ເຢຍລະມັນ ກຳລັງດຳເນີນໂຄງການເຮືອດຳນ້ຳລາດຕະເວນລຸ້ນ Class 212CD ຂອງການາດາ
ເຮືອດຳນ້ຳ Class 212CD
ອີງຕາມຂ່າວອຸດສະຫະກຳປ້ອງກັນຊາດເອີຣົບລາຍງານວ່າ: ບໍລິສັດ TKMS ຂອງເຢຍລະມັນ ໄດ້ເປີດໂຕເວັບໄຊທ໌ Team 212CD,
ໂດຍເນັ້ນໜັກເຖິງການຮ່ວມມືຍຸດທະສາດລະຫວ່າງເຢຍລະມັນ, ນອກແວ ແລະ ການາດາ. ຖ້າໂຄງການດັ່ງກ່າວປະສົບຜົນສຳເລັດ, ມັນຈະ
ສົ່ງຜົນໃຫ້ມີເຮືອດຳນ້ຳ Class 212CD ທັງໝົດ 24 ລຳໃນສາມປະເທດນີ້.
ງານຂ່າວແຈ້ງ: ເຢຍລະມັນຜະລິດເຮືອດຳນ້ຳພະລັງງານໄຟຟ້າຂອງນາໂຕ ຫຼາຍກວ່າ 70%. ໂຄງການເຮືອດຳນ້ຳ CPSP ຂອງການາ
ດາມີຈຸດປະສົງ ເພື່ອທົດແທນເຮືອດຳນ້ຳຊັ້ນ ວີກຕໍເຣຍ Victoria ສີ່ລຳທີ່ເຂົ້າຮັບໃຊ້ກັບກອງທັບເຮືອການາດາໃນລະຫວ່າງປີ 2000 ແລະ
2003. (ຍົກເວັ້ນ HMCS Chicoutimi, ເຊິ່ງເກີດໄຟໄໝ້ໃນລະຫວ່າງທາງໄປການາດາ ແລະ ຕ້ອງການການສ້ອມແປງກ່ອນທີ່ຈະຖືກ
ນຳເຂົ້າປະຈໍາການໃນປີ 2015), ເຊີ່ງກອງທັບເຮືອການາດາ ມີຄວາມຕ້ອງການເຮືອດຳນ້ຳທົດແທນຈໍານວນ 12 ລຳ, ເຊິ່ງກຳນົດຈະເລີ່ມຮັບ
ມອບໃນປະມານ 10 ປີ.
ໃນທ້າຍປີກາຍນີ້, ລັດຖະບານການາດາໄດ້ປະກາດວ່າຜູ້ຜະລິດເຮືອດຳນ້ຳສອງບໍລິສັດໄດ້ຜ່ານຂັ້ນຕອນການຮັບຮອງຄຸນສົມບັດເບື້ອງ
ຕົ້ນສຳລັບໂຄງການເຮືອດຳນ້ຳ CPSP ຄື: TKMS ຂອງເຢຍລະມັນ (ສະເໜີເຮືອດຳນ້ຳຊັ້ນ 212CD) ແລະ Hanwha Ocean ຂອງ
ສ ເກົາຫຼີ (ສະເໜີເຮືອດຳນ້ຳຊັ້ນ KSS III).
ແຫຼ່ງທີ່ມາ: ຂກທ
ວັນທີ 11/03/2026