ຈີນໄດ້ທົດລອງປ່ອຍດາວທຽມ “ຈູເຈີຍ–3 (Zhuque-3)
ທີ່ຍິງຂຶ້ນແລ້ວສາມາດກັບຄືນສູ່ໂລກໄດ້
ວັນທີ 3 ທັນວາ ບໍລິສັດ LandSpace ຂອງປະເທດ ຈີນ ໄດ້ທົດລອງຍິງດາວທຽມ ລຸ້ນໃໝ່ “ຈູເຈື່ຍ–3 (Zhuque-3)” ເຊິ່ງ
ເປັນດາວທຽມທີ່ອອກແບບໃຫ້ກັບຄືນສູ່ໂລກໄດ້ເພື່ອນຳກັບມາໃຊ້ໃໝ່ໄດ້ເປັນຄັ້ງທຳອິດຂອງບໍລິສັດ. ເຖິງວ່າດາວທຽມຈະເດີນທາງຂຶ້ນສູ່
ອາວະກາດໄດ້ຕາມແຜນການທີ່ກຳນົດໄວ້ກໍ່ຕາມ, ແຕ່ຈະຫຼວດທ່ອນທີ 1 ບໍ່ປະສົບຜົນສໍາເລັດ ແລະ ລະເບີດຢ່າງຮຸນແຮງໃນຂະນະທີ່ພະ
ຍາຍາມກັບຄືນສູ່ໂລກເພື່ອລົງຈອດໃນສະຖານີກະສວຍອາວະກາດ. ການທົດລອງຄັ້ງນີ້ໄດ້ປ່ອຍຢູ່ຖານປ່ອຍດາວທຽມຈິ່ວຈ້ຽນ (Juquan
Satellite Launch Center) ທາງພາກຕາເວັນຕົກສຽງເໜືອຂອງ ຈີນ. ແຮງລະເບີດທີ່ຮຸນແຮງນັ້ນໄດ້ທຳລາຍຄວາມຫວັງຂອງ ບໍລິສັດ
LandSpace ໃນການກ້າວຂຶ້ນເປັນບໍລິສັດອັນດັບ 3 ຂອງໂລກທີ່ສາມາດນຳຈະຫຼວດກັບມາໃຊ້ໃໝ່ໄດ້ສຳເລັດ ຕໍ່ຈາກ SpaceX ຂອງ
ອີລອນ ມາກ ແລະ Blue Origin ຂອງ ເຈບ ເບໂຊດ ຈາກສະຫະລັດ.
ຕາມລາຍງານຂອງ ຊິນຮວ່າ, ຫຼັງຈາກຈະຫຼວດຖືກຍິງຂຶ້ນໄປແລ້ວ ຈະຫຼວດບໍ່ສາມາດລົງຈອດແບບນຸ່ມນວນໄດ້ (Soft Landing)
ເນື່ອງຈາກເກີດຄວາມຜິດປົກກະຕິໃນການເຜົາໄໝ້ຂອງເຄື່ອງຈັກ ໃນຂະນະທີ່ກຳລັງຫຼຸດລະດັບຄວາມແຮງລົງສູ່ຖານປ່ອຍອາວະກາດ. ແຕ່
ສາເຫດແທ້ຈິງຍັງຢູ່ໃນຂັ້ນຕອນວິເຄາະ ແລະ ສືບສວນ. ເຈົ້າໜ້າທີ່ຂັ້ນສູງ ຂອງບໍລິສັດ ກ່າວວ່າ ຂໍ້ມູນທີ່ໄດ້ຈາກການທົດສອບນີ້ຈະຖືກນຳ
ໄປປັບປຸງລະບົບທີ່ສາມາດກັບຄືນມາໃຊ້ໃໝ່ໃຫ້ດີຂຶ້ນກວ່າເກົ່າ. ການບໍ່ບັນລຸຕາມເປົ້າໝາຍຂອງ Zhuque-3 ສະທ້ອນໃຫ້ເຫັນເຖິງຄວາມ
ຫຍຸ້ງຍາກ ທີ່ຕ້ອງໃຊ້ການຄວບຄຸມທີ່ແມ່ນຢຳສູງ ທັງການກັບຫົວຈະຫຼວດ, ການຫຼຸດຄວາມໄວກວ່າສຽງ, ແລະ ການຕິດເຄື່ອງຈັກຊ້ຳໃນເວ
ລາສັ້ນໆ ກ່ອນຈະເຖິງໜ້າດິນ. ມີຄວາມສູນເສຍການຄວບຄຸມ ຫຼື ລົງຈອດຜິດຕຳແໜ່ງ ທັ້ງຍັງອາດຈະເຜົາໄໝ້ໄຟໃນຊັ້ນບັນຍາກາດກ່ອນ
ຖິງໜ້າໂລກ. ເຖິງວ່າການທົດລອງຈະບໍ່ປະສົບຜົນສໍາເລັດ, ແຕ່ເປັນການທົດລອງທີ່ຫາປະສົບການ ແລະ ຈຸດທີ່ຜິດພາດ ຖືວ່ານັບເປັນບາດ
ກ້າວໃຫຍ່ສຳລັບ ບໍລິສັດ ອຸດສາຫະກຳຈະຫຼວດເອກະຊົນຂອງ ຈີນ ເພາະ LandSpace ນຳໜ້າຄູ່ແຂ່ງອື່ນໆ ເຊັ່ນ Ispace, Galactic
Energy ແລະ Deep Blue Aerospace ທີ່ຍັງພັດທະນາຈວດຂະໜາດນ້ອຍ ຫຼື ຍັງບໍ່ພ້ອມໃນລະດັບດຽວກັບຈະຫຼວດທີ່ໃຊ້ແລ້ວນຳ
ກັບມາໃຊ້ໃນຮອບໃໝ່ໄດ້ຢ່າງສະຫະລັດ. ຖ້າໃນການທົດລອງຄັ້ງຕໍ່ໄປ LandSpace ຈະສາມາດເຮັດໃຫ້ Zhuque-3 ປະສົບຜົນສຳເລັດ
ໄດ້ ມັນຈະກາຍເປັນຈະຫຼວດຂົນສົ່ງຂຶ້ນວົງໂຄຈອນທີ່ນຳກັບໃຊ້ໃໝ່ໄດ້ລຳທຳອິດຂອງ ຈີນ ແລະ ຈະມີບົດບາດສຳຄັນຕໍ່ຍຸດທະສາດອາວະກາດ
ຂອງ ຈີນ ໄດ້. ໂດຍສະເພາະແຜນການປ່ອຍດາວທຽມວົງໂຄຈອນຕໍ່າຈຳນວນຫຼາຍ ເພື່ອແຂ່ງຂັນກັບໂຄງການ Starlink ຂອງ SpaceX.
