ບໍລິສັດ ລັອກຮີດ ມາຕິນ ປະກາດຄວາມສຳເລັດການຈັດສົ່ງ
ລະບົບຣາດາພາກພື້ນດິນຄົບ 500 ລະບົບ
ອີງຕາມເວັບໄຊ ຂ່າວການທະຫານອຸດສາຫະກຳປ້ອງກັນຊາດ ເອີຣົບ ລາຍງານໃຫ້ຮູ້ວ່າ: ບໍລິສັດ ລັອກຮີດ ມາຕິນ (Lockheed Martin)
ປະກາດຄວາມສຳເລັດການຈັດສົ່ງລະບົບຣາດາພາກພື້ນດິນ Q-53 ຄົບ 500 ລະບົບຂອງຕົນຈາກສູນກາງຄວາມເປັນເລີດທາງດ້ານ ຣາດາ ຂອງບໍ
ລິສັດ. ຄວາມສຳເລັດຄັ້ງນີ້ ບົງບອກເຖິງໄດ້ເສີມສ້າງບົດບາດອັນຍາວນານຂອງບໍລິສັດ ໃນການປັບປຸງພັດທະນາຂີດຄວາມສາມາດຂອງ ຣາດາ ເພື່ອ
ຕອບສະໜອງກັບຄວາມຮຽກຮອງຕ້ອງການ ດ້ານການປ້ອງກັນປະເທດທົ່ວໂລກ. ຣາດາພາກພື້ນດິນແມ່ນເປັນອົງປະກອບທີ່ສຳຄັນຂອງລະບົບປ້ອງ
ກັນໄພທາງອາກາດ ໂດຍເຮັດໜ້າທີ່ເປັນເຄື່ອງມືຫຼັກໃນການກວດຈັບ, ຕິດຕາມ ແລະ ລະບຸໄພຂົ່ມຂູ່ຈາກລູກສອນໄຟ. ລະບົບເຫຼົ່ານີ້ສະໜອງຂໍ້ມູນ
ທີ່ສຳຄັນ ທີ່ຈຳເປັນ ເພື່ອສະກັດກັ້ນ ແລະ ທຳລາຍອາວຸດຂອງສັດຕູທີ່ກຳລັງເຂົ້າມາ. ເຊິ່ງຮູບແບບຣາດາຂອງ Lockheed Martin ຖືກອອກແບບ
ມາ ເພື່ອຮອງຮັບການເຕືອນໄພລ່ວງໜ້າ, ການສະກັດກັ້ນເປົ້າໝາຍ, ແລະ ການປະຕິບັດການປ້ອງກັນໄພທາງອາກາດ ແລະ ລູກສອນໄຟແບບປະ
ສົມປະສານ. ຄວາມໜ້າເຊື່ອຖື ແລະ ປະສິດທິພາບການປະຕິບັດການເຫຼົ່ານີ້ຊ່ວຍສະໜອງໃຫ້ກຳລັງແນວໜ້າໄດ້ປຽບຢ່າງ ເດັດຂາດ ແລະ ຊ່ວຍຮັບ
ປະກັນຄວາມປອດໄພໃນເວລາປະຕິບັດໜ້າທີ່.
ນອກຈາກນີ້, ດ້ວຍປະສົບການອັນຍາວນານໃນດ້ານ ຣາດາ ນີ້, ບໍລິສັດຈຶ່ງໄດ້ສຸມໃສ່ທີ່ຈະພັດທະນາເຕັກໂນໂລຊີ ການຮັບຮູ້ສະຖານະການຢ່າງ
ຕໍ່ເນື່ອງ ສຳລັບກອງກຳລັງທະຫານ ທີ່ສາມາດປັບຕົວເຂົ້າກັບໄພຂົ່ມຂູ່ທີ່ປ່ຽນແປງ. ໃນຖານະເປັນຜູ້ນຳດ້ານເຕັກໂນໂລຊີ ຣາດາ ຍຸກໃໝ່ Lockheed
Martin ຍັງຄົງສຸມໃສ່ການສະໜອງຄວາມແມ່ນຍຳ ແລະ ຄວາມໜ້າເຊື່ອຖື ເພື່ອຕອບສະໜອງຄວາມຕ້ອງການຂອງສົງຄາມສະໄໝ ໃໝ່.
ແຫຼ່ງທີ່ມາ: ຂກທ
ວັນທີ 29/08/2025