ໂປໂລຍ ນຳສະເໜີລົດສູ້ຮົບ ຮຸ້ນ Borsuk
ສໍານັກຂ່າວ ຫວຽດນາມ ລາຍງານວ່າ: ໃນງານວາງສະແດງອຸດສາຫະກໍາປ້ອງກັນຊາດສາກົນຄັ້ງທີ 32 (MSPO 2024) ຈັດຂຶ້ນຢູ່ ໂປ
ໂລຍ ແຕ່ວັນທີ 3 ຫາ 6 ກັນຍານີ້, ໂປໂລຍ ໄດ້ນໍາສະເໜີລົດສູ້ຮົບຮຸ້ນໃໝ່ທີ່ມີຊື່ວ່າ Borsuk ອອກແບບເພື່ອທົດແທນລົດສູ້ຮົບ BWP ທີ່
ໄດ້ປະຕິບັດງານກັບກຳລັງປະກອບອາວຸດ ໂປໂລຍ ນັບແຕ່ປີ 1973. ລົດສູ້ຮົບຂອງກອງທັບບົກ ໂປໂລຍ ຮຸ້ນ Borsuk ມີຄວາມຍາວປະມານ
7,6 ແມັດ, ກວ້າງ 3,4 ແມັດ, ນ້ຳໜັກປະມານ 25 ໂຕນ. ພາຫະນະດັ່ງກ່າວໄດ້ຕິດຕັ້ງເຄື່ອງຈັກ MTU 8V199 TE20 ທີ່ມີຄວາມຈຸ 720
ແຮງມ້າ, ຊ່ວຍໃຫ້ພາຫະນະສາມາດແລ່ນຄວາມໄວ 65 ກິໂລແມັດຕໍ່ຊົ່ວໂມງໃນເສັ້ນທາງຮາບພຽງ ແລະ 8 ກິໂລແມັດຕໍ່ຊົ່ວໂມງ ໃນທາງລຸຍ
ນໍ້າ. ພາຫະນະນີ້ມີທີມ 3 ຄົນ ລວມມີຜູ້ບັນຊາ 1 ຄົນ, ຄົນຂັບ 1 ຄົນ ແລະ ນັກຍິງປືນ 1 ຄົນ. ນອກນັ້ນ, ຍັງສາມາດບັນຈຸທະຫານໄດ້ຕື່ມອີກ 6
ຄົນ,
ມີລະບົບຂັບເຄື່ອນທີ່ມີພະລັງງານ, ຄວາມຕ້ານທານ ກັບອາວຸດຂະໜາດນ້ອຍ ແລະ ລະເບີດຝັງດິນ, ລະບົບການກັ່ນຕອງສານພິດ, ລະບົບ
ດັບເພີງ ແລະ ລະບົບການສັງເກດການຫຼາຍທິດທາງ. ພາຫະນະດັ່ງກ່າວມີລະບົບ turret ຄວບຄຸມໄລຍະໄກ ZSSW-30, ອອກແບບມາເພື່ອ
ໂຈມຕີຫຼາຍເປົ້າໝາຍທັງລົດຫຸ້ມເກາະເບົາ, ໜັກ ແລະ ໂຄງສ້າງພື້ນຖານຂອງສັດຕູ. ລະບົບສູ້ຮົບປະກອບມີປືນໃຫຍ່ອັດຕະໂນມັດຂະໜາດ 30
ມມ, ປືນກົນຂະໜາດ 7.62 ມມ, ລູກປືນກຳລັງໄຟ ແລະ ເລົາຄູ່ສຳລັບຍິງລູກສອນໄຟນໍາທິດຕໍ່ຕ້ານລົດຕັງ SPIKE.
ແຫຼ່ງທີ່ມາ: ຂກທ
ວັນທີ 11/09/2024