LandSpace ລະບຸວ່າ ເມື່ອລະບົບພ້ອມສົມບູນ Zhuque-3 ຈະນຳກັບມາໃຊ້ໄດ້ຢ່າງນ້ອຍ 20 ຄັ້ງ ແລະ ຂົນສົ່ງດາວທຽມໄດ້ທີ່ມີນ້ຳ
ໜັກເຖິງ 18 ໂຕນ. ທາງດ້ານ ອີລອນ ມາກ໌ ຂອງ SpaceX ເຄີຍໃຫ້ຄວາມເຫັນໄວ້ເມື່ອເດືອນຕຸລາ ທີ່ຜ່ານມາວ່າ “ພວກເຂົາອາດຈະເຮັດ
ໄດ້ດີກວ່າ Falcon 9 ຂອງ SpaceX ຫຼາຍເທົ່າ.” ແຕ່ປະສົບການຂອງ SpaceXໃນໄລຍະຫຼາຍປີທີ່ຜ່ານມາຈະເປັນອຸປະສັກໃຫຍ່ ເພາະ
SpaceX ໃຊ້ເວລາຫຼາຍປີຈົນສາມາດເຮັດໃຫ້ Falcon9 ລົງຈອດໄດ້ສຳເລັດເທື່ອທຳອິດໃນປີ 2015 ຫຼັງຈາກໄດ້ລົ້ມມາຫຼາຍຄັ້ງ. ປັດຈຸບັນ
SpaceX ແມ່ນບໍລິສັດດຽວທີ່ສາມາດນຳດາວທຽມກັບມາໃຊ້ໃໝ່ໄດ້ຢ່າງຕໍ່ເນື່ອງ ແລະ ບາງບູສເຕີຖືກໃຊ້ງານເກີນ 20 ຄັ້ງ ແລ້ວ. ປັດຈຸບັນ
ອຸດສາຫະກຳດາວທຽມກັບມາໃຊ້ໃໝ່ໃນທົ່ວໂລກ ທັ້ງເອີຣົບ, ອິນເດຍ, ຈີນ ແລະ ສະຫະລັດ ກຳລັງຕິດຕາມແນວທາງຂອງ SpaceX. ແຕ່
ປະສົບການ ແລະ ຄວາມຖີ່ໃນການປ່ອຍດາວທຽມຕິດຕໍ່ກັນກວ່າ 10 ປີຂອງ Falcon 9 ແມ່ນບັນຫາສຳຄັນທີ່ຄູ່ແຂ່ງຍັງບໍ່ທັນປະສົບຜົນສຳ
ເລັດ ແລະ ເຮັດໃຫ້ SpaceX ຄວບຄຸມຕະຫຼາດການປ່ອຍດາວທຽມຂະໜາດກາງ-ໃຫ່ຍ ເກືອບທັງໝົດ. ເຖິງວ່າການທົດທອງຄັ້ງລ່າສຸດຂອງ
LandSpace ຈະບໍ່ສຳເລັດ ແຕ່ນັກວິເຄາະເບິ່ງວ່າ ນີ້ແມ່ນບາດກ້າວສຳຄັນໃນການແຂ່ງຂັນດ້ານເຕັກໂນໂລຊີອາວະກາດຍຸກໃໝ່ ທີ່ມີເປົ້າໝາຍ
ໄປສູ່ອະນາຄົດທີ່ນຳໃຊ້ ຕົ້ນທຶນຕໍ່າ, ປ່ອຍໄດ້ຖີ່, ແລະ ນຳກັບໃຊ້ໃໝ່ໄດ້ ເຊິ່ງອາດຈະເປັນຕົວກຳນົດອຳນາດຂອງປະເທດ ແລະ ບໍລິສັດໃນອາ
ວະກາດໃນທົດສະວັດໜ້າ.
ແຫຼ່ງທີ່ມາ: ຂກທ
ວັນທີ 10/12/2025