ສະມາຊິກ ນາໂຕ ສັງຊື້ອາວຸດແສງເລເຊີ ສຳລັບຕໍ່ຕ້ານໂດຣນ
ເວັບໄຊຂ່າວການທະຫານອຸດສາຫະກຳປ້ອງກັນຊາດເອີຣົບ ລາຍງານໃຫ້ຮູ້ວ່າ: ບໍລິສັດ Electro Optic Systems (EOS) ຂອງ
ອົດສະຕຣາລີ ປະກາດວ່າ, ໄດ້ຮັບການຈັດຊື້ໃຫຍ່ສຳລັບລະບົບອາວຸດແສງເລເຊີທີ່ມີກຳລັງສູງ100 kW ທີ່ພັດທະນາຂຶ້ນໃໝ່, ເຊິ່ງອອກ
ແບບສຳລັບການຕໍ່ຕ້ານໂດຣນ.
ການຈັດຊື້ນີ້ສະແດງເຖິງການສົ່ງອອກລະບົບປ້ອງກັນເລເຊີ 100 kW ຄັ້ງທຳອິດຂອງໂລກ ດ້ວຍສັນຍາທີ່ມີມູນຄ່າ 71,4 ລ້ານເອີໂຣ
ສົ່ງມອບໃຫ້ປະເທດສະມາຊິກນາໂຕໃນເອີຣົບ, ສັນຍານີ້ກວມເອົາການສະໜອງລະບົບເລເຊີ, ອາໄຫຼ່, ການເຝິກອົບຮົມ ແລະ ເອກະສານ,
ໂດຍມີກຳນົດການຈັດສົ່ງລະຫວ່າງປີ 2025 ຫາ 2028. ລະບົບ EOS ກຳລັງພັດທະນາຄວາມສາມາດຂອງເລເຊີຂອງຕົນ ເພື່ອຕອບສະ
ໜອງຄວາມຕ້ອງການຍຸດທະສາດທີ່ເພີ່ມຂຶ້ນສຳລັບການປ້ອງກັນການໂຈມຕີຈາກຝູງໂດຣນ. ລະບົບໃໝ່ນີ້ຕໍ່ຍອດຈາກຄວາມຊຳນານຂອງບໍ
ລິສັດ ໃນດ້ານເຕັກໂນໂລຊີຕໍ່ຕ້ານໂດຣນ ແລະ ຂະຫຍາຍຄວາມສາມາດຂອງຕົນຢ່າງຫຼວງຫຼາຍ ເຊິ່ງບໍລິສັດໄດ້ດຳເນີນການທົດສອບພາກສະ
ໜາມເປັນເວລາ 3 ປີ ແລະ ທົດສອບຍິງທົດລອງຈຳນວນຫຼາຍເທື່ອ ໂດຍການຮ່ວມມືກັບລູກຄ້າຂອງຕົນ ຢ່າງໃກ້ຊິດ ເພື່ອຮັບປະກັນປະສິດ
ທິພາບຂອງລະບົບ ແລະຄວາມໜ້າເຊື່ອຖື, ເຊິ່ງອາວຸດເລເຊີປະສົມປະສານລວມລະບົບຄິດໄລ່ຂັ້ນສູງ, ຣາດາ, ລະບົບກວດຈັບໄພຂົ່ມຂູ່, ລະ
ບົບການຕິດຕາມເປົ້າໝາຍ ແລະ ລະບົບລັອກລຳແສງ.
ບໍລິສັດ EOS ຍັງໄດ້ກ່າວວ່າ, ການສັ່ງຈັດຊື້ນີ້ແມ່ນມາຈາກບໍລິສັດກຳລັງດຳເນີນກິດ ຈະກຳການຕະຫຼາດ, ການຂາຍ ແລະ ການສາທິດ
ຜະລິດຕະພັນຢ່າງຕໍ່ເນື່ອງ ໂດຍມີກຳນົດສະແດງປະສິດຕິພາບໃນງານ DSEI 2025 ໃນລອນດອນ ໃນລະຫວ່າງ ວັນທີ 9-12 ກັນຍາ ຈະ
ມາເຖິງນີ້.
ແຫຼ່ງທີ່ມາ: ຂກທ
ວັນທີ 18/08/2025