ດານມາກ ຈັດຊື້ໂດຣນ MQ-9B ເຝົ້າຍາມທ້ອງຟ້າ 4 ລຳ
ເວັບໄຊຂ່າວອຸດສາຫະກຳປ້ອງກັນປະເທດເອີຣົບ (Defence Industry Europe) ລາຍງານໃຫ້ຮູ້ວ່າ: ກອງທັບອາກາດດານມາກ
ກຳລັງເສີມສ້າງຄວາມສາມາດດ້ານການປ້ອງກັນປະເທດ ແລະ ຕິດຕາມຢູ່ໃນເຂດມະຫາສະໝຸດອາກຕິກ ດ້ວຍການຈັດຊື້ໂດຣນ MQ-9B
SkyGuardian (ຜູ້ເຝົ້າຍາມທ້ອງຟ້າ)ຈຳນວນ 4 ລຳ.
ການຈັດຊື້ຄັ້ງນີ້, ໄດ້ດຳເນີນຜ່ານໜ່ວຍງານສະໜັບສະໜູນ ແລະການຈັດຊື້ຂອງ ນາໂຕ (NSPA) ຕາມຄຳຮ້ອງຂໍຂອງອົງການຈັດຊື້
ແລະ ສົ່ງກຳລັງບຳລຸງດ້ານປ້ອງກັນປະເທດຂອງດານມາກ (FMI), ເຊິ່ງລວມເຖິງສະຖານີຄວບຄຸມພາກພື້ນດິນທີ່ໄດ້ຮັບການຮັບຮອງອີກ 3
ແຫ່ງ. ໂດຣນລຸ້ນນີ້ ມີຄວາມຍາວຂອງປີກ 24 ແມັດ ແລະ ລຳໂຕຍາວ 12 ແມັດ, ໂດຣນ ມີລັກສະນະຄ້າຍຄືກັບເຮືອບິນ ແຕ່ບໍ່ມີຫ້ອງນັກ
ບິນ, ມາພ້ອມກັບເຊນເຊີຂັ້ນສູງ ແລະ ເຕັກໂນໂລຊີສັນຍານອັດສະລິຍະ, ອອກແບບມາ ເພື່ອປະຕິບັດການໄລຍະໄກ ແລະ ທົນທານຕໍ່ສະ
ພາບອາກາດທີ່ຜັນແປຂອງໂລກ. ໂດຣນ MQ-9B ມີລະບົບຄວບຄຸມດ້ວຍດາວທຽມ, ມີລະບົບລະລາຍນໍ້າກ້ອນ ສຳລັບປະຕິບັດການ ໃນ
ອາກຕິກ ແລະ ລະບົບກວດຈັບ ຍິງທຳລາຍ ແລະ ຫຼີກລ້ຽງ ທີ່ພັດທະນາຂຶ້ນພາຍໃນອົງກອນ, ເຊິ່ງຊ່ວຍເຮັດໃຫ້ການໃຊ້ງານປອດໄພຢູ່ໃນ
ພື້ນທີ່ອາກາດພົນລະເຮືອນທີ່ບໍ່ມີການແບ່ງແຍກ. MQ-9B ເປັນໂດຣນຄວບຄຸມຈາກໄລຍະໄກຂະໜາດໃຫຍ່ລຳທຳອິດ ທີ່ໄດ້ຮັບໃບຢັ້ງຢືນ
ປະເພດທາງການທະຫານ Military Type Certificate: (MTC) ຈາກສຳນັກງານການບິນທະຫານອັງກິດ, ເຊິ່ງຮັບຮອງການປະຕິບັດ
ການຢູ່ໃນຂອບເຂດພູມສັນຖານແບບບໍ່ມີຂີດຈຳກັດ.
ນອກຈາກນີ້, ຊຸດການຈັດຊື້ປະກອບມີບໍ່ພຽງແຕ່ໂດຣນ ແລະ ສະຖານີຄວບຄຸມພາກພື້ນດິນເທົ່າ ນັ້ນ, ແຕ່ຍັງລວມເຖິງການເຝິກອົບຮົມ,
ການບຳລຸງຮັກສາ ແລະ ອຸປະກອນທີ່ຈຳເປັນຄົບຊຸດ, ຖືເປັນການປັບປຸງພື້ນຖານໂຄງລ່າງ, ຊ່ວຍການຕິດຕາມໄລຍະຫ່າງໄກສອກຫຼີກຂອງກອງ
ທັບດານມາກ ໄດ້ຢ່າງຫຼວງຫຼາຍ.
ແຫຼ່ງທີ່ມາ: ຂກທ
ວັນທີ 29/07/2025