ກອງທັບອາກາດ ອິນໂດເນເຊຍ ຈະຊື້ຍົນສູ້ຮົບລຸ້ນ KF-21 ຈາກສາທາລະນະລັດເກົາຫຼີ
ສຳນັກຂ່າວໂກລໂບດີເພນຄອບ (GDC) ລາຍງານໃຫ້ຮູ້ວ່າ: ກະຊວງປ້ອງກັນປະເທດອິນໂດເນເຊຍ ໄດ້ຈັດກອງປະຊຸມ ເພື່ອຄົ້ນ
ຄວ້າໃນການສັ່ງຊື້ອາວຸດຍຸດໂທປະກອນທາງການທະຫານ ເພື່ອຂີດຄວາມສາມາດໃນການປ້ອງກັນອະທິປະໄຕ ແລະ ນ່ານຟ້າຂອງຕົນ,
ໂດຍກອງປະຊຸມໄດ້ເຫັນດີເປັນເອກະພາບກັນໃນການສັ່ງຊື້ຍົນສູ້ຮົບລຸ້ນ KF-21 ຈາກ ສາທາລະນະລັດເກົາຫຼີ ຈຳນວນ 16 ລໍາ, ໂດຍ
ຕາມກຳນົດມອບຮັບຢູ່ໃນລະຫວ່າງປີ 2027-2040. ການສັ່ງຊື້ຍຸດໂທປະກອນປ້ອງກັນຊາດຈາກ ສ ເກົາຫຼີ ຂອງກອງທັບອິນໂດເນ
ເຊຍໃນຄັ້ງນີ້, ກໍເພື່ອເປັນການຜັນຂະຫຍາຍການລົງນາມຮ່ວມມືທາງການທະຫານທີ່ຜູ້ນຳສອງປະເທດເຄີຍລົງນາມໃນບົດບັນທຶກຊ່ວຍ
ຈຳ ຫຼື MOU ເມື່ອຄັ້ງທີ່ເຂົ້າຮ່ວມໃນກອງປະຊຸມເສດຖະກິດອາຊີ-ປາຊີຟິກທີ່ຈັດຂຶ້ນໃນທ້າຍປີ 2025 ທີ່ຜ່ານມາທີ່ປະເທດອິນໂດເນ
ເຊຍເປັນເຈົ້າພາບ.
ສຳລັບຍົນສູ້ຮົບລຸ້ນ KF-21 block II, ແມ່ນຜະລິດ ແລະ ອອກແບບໂດຍບໍລິສັດຫຸ້ນສ່ວນຂອງສ ເກົາຫຼີ ແລະ ອິນໂດເນເຊຍ ໂດຍ
KF-21 block II ໄດ້ພັດທະນາ ແລະ ຖືກປັບປຸງມາຈາກ KF-21 block I,ໂດຍຈະໃຊ້ ຄົນຂັບ 1-2 ຄົນ, ເຊິ່ງຍົນສູ້ຮົບລຸ້ນນີ້ມີຄວາມ
ຍາວ 16,9 ແມັດ, ກວ້າງ 11,2 ແມັດ ແລະ ສູງ 4,7 ແມັດ, ສາມາດບັນທຸກນ້ຳໜັກສູງສຸດໄດ້ 25 ໂຕນ, ສາມາດບິນດ້ວຍຄວາມໄວກວ່າ
ສຽງ 1,8 ມັກ ຫຼື 2.200 ກິໂລແມັດຕໍ່ຊົ່ວໂມງ, ສ່ວນອາວຸດສາມາດຕິດຕັ້ງປືນກົນຂະໜາດ 20 ມມ ໄດ້ 1 ກະບອກ, ຕິດຕັ້ງຈະຫຼວດໄລ
ຍະສັ້ນ ແລະ ໄລຍະຍາວ ແບບອາກາດສູ່ອາກາດ 2 ລູກ, ແບບອາກາດສູ່ພື້ນ 2 ລູກ. ນອກຈາກນີ້, ຍັງຕິດຕັ້ງລະເບິດ ແລະ ຈະຫຼວດລຸ້ນ
ໄຮເປີໂຊນິກໄດ້ອີກດ້ວຍ.
ແຫຼ່ງທີ່ມາ: ຂກທ
ວັນທີ 16/02/2026