ສະຫະລັດ ພວມເລັ່ງມືພັດທະນາສ້າງຍົນ supersonic X-59 ລຸ້ນໃໝ່ເພື່ອອະນາຄົດ
ອົງການ NASA ແລະ ບໍລິສັດ Lockheed Martin ໄດ້ຮ່ວມກັນ ຄົ້ນຄວ້າໂຄງການ QueST (Quiet SuperSonic
Technology), ເຊິ່ງມີຈຸດປະສົງເພື່ອສ້າງຍົນ supersonic ທີ່ມີຄວາມໄວກວ່າສຽງ, ເຊິ່ງໂຄງການດັ່ງກ່າວນີ້ໄດ້ຜ່ານຂັ້ນຕອນ
ຂອງການພັດທະນາແລະ ສໍາເລັດໃນຂັ້ນພື້ນຖານຢູ່ໃນອາກາດສັນຍາການພັດທະນາ ແລະ ຜະລິດຍົນໃນອະນາຄົດ X-59 ໂດຍໄດ້
ມີການລົງນາມເມື່ອເດືອນ ເມສາ 2018 ຜ່ານມາ. ຈາກນັ້ນ, NASA ແລະ Lockheed Martin ໄດ້ດຳເນີນການຄົ້ນຄວ້າ ແລະ
ສໍາເລັດການອອກແບບຈຳລອງໃນທ້າຍປີ 2018, ການຜະລິດໂຄງຮ່າງປະກອບໄດ້ເລີ່ມທີ່ໂຮງງານ Lockheed Martin ໃນ ຟາມ
ເດວ, ລັດກາລິຟໍເນຍ. ຕົກມາຮອດກາງເດືອນທັນວາປີ 2020, ການປະກອບສ້າງໂຄງຮ່າງລຳຕົວ X-59 ພ້ອມກັບລະບົບເທິງລຳໂຕ
ຍົນໄດ້ສຳເລັດ. ແລ້ວຈາກນັ້ນ, ກໍໄດ້ມີການສົ່ງຍົນໄປຍັງໂຮງງານ Lockheed Martin ແຫ່ງອື່ນໃນເມືອງຟອດວອດ ເພື່ອປະກອບ
ສ້າງອີກເທື່ອໜຶ່ງໃນລະບົບຕໍ່ໄປ. ນັບຕັ້ງແຕ່ທ້າຍເດືອນທັນວາປີກາຍນີ້, ການທົດລອງເບື້ອງຕົ້ນຂອງຍົນໄດ້ຈັດຕັ້ງປະຕິບັດໃຫ້ໄດ້ມາດ
ຕະຖານແລ້ວ, X-59 ຈະຖືກສົ່ງກັບຄືນເພື່ອກະກຽມໃຫ້ແກ່ການທົດລອງການບິນເທິງອາກາດທີ່ ຟອດວອດ, ນັກພັດທະນາໄດ້ທົດ
ລອງຄົງທີ່ເຫັນວ່າ, X-59 ແມ່ນລະບົບຕ່າງໆແມ່ນໃຊ້ໄດ້ປົກກະຕິ. ນອກຈາກນັ້ນ, ການທົດລອງຄົງທີ່ແມ່ນມີຈຸດປະສົງເພື່ອກຳນົດ
ຄວາມສ່ຽງ ແລະ ຄວາມລົ້ມເຫຼວທີ່ອາດເປັນໄປໄດ້ ພ້ອມຄວາມແໜ້ນໜາຂອງຖັງນ້ຳມັນ ແລະ ທໍ່ສົ່ງຈະຖືກກວດສອບຢ່າງລະອຽດ.
ຫວ່າງມໍ່ໆມານີ້, ອົງການ NASA ກ່າວວ່າ: ການທົດລອງເບື້ອງຕົ້ນຂອງ X-59 ໄດ້ຮັບຜົນມາຮອດທ້າຍເດືອນມັງກອນປີ 2022 ມາ
ເຖິງປັດຈຸບັນປະມານ ແມ່ນໄດ້ສຳເລັດ 80%, ການກວດກາທັງໝົດເປັນໄປຕາມແຜນການ ແລະ ບໍ່ມີບັນຫາໃດໆ. ຢ່າງໃດກໍ່ຕາມຍັງ
ບໍ່ສາມາດກຳນົດວັນສຳເລັດໂດຍສົມບູນສຳລັບການທົດລອງທີ່ຍັງເຫຼືອ, ຈຸດປະສົງກໍເພື່ອຫຼຸດຜ່ອນສຽງລົບກວນຈາກເຄື່ອງຈັກເຊິ່ງບັນຫາ
ນີ້ໄດ້ຖືກແກ້ໄຂໂດຍການອອກແບບທາງອາກາດພິເສດຂອງ airframe ສາມາດຈຳກັດການຫຼຸດຜ່ອນຄວາມດັງຂອງສຽງ ເມື່ອເວລາບີນ
ຢູ່ລະດັບຄວາມສູງ, ກຳນົດລະດັບສຽງບໍ່ກາຍ 60-75 ເດຊີເບວ (ໃນເມື່ອຍົນມີລະດັບສຽງແຕ່ 100-110 ເດຊີເບວ). ການຫຼຸດຜ່ອນຜົນ
ກະທົບ ultrasonic ຈະບໍ່ເຮັດໃຫ້ເກີດອັນຕະລາຍຕໍ່ມະນຸດຫຼືເປັນອັນຕະລາຍຕໍ່ສິ່ງແວດລ້ອມຄືເມື່ອກ່ອນ.
ອີງຕາມພື້ນຖານໂຄງການ, ຕົ້ນແບບ X-59 ມີຮູບຮ່າງບາງ, ສູງ, ດ້ານຫາງແມ່ນເຄື່ອງຈັກ General Electric F414. X-59
QueSST ມີຮູບຮ່າງ, ຂະໜາດ ແລະ ການຈັດວາງວັດຖຸເຕັກນິກຍັງຖືກຄິດໄລ່ອອກແບບເພື່ອຫຼຸດຜ່ອນຄື້ນຊ໊ອກ. X-59 ມີສີ່ໜ້າຈໍ
ຂະໜາດທີ່ແຕກຕ່າງກັນຢູ່ໃນ dashboard, ຖືກນຳໃຊ້ເພື່ອສະໜອງຂອງຂໍ້ມູນຫຼາກຫຼາຍ, ສົມທົບການທຳງານຂອງ windshield,
ຍົນ X-59 ມີຄວາມຍາວ 29 ແມັດ, ປີກຍາວ 9 ແມັດ ແລະ ນ້ຳໜັກສູງສຸດບໍ່ເກີນ 15 ໂຕນ, ເຄື່ອງຈັກດຽວສາມາດເລັ່ງໄວໄດ້ 1.590
ກິໂລແມັດຕໍ່ຊົ່ວໂມງ.
ແຫຼ່ງທີ່ມາ: ຂກທ
ວັນທີ 17/02/2026