ຣັດເຊຍ-ເບລາຣຸດ ຍົກລະດັບລົດຫຸ້ມເກາະ BTR-60 ໃຫ້ທັນສະໄໝ
ຕາມແຫຼ່ງຂ່າວຕ່າງປະເທດ ເຜີຍແຜ່ໃຫ້ຮູ້ເມື່ອບໍ່ດົນມານີ້ວ່າ, ຣັດເຊຍ ແລະ ເບລາຣຸດ ໄດ້ຮ່ວມມືກັນປັບປຸງລົດຫຸ້ມເກາະ BTR-60
ໃຫ້ທັນສະໄໝ ຈາກລຸ້ນມາດຕະຖານ BTR-60 ມາເປັນ BTR-60MB3. ໂຄງການປັບປຸງຄັ້ງນີ້, ແມ່ນດຳເນີນໂດຍໂຮງງານ ເບລາຣຸດ
ຮ່ວມມືກັບບໍລິສັດປ້ອງກັນປະເທດ ຣັດເຊຍ, ໂດຍມີເປົ້າໝາຍທີ່ຈະແກ້ໄຂ ແລະ ຍົກລະດັບໃຫ້ມີລາຄາຖືກ ສຳລັບບັນດາປະເທດທີ່ໃຊ້ລົດ
BTR-60 ໃນປັດຈຸບັນ, ໂດຍສະເພາະໃນ ອາຟຣິກາ ແລະ ອາຊີ. ໂດຍລວມແລ້ວ, ການຍົກລະດັບເຄື່ອງຈັກອາຍແກັສເດີມສອງເຄື່ອງຈັກ
ໄດ້ຖືກປ່ຽນແທນດ້ວຍເຄື່ອງຈັກກາຊວນ D-245.12S ທີ່ຜະລິດໂດຍ ເບລາຣຸດ, ມີກຳລັງແຮງ 218 ແຮງມ້າ, ເຊິ່ງຄາດວ່າຈະປັບປຸງຄວາມ
ໜ້າເຊື່ອຖື ແລະ ການປະຕິບັດຂອງພາຫະນະໄດ້ດີກວ່າເກົ່າ. ສຳລັບພາຍໃນຕົວລົດ ໄດ້ຮັບການປັບປຸງ ແລະ ຕິດຕັ້ງລະບົບເອເລັກໂຕຼນິກທີ່
ທັນສະໄໝ ລວມທັງກ້ອງວົງຈອນປິດ ເຊື່ອມຕໍ່ກັບໜ້າຈໍສະແດງຜົນ ເພື່ອຊ່ວຍເພີ່ມຄວາມສາມາດຮັບຮູ້ສະພາບກ່ຽວກັບສະຖານະການຂອງ
ການເບິ່ງເຫັນຂອງຜູ້ຂັບຂີ່. ສະເພາະຝ່າຍ ຣັດເຊຍ ມີຄວາມຮັບຜິດຊອບໃນການຍົກລະດັບກຳລັງອາວຸດ ປະກອບດ້ວຍ ປືນກົນໜັກ ຂະໜາດ
14,5 ມມ KPVT ພ້ອມກັບປືນກົນກາງ ຂະໜາດ 7,62 ມມ PKT ຕໍ່ຕ້ານເຮືອບິນ.
ແຫຼ່ງທີ່ມາ: ຂກທ
ວັນທີ 17/07/2025