ເຮືອບິນບໍ່ມີຄົນຂັບ KUB-E UAV ຜະລິດໂດຍ ຣັດເຊຍ
ສຳນັກຂ່າວ ທາສ (TASS) ຣັດເຊຍ ລາຍງານຂ່າວໃຫ້ຮູ້ວ່າ: ບໍລິສັດ ຊາລາ ແອໂຣ (Zala Aero) ເຊິ່ງເປັນບໍລິສັດສາຂາຂອງກຸ່ມ
ບໍລິສັດ ກາຣານີກົບ ທີ່ເຮັດໜ້າທີ່ຜະລິດ ແລະ ປະກອບອາວຸດຂອງ ຣັດເຊຍ ໄດ້ລົງນາມໃນສັນຍາລະຫວ່າງປະເທດທີ່ຈະສະໜອງເຮືອບິນ
ໂດຣນ ລາດຕະເວນແບບບໍ່ມີຄົນຂັບ ຫຼື ຊື່ຫຍໍ້ວ່າ: KUB-E UAV ໃຫ້ແກ່ລູກຄ້າຕ່າງປະເທດທີ່ບໍ່ລະບຸຊື່ລະອຽດ.
ຂໍ້ຕົກລົງສົ່ງອອກອາວຸດຖືເປັນຂີດໝາຍສຳຄັນໃຫ້ແກ່ບໍລິສັດ ກາຣານີກົບ ໃນຂະນະທີ່ເປັນການເສີມຂະຫຍາຍຜະລິດຕະພັນທາງອາ
ວຸດ ບໍ່ວ່າຈະເປັນຜະລິດຕະພັນທີ່ໃຊ້ຈາກໜ້າດິນສູ່ອາກາດ ຫຼື ຈາກທາງອາກາດສູ່ພື້ນກໍຕາມ. ພາຍຫຼັງຜ່ານການທົດລອງໃນ ເດືອນພະຈິກ
2021, ເຮືອບິນບໍ່ມີຄົນຂັບ KUB-E UAV ກໍໄດ້ຮັບການອະນຸມັດໃຫ້ເລີ່ມຕົ້ນການຜະລິດຂະຫນາດໃຫຍ່ໃນປີ 2022 ເປັນຕົ້ນມາ. ບໍ
ລິສັດ ກາຣານີກົບ ໄດ້ຢືນຢັນວ່າ, ກຳລັງການຜະລິດສາມາດຕອບສະໜອງຄວາມຕ້ອງການທັງພາຍໃນ ແລະ ຕ່າງປະເທດ. ອີງຕາມການ
ເປີດເຜີຍຂອງຜູ້ຜະລິດໃຫ້ຮູ້ວ່າ: ເຮືອບິນບໍ່ມີຄົນຂັບ KUB UAV ມີປີກທັງສອງເບື້ອງຍາວ 0,95 ແມັດ ແລະ ສູງ 0,165 ແມັດ, ເປັນ
ຮູບສາມລ່ຽມກວ້າງ. ຍົນລຳນີ້ຂັບເຄື່ອນດ້ວຍເຄື່ອງຈັກດຽວ, ສາມາດບິນໄດ້ໄວສຸດ 130 ກິໂລແມັດຕໍ່ຊົ່ວໂມງ, ມີນ້ຳໜັກ 12 ກິໂລກຣາມ,
ບັນທຸກນ້ຳໜັກໄດ້ 3 ກິໂລກຣາມ ລວມທັງເຊັນເຊີ ແລະ ຫົວລະເບີດ, ສາມາດໂຈມຕີເປົ້າໝາຍໄດ້ໄກເຖິງ 40 ກິໂລແມັດ. ຈຸດເດັ່ນຂອງ
ໂດຣນລຸ້ນນີ້ແມ່ນຄວາມສາມາດໃນການກຳນົດເປົ້າໝາຍໂດຍໃຊ້ເຕັກໂນໂລຊີປັນຍາປະດິດ (AI). ສຳລັບພາລະກິດຂອງເຮືອ ບິນບໍ່ມີຄົນ
ຂັບລຸ້ນດັ່ງກ່າວ, ແມ່ນສາມາດໃຊ້ໃນຫຼາກຫຼາຍພາລະກິດ ເຊັ່ນ: ການເກັບກຳຂໍ້ມູນຂ່າວ, ການເຝົ້າລະວັງ ແລະ ການສອດແນມ ພ້ອມທັງ
ສາມາດໃຊ້ເຂົ້າໃນການໂຈມຕີເປົ້າໝາຍເທິງພື້ນດິນ ແລະ ເທິງໜ້ານໍ້າທະເລ. ໂດຍສະເພາະມັນສາມາດໂຈມຕີລົດຕັງ ແລະ ລົດຫຸ້ມເກາະ
ໄດ້ຄືກັບພາກສ່ວນອື່ນເຊັ່ນກັນ.
ແຫຼ່ງທີ່ມາ: ຂກທ
ວັນທີ 29/10/2024