ກອງທັບ​ສະຫະລັດ​ ອາ​ເມ​ຣິ​ກາ ​ຜະລິດ​ລະເບີດ​ລຸ້ນ StormBreaker

​
ລະເບີດ​ ລຸ້ນ GBU-53/B ຫຼື StormBreaker

     ສຳນັກ​ຂ່າວ​ຫວຽດນາມ​ລາຍ​ງານ​ໃຫ້​ຮູ້​ວ່າ: ກອງທັບ​ອາກາດ​ປະເທດ​ສະຫະລັດອາ​ເມ​ຣິ​ກາ ໄດ້​ມອບ​ສັນຍາ​ໃຫ້ ບໍລິສັດ Raytheon
ເຊິ່ງເປັນບໍລິສັດພາຍໃນປະເທດສະຫະລັດ ​ເປັນ​ຜູ້​ຜະລິດ​ລູກ​ລະເບີດ​ ລຸ້ນ GBU-53/B ຫຼື StormBreaker ດ້ວຍ​ມູນ​ຄ່າ 282,3 ລ້ານ
​ໂດ​ລາ ແລະ ຄາດ​ວ່າ​ຈະ​ສຳເລັດ​ໃນ​ວັນ​ທີ 19 ມີນາ 2029.

     ລະເບີດ​ ລຸ້ນ GBU-53/B ຫຼື StormBreaker, ແມ່ນ​ລູກ​ລະເບີດ​ທີ່​ມີ​ຄວາມ​ແມ້ນ​ຍຳ​ລະດັບ​ສູງ​ທີ່​ອອກ​ແບບ​ມາ​ເພື່ອ​ໂຈມ​ຕີ​ໄດ້​ທັງ​
ເປົ້າ​ໝາຍ​ຄົງ​ທີ່ ແລະ ເຄື່ອນ​ທີ່, ມີ​ນ້ຳໜັກ​ເກືອບ 92 ກິ​ໂລກ​ຣາມ, ຍາວ 1.75 ແມັດ, ມາ​ພ້ອມ​ກັບ​ຫົວ​ຮົບ​ຂະໜາດ 47 ກິ​ໂລກ​ຣາມ ແລະ
ເທັກ​ໂນ​ໂລ​ຍີ​ທີ່​ທັນ​ສະໄໝ, ມີ​ການ​ຕິດ​ຕັ້ງ​ຣາ​ດາ​ນຳ​ທາງ​ແບບ millimeter, ມີ​ການ​ຕິດ​ຕັ້ງ​ເລ​ເຊີ​ແບບ​ເຄິ່ງ​ເຄື່ອນ​ໄຫວ, ການ​ນຳ​ທາງ​ດ້ວຍ​ອິນ​
ຟາ​ເຣດ, ຈີ​ພີ​ເອັສ (GPS) ແລະ ການ​ເຊື່ອມ​ຕໍ່​ຂໍ້​ມູນ​ທີ່​ປອດ​ໄພ.

     ຄວາມ​ແມ້ນ​ຍຳ​ຂອງ​ລະເບີດ StormBreaker ເຮັດ​ໃຫ້​ມັນ​ສາມາດ​ໂຈມ​ຕີ​ເປົ້າ​ໝາຍ​ຄົງ​ທີ່​ໄດ້​ໃນ​ລະດັບ 110 ກິໂລແມັດ ແລະ ເປົ້າ​
ໝາຍ​ເຄື່ອນ​ທີ່​ໄດ້​ເຖິງ 72 ກິໂລແມັດ. ການ​ອອກ​ແບບ ​ແບບ​ໂມ​ດູນ​ຂອງ​ລະເບີດ StormBreaker ແລະ ຄວາມ​ສາມາດ​ໃນ​ການ​ກຳນົດ
​ເປົ້າ​ຫມາຍ​ແບບ​ພິເສດ​ເປັນ​ຈຸດ​ກ້າວ​ກະໂດດ​ຢ່າງ​ໃຫຍ່​ຫຼວງ​ໃນ​ເຕັກ​ໂນ​ໂລ​ຊີ​ການ​ໂຈມ​ຕີ​ທາງ​ອາກາດ​ຂອງ​ປະເທດ​ນີ້.

ແຫຼ່ງທີ່ມາ: ຂກທ
ວັນທີ 26/12/2024