ອາກຊັງຕິນ ໄດ້ຮັບຍົນສູ້ຮົບ F-16AM/BM ຊຸດທຳອິດ 6 ລໍາ ຈາກດານມາກ
ຕາມແຫຼ່ງຂ່າວ defence industry europe ກ່າວວ່າ: ອາກຊັງຕິນໄດ້ຮັບຍົນສູ້ຮົບ່ F-16AM/BM ຊຸດທຳອິດຈຳນວນ 6 ລຳ ຕາມ
ແຜນການຈັດຊື້ຍົນທັງໝົດ 25 ລຳ ທີ່ລັດຖະບານກຳນົດໄວ້. ຍົນຂັບສູ້ຮົບ Lockheed Martin F-16AM/BM Fighting Falcon ມື
ສອງຈາກດານມາກ ໃນນັ້ນ, ໄດ້ເດີນທາງເຖິງສະໜາມບິນອາກຊັງຕິນໃນວັນທີ 5 ທັນວາທີ່ຜ່ານ.
ນາຍທະຫານຂັ້ນສູງຂອງອາກຊັງຕິນໄດ້ກ່າວສື່ມວນອີກວ່າ: ຍົນສູ້ຮົບທັງ 6 ລຳໄດ້ບິນຈາກດານມາກດ້ວຍການແວ່ພັກເພື່ອກວດສອບທາງ
ດ້ານເຕັກນິກຫຼາຍຈຸດ ແລະ ມີຍົນເຕື່ມນ້ຳມັນກາງອາກາດ ລຸ້ນ Boeing KC-135 Stratotanker ຂອງສະຫະລັດ ບິນມາພ້ອມ 3 ລຳ ເພື່ອ
ເຕື່ມນ້ຳມັນກາງອາກາດ. ການຮັບມອບຄັ້ງນີ້ເປັນຂັ້ນຕອນສຳຄັນໃນການຍົກສູງຂີດຄວາມສາມາດຂອງກອງທັບອາກາດອາກຊັງຕິນ. ສະນັ້ນ, ທາງ
ລັດຖະບານຈື່ງໄດ້ສັ່ງຊື້ F-16AM/BM ມືສອງຈາກດານມາກທັງໝົດ 25 ລຳ ຮ່ວມທັງຍົນສູ້ຮົບທີ່ບໍ່ໄດ້ໃຊ້ງານ ຈຳນວນ 1 ລຳ ທີ່ສົ່ງມອບໃນ
ເດືອນ ທັນວາ 2024. ສ່ວນທີ່ເຫຼືອຄາດວ່າຈະຖືກຂົນສົ່ງຜ່ານທາງເຮືອບັນທຸກ. ຂໍ້ຕົກລົງນັ້ນໄດ້ມີການເຊັນສັນຍາພາຍໃນ ເດືອນເມສາ 2024
ທີ່ຜ່ານມາ ລະຫວ່າງອາກຊັງຕິນ-ດານມາກ ແລະຂໍ້ຕົກລົງອາກຊັງຕິນ-ສະຫະລັດ ໃນເດືອນທັນວາ 2024 ເພື່ອການເຝິກອົບຮົມ, ການຂົນສົ່ງກຳ
ລັງພົນທະຫານ ແລະ ການລຳລຽງອາວຸດຍຸດໂທປະກອນທາງການທະຫານ. ການຈັດຊື້ F-16AM/BM ມູນຄ່າຫຼາຍກວ່າ 941 ລ້ານໂດລາ ລວມ
ເຖິງຂີປະນາວຸດນຳວິຖີ AIM-120C-8 AMRAAM ແລະ ລະເບີດນຳວິຖີ GBU-12 Paveway II ຈຳນວນທີ່ບໍ່ທັນມີການເປີດເຜີຍຢ່າງເປັນ
ທາງການ ປັດຈຸບັນ ອາກຊັງຕິນເປັນປະ ເທດທີ 3 ໃນພາກພື້ນ ທີ່ອາເມຣິກາລາຕີນທີ່ນຳໃຊ້ F-16 ຮອງຈາກ ເວເນຊູເອລາ ແລະ ຊິລີ.
ນັກວິເຄາະດ້ານການທະຫານເຫັນວ່າ: ການຈັດຊື້ຍົນຂັບໄລ່ມືສອງຄັ້ງນີ້ ອາດເປີດທາງໃຫ້ອາກຊັງຕິນພິຈາລະນາຈັດຊື້ F-16C/D Block
70/72 ຮຸ່ນໃໝ່ເພີ່ມໃນອະນາຄົດ. ການມາຮອດຂອງ F-16 ຈຳນວນ 6 ລໍາທໍາອິດມັນຈະສະແດງເຖິງສັນຍານວ່າ ອາກຊັງຕິນໄດ້ສືບຕໍ່ຕາມ
ແຜນການຍຸດທະສາດເພື່ອໃຫ້ກອງທັບອາດຂອງຕົນໃຫ້ທັນສະໄໝເພື່ອກຽມພ້ອມໃຫ້ທັນກັບຍຸກປັດຈຸບັນ.
ແຫຼ່ງທີ່ມາ: ຂກທ
ວັນທີ 09/12/2025