ອາດ
ຈະຄົ້ນຫາທ່າແຮງຂອງການພັດທະນາ ແລະ ປັບປຸງ ເພື່ອສົ່ງອອກລົດຕັງ ລຸ້ນ BMP-2 ຕື່ມອີກ.
ແຫຼ່ງທີ່ມາ: ຂກທ
ວັນທີ 30/09/2024