ລົດ​ຫຸ້ມ​ເກາະ Piranha V ຂອງ​ດານ​ມາກ

​

     ສໍານັກຂ່າວ ຫວຽດນາມ ລາຍງານໃຫ້ຮູ້ວ່າ: ປະເທດດານມາກໄດ້​ນຳ​ສະ​ເໜີ​ລົດ​ຫຸ້ມ​ເກາະ Piranha V 8x8 ​​ພ້ອມ​ກັບ​ລະບົບ​ປ້ອງ​
ກັນອາກາດ Skyranger 30. ລົດຫຸ້ມເກາະ Piranha V 8x8 ເປັນລົດຫຸ້ມເກາະລໍາລຽງ ພົນຮຸ້ນທີ 5, ມີການປັບປຸງຄຸນນະພາບທາງດ້ານ
ຫຸ້ມເກາະ,​ ມີທີມຂັບ 3 ຄົນ, Piranha V ສາ​ມາດ​ບັນ​ທຸກ​ພົນທະຫານໄດ້ 8 ຄົນ. ຍານ​ພາ​ຫະ​ນະ​ສາ​ມາດ​ປະ​ຕິ​ບັດ​ຫຼາຍ​ວຽກ​ງານ​ເຊັ່ນ​: ການ​
ຂົນ​ສົ່ງ​ທະ​ຫານ​, ການ​ສອດ​ແນມ​ ແລະ​ ການ​ສະ​ໜັບ​ສະ​ໜູນຄໍາ​ສັ່ງໂດຍໃຊ້ເຊື້ອໄຟເຄື່ອງຈັກກາຊວນ MTU 6V199 TE21 ທີ່ມີ ຄວາມຈຸ 577
ແຮງມ້າ, Piranha V ສາມາດແລ່ນໄດ້ອັດຕາສູງສຸດ 100 ກິໂລແມັດຕໍ່ຊົ່ວໂມງ ໃນໄລຍະທາງ 1.000 ກິໂລແມັດ. ພາຫະນະດັ່ງກ