ການພິສູດຄວາມເກັ່ງຄັ້ງສຳຄັນ ລະຫວ່າງ ຊູ-57 ກັບ ເອັຟ-35
ມາປະເຊີນໜ້າກັນຈົນໄດ້ ເຮືອບິນຂັບໄລ່ ລຸ້ນໃໝ່ ທັນສະໄໝສຸດຂອງຍຸກ ເຊິ່ງພາບແບບນີ້ ຈະບໍ່ຄ່ອຍເຫັນ, ແຕ່ເກີດຂຶ້ນແລ້ວ ໃນ
ໂຄງການ Aero India 2025 ທີ່ ຣັດເຊຍ ນຳເອົາຍົນ ລຸ້ນ ຊູ-57 (Sukhoi Su-57) ກັບ ຍົນ ເອັຟ-35 (F-35 Lightning II )
ຂອງສະຫະລັດ ອາເມຣິກາ ມາແຂ່ງຂັນກັນ ເພື່ອຊິງໂຄງການເຮືອບິນຂັບໄລ່ ລຸ້ນຕໍ່ໄປຂອງກອງທັບອາກາດອິນເດຍ.
ວັນທີ 10 ກຸມພາ 2025, ງານການບິນ ອິນເດຍ 2025 ໄດ້ເລີ່ມຕົ້ນຂຶ້ນຢ່າງເປັນທາງການ ທີ່ຖານທັບອາກາດ Yelahanka ເຊິ່ງ
ຖືເປັນນິທັດສະການດ້ານການປ້ອງກັນປະເທດທີ່ຫຼາຍປະເທດລໍຄອຍຫຼາຍທີ່ສຸດ ແລະ ປີນີ້ ຈະມີການແຂ່ງຂັນຄັ້ງປະຫວັດສາດ ລະຫວ່າງ
ເຮືອບິນຮົບຂັບໄລ່ແບບອຳພາງຕົວ (ຫຼົບຫຼີກການກວດຈັບຂອງຣາດາໄດ້) ລຸ້ນທີ 5 ທີ່ລ້ຳໜ້າທີ່ສຸດ 2 ລຳຂອງໂລກ ຄື Su-57 ຂອງຣັດ
ເຊຍ ແລະ F-35 ຂອງກອງທັບອາກາດ ອາເມຣິກາ. ການປະກົດຕົວຂອງເຮືອບິນສອງລຸ້ນຂອງສອງປະເທດມະຫາອຳນາດໂລກ ໃນງານ
ການບິນ ອິນເດຍ ເຮັດໃຫ້ປະເທດອິນເດຍໄດ້ຮັບໂອກາດອັນຫາຍາກໃນການປະເມີນຂີດຄວາມສາມາດຂອງເຮືອບິນຮົບຂອງສອງຂົ້ວໂລກ
ດ້ວຍຕົນເອງ, ເນື່ອງຈາກອິນເດຍ ກຳລັງເດີນໜ້າຕາມແຜນການຄົ້ນຫາເຮືອບິນຮົບອະເນກປະສົງ ຈຳນວນ 114 ລຳ ທີ່ດີສຸດ, ການແຂ່ງຂັນນີ້
ຍັງສົ່ງຜົນຕໍ່ຄວາມຮ່ວມມືທາງພູມີສາດ ແລະ ການປ້ອງກັນທາງຍຸດທະສາດທີ່ກວ້າງຂວາງຂຶ້ນອີກດ້ວຍ.
ການຊຸກດັນຂອງລັດຖະບານອາເມຣິກາ ໃຫ້ອິນເດຍ ເພີ່ມການຊື້ເຕັກໂນໂລຊີທາງທະຫານຂອງສະຫະລັດ ເປັນສ່ວນໜື່ງຂອງຄວາມ
ພະຍາຍາມເຊິ່ງຍຸດທະສາດ ທີ່ຍິ່ງໃຫຍ່ກວ່າ ເພື່ອທ້າທາຍອິດທິພົນຂອງ ຣັດເຊຍ ໃນດ້ານການປ້ອງກັນປະເທດຂອງອິນເດຍ ໃນຖານະ
ສ່ວນໜຶ່ງຂອງຄວາມພະຍາຍາມນີ້, ວໍຊິງຕັນ ໄດ້ສົ່ງເສີມຂໍ້ຕົກ ລົງຮ່ວມຜະລິດເຄື່ອງຈັກເຮືອບິນສູ້ຮົບ ແລະ ພາຫະນະຕໍ່ສູ້ ລວມເຖິງການອະ
ນຸມັດ ໃຫ້ອິນເດຍຜະລິດພາຫະນະຫຸ້ມເກາະ ສະໄຕຣເກີ (Stryker) ພາຍໃຕ້ໂຄງ ການ ເຕັກໂນໂລຊີທີ່ສຳຄັນ ແລະ ເກີດໃໝ່ (iCET).
ສຸດທ້າຍແລ້ວ ຖ້າຕິດຕາມເບິ່ງນຳກັນວ່າ, ກອງທັບອິນເດຍ ຈະເລືອກເຮືອບິນຮົບລຸ້ນໃດ ຂອງປະເທດໃດ ລະຫວ່າງ ສອງຂົ້ວມະຫາອຳນາດ
ໂລກ ທີ່ອ້າງວ່າມີເຕັກໂນໂລຊີສຸດຍອດດ້ານເຮືອບິນສູ້ຮົບຂອງໂລກ.
ແຫຼ່ງທີ່ມາ: ຂກທ
ວັນທີ 13/02/2025