ສ ເກົາຫຼີ ຕິດຕັ້ງລູກສອນໄຟນຳວິຖີ ຊອນຢອງ ໃສ່ຍົນສູ້ຮົບ KF-21 ແລະ FA-50
ລູກສອນໄຟນຳວິຖີທາງອາກາດ ຊອນຢອງ (Cheonryong) ຂອງ ສ ເກົາຫຼີ ພວມໄດ້ຮັບການທົດລອງ ພາຍຫຼັງທີ່ຖືກຕິດຕັ້ງໃສ່ເຮືອ
ບີນໂຈມຕີ FA-50 ຢູ່ ເມືອງຊາຊອນ. ລູກສອນໄຟ Cheonryong ເປັນລູກສອນໄຟນຳວິຖີທາງອາກາດ, ເປັນອາວຸດຍຸດທີ່ສາມາດຕິດຕັ້ງ
ໃສ່ເຮືອບິນສູ້ຮົບ KF-21 Boramae F-4 Phantom II, ເຊິ່ງໄດ້ຖືກນຳໃຊ້ໃນການທົດລອງກ່ອນຫນ້ານີ້. ແຕ່ເນື່ອງຈາກ KF-21 ຍັງຢູ່
ໃນຂັ້ນຕອນການທົດລອງການບິນຈຶ່ງບໍ່ໄດ້ກຳນົດໃຫ້ປະຕິບັດງານນຳໃຊ້ຈົນກວ່າຮອດປີ 2026, ຍົນຮົບ FA-50 ໄດ້ຖືກເລືອກໃຫ້ແທນຊົ່ວ
ຄາວໃນການຕິດຕັ້ງລູກສອນໄຟດັ່ງກ່າວ.
ລູກສອນໄຟ Cheonryong ມີນ້ຳໜັກປະມານ 1.300 ກິໂລກຣາມ, ມີລະບົບນຳທິດ inertial ແລະ ເຄື່ອງຄົ້ນຫາຈັບຄວາມຮ້ອນ
(infrared imaging seeker) ເພື່ອນຳທາງໄປສູ່ເປົ້າໝາຍ. ລູກສອນໄຟນີ້, ມີຫົວຮົບເຈາະເກາະ ອອກແບບມາເພື່ອໂຈມຕີເປົ້າໝາຍ
ພາກພື້ນດິນ ເຊັ່ນ ຕຳແໜ່ງສູນບັນຊາການ. ລູກສອນໄຟ Cheonryong ສາມາດບັນລຸຄວາມໄວປະມານ Mach 0,9 ເທົ່າກັບ 1.000
ກິໂລແມັດຕໍ່ຊົ່ວໂມງ, ມີໄລຍະບິນໄກກວ່າ 500 ກິໂລແມັດ ເມື່ອຕິດຢູ່ເທິງເຮືອບິນ KF-21 ແລະ ປະມານ 350 ກິໂລແມັດ ເມື່ອຕິດຕັ້ງ
ໃສ່ FA-50. ການເພີ່ມທະວີ Cheonryong ເຂົ້າໃສ່ຍົນສູ້ຮົບ FA-50 ແລະ KF-21 ເປັນການປັບປຸງຄວາມເຂັ້ມແຂງໃຫ້ກອງທັບອາ
ກາດໃນການປ້ອງກັນນ່ານຟ້າ ທັງເປັນການເສີມຂະຫຍາຍອຸດສາຫະກຳການຜະລິດອາວຸດປ້ອງກັນຊາດຂອງປະເທດນີ້ກ້າວສູ່ຕະຫຼາດສາກົນ
ຢ່າງຕໍ່ເນື່ອງ.
ແຫຼ່ງທີ່ມາ: ຂກທ
ວັນທີ 23/04/2025