ລົດຕັງ T-90S Bhishma ຂອງອິນເດຍ ມາຈາກ ຣັດເຊຍ
ລົດຕັງ T-90S Bhishma
ໃນການເດີນຂະບວນໃນ ວັນຊາດສາທາລະນະລັດ ອິນເດຍ ໄດ້ນຳສະເໜີລົດຕັງ T-90S Bhishma ເຊິ່ງແມ່ນກະດູກສັນຫຼັງຂອງເຫຼົ່າ
ຮົບຫຸ້ມເກາະຂອງກອງທັບຕົນ. T-90S Bhishma ຂອງອິນເດຍ ແມ່ນລົດຕັງຕົ້ນແບບ T-90 ທີ່ຜະລິດໂດຍ ຣັດເຊຍ, ຖືເປັນລົດຕັງທີ່ກ້າວ
ໜ້າທີ່ສຸດ ໃນໂລກ, ໂດຍມີປືນໃຫຍ່ຂະໜາດ 125 ມມ ແລະ ລະບົບຄວບຄຸມການຍິງທີ່ທັນສະໄໝ.
T-90S ໄດ້ພິສູດແລ້ວວ່າ, ເປັນອາວຸດທີ່ມີປະສິດທິພາບສູງໃນສະໜາມຮົບ, ສາມາດປະຕິບັດງານໃນສະພາບແວດລ້ອມທີ່ຫຼາກຫຼາຍ,
ຈາກທະເລຊາຍໄປສູ່ພູດອຍ, ພາຫະນະນີ້ ເປັນທາງເລືອກທີ່ເໝາະສົມສຳລັບກອງ ທັບອິນເດຍ. ດ້ານສະມັດຕະພາບຂອງ T-90S ມີກຳລັງ
ເຄື່ອນທີ່ ແລະ ກຳລັງຍິງທີ່ແມ້ນຢຳ, ສາມາດໂຈມຕີເປົ້າຫມາຍໄດ້ໃນໄລຍະໄກ, ມີລະບົບຫຸ້ມເກາະ ແລະ ລະບົບຕ້ານທານການປ້ອງກັນທີ່
ແຂງແກ່ນ ສຳລັບທີມປະຈຳລົດ. T-90S ຖືກປັບປຸງ ແລະ ອອກແບບມາສະເພາະສຳລັບກອງທັບອິນເດຍ, ມີລັກສະນະພິເສດເພື່ອຕອບສະ
ໜອງຕາມສະພາບແວດລ້ອມຂອງພູມີປະເທດ, ມີລະບົບປ້ອງກັນທີ່ພັດທະນາຢູ່ພາຍໃນປະເທດ, ມີຄວາມສາມາດຕ້ານ ທານກັບລູກສອນໄຟ
ນຳວິຖີຕ້ານລົດຕັງ ແລະ ລູກລະເບີດຂອງສັດຕູ.
ລັກສະນະທີ່ໂດດເດັ່ນອີກດ້ານໜຶ່ງແມ່ນ, ການລວມເອົາເກາະປະສົມທີ່ຜະລິດໂດຍອິນເດຍ ແລະ ວັດສະດຸຫຸ້ມເກາະ (ERA) ທີ່ນຳເຂົ້າ
ຈາກຕ່າງປະເທດ, ເຊິ່ງສະໜອງການປ້ອງກັນທີ່ດີຕໍ່ການຮັບມືກັບອາວຸດຕ້ານລົດຕັງທີ່ທັນສະໄໝຂອງສັດຕູ.
ແຫຼ່ງທີ່ມາ: ຂກທ
ວັນທີ 10/02/2025