ຊູ-24 ເຮືອບິນຮົບໂຈມຕີທາງອາກາດ ແລະ ພາກພື້ນດິນຂອງ ຣັດເຊຍ
ຊູ-24 (Su-24) ທີ່ຜະລິດໃນສະໄໝອະດີດສະຫະພາບໂຊວຽດ ໄດ້ຮັບການປັບປຸງເປັນແຕ່ລະໄລຍະ. ເຄື່ອງບິນຮົບລຸ້ນນີ້ ມີຄວາມສາມາດ
ຫຼາຍຮູບແບບ ມີປະສົບການໃນສະໜາມຮົບຕົວຈິງ ທັງໃນຕາເວັນອອກກາງ ແລະ ອູແກຣນ. ໃນນັ້ນ ບັ້ນຮົບປະຕິບັດການພິເສດທາງທະຫານ ຂອງ
ຣັດເຊຍ ຢູ່ອູແກຣນ ເຄື່ອງບິນຮົບລຸ້ນນີ້ ກໍເປັນເຄື່ອງບິນຫຼັກ ສົມທົບກັບ ເຄື່ອງບິນ ຊູ-25 (Su-25) ປະຈຳການຢູ່ສະໜາມຮົບແນວໜ້າ, ໂດຍນຳ
ໃຊ້ໃນການໂຈມຕີພາຫະນະອາວຸດ, ກຳລັງພົນຂອງສັດຕູທາງໜ້າດິນ. ນອກນັ້ນຍັງໃຊ້ໂຈມຕີທາງອາກາດເປັນຕົ້ນ ທຳລາຍເຄື່ອງບິນເຮລີກົບແຕ, ເຄື່ອງ
ບິນບໍ່ມີຄົນຂັບ ຂະໜາດໃຫຍ່ຂອງຝ່າຍຕາເວັນຕົກໄດ້ຢ່າງມີປະສິດທິພາບ, ສາມາດທຳລາຍໄດ້ຫຼາຍຮ້ອຍລຳມາແລ້ວ.
ມີບາງສຳນັກຂ່າວກ່າວວ່າ: Su-24 ດ້ອຍຄ່າຫຼ້າຫຼັງ, ບໍ່ທັນສະໄໝ, ເປັນເຄື່ອງບິນລຸ້ນເກົ່າແກ່, ປະສິດທິພາບຕ່ຳ, ແຕ່ມັນໄດ້ພິສູດແລ້ວວ່າ: ລະ
ບົບປ້ອງກັນໄພທາງອາກາດ ທັນສະໄໝເບີ 1 ຂອງໂລກ ຍັງບໍ່ສາມາດຍິງເຄື່ອງບິນລຸ້ນນີ້ຕົກໄດ້ເທື່ອ. ບັນດາປະເທດໃນອາຊີ ບໍ່ມີງົບປະມານຫຼາຍ ແມ່ນ
ເໝາະສົມທີ່ສຸດທີ່ຈະໄດ້ ຊູ-24 ມານຳໃຊ້ ເພາະວ່າລາຄາຕ່ຳ, ການບຳລຸງຮັກສາງ່າຍ ແຕ່ປະສິດທິພາບ ສູງ.
ແຫຼ່ງທີ່ມາ: ຂກທ
ວັນທີ 13/09/2024