ກອງທັບ​ອາກາດ​ ມາ​ເລ​ເຊຍ ຈະ​ຊື້​ຍົນ​ສູ້​ຮົບ FA-50M (Block 20) ເພີ່ມ​ອີກ 18 ລໍາ

​

     ຕາມ​ແຫຼ່ງ​ຂ່າວ ປ້ອງ​ກັນ​ຊາດ​ອາຊີ ໄດ້​ກ່າວ​ວ່າ ກອງທັບ​ອາກາດ ມາ​ເລ​ເຊຍ (RMAF) ມີ​ແຜນ​ຈັດ​ຊື້ຍົນ​ສູ້​ຮົບ FA-50M
(Block 20) ຂອງ ສ ເກົາຫຼີ ເພື່ອ​ເພີ່ມ​ຂີດ​ຄວາມ​ສາມາດ​ໃນ​ການ​ປ້ອງ​ກັນ​ນ່ານ​ຟ້າ ແລະ ອະທິປະ​ໄຕ​ຂອງ​ຕົນ. ເຈົ້າ​ໜ້າທີ່​ລະດັບ
​ສູງ​ຂອງ​ກອງທັບ​ອາກາດ ມາ​ເລ​ເຊຍ ໄດ້​ກ່າວ​ວ່າ: ໃນ​ການ​ຊື້​ຍົນ​ສູ້​ຮົບ ​ຊຸດ​ນີ້​ຈະ​ໄດ້​ແບ່ງ​ອອກ​ເປັນ ສອງ​ໄລຍະ​ ​ຄືື: ໄລຍະ​ທີ 1 ໄດ້​
ເຊັນ​ສັນຍາ​ສຳເລັດ​ແລ້ວ​ຕັ້ງແຕ່ ເດືອນ ພຶດສະພາ 2023 ຈຳນວນ 18 ລໍາ ມູນ​ຄ່າ​ປະມານ 920 ລ້ານ​ໂດ​ລາ​ສະຫະລັດ. ກຳນົດ​
ໃຫ້​ເລີ່ມ​ສົ່ງ-ມອບ​ຊຸດ​ທຳ​ອິດ​ຢູ່​ໃນ​ປີ 2026 ນີ້.

     ສ່ວນ​ໄລຍະທີ 2 ມີ​ແຜນ​ຈະ​ຊື້​ຕື່ມ​ອີກ 18 ລໍາ ​ເພື່ອ​ໃຫ້​ຄົບ​ຕາມ ​ຈຳນວນ 36 ລໍາລວມ​ເປັນ 2 ໝູ່​ບິນ. ແຫຼ່ງ​ຂ່າວ​ຍັງ​ໃຫ້​ຮູ້​ອີ​ກ
ວ່າ: ທາງ​ກອງທັບ​ອາກາດ ມາ​ເລ​ເຊຍ ​ໄດ້​ເລີ່ມ​ມີ​ການ​ເຝິກຊ້ອມ​ຂັບຍົນ​ສູ້​ຮົບ FA-50M ພ້ອມ​ທັງ​ຊ່າງ​ເຕັກນິກ​ພາກ​ພື້ນ​ດິນ ທີ່ກຳ
ລັງ​ເຝິກແອບ ​ເພື່ອ​ກຽມພ້ອມ​ໃຊ້​ງານ​ເຕັມຮູບແບບທີ່ກ່ຽວຂ້ອງກັບລະບົບຂອງທັງໝົດເຊັ່ນ​ດຽວ​ກັນ.

ແຫຼ່ງທີ່ມາ: ຂກທ
ວັນທີ 18/02/2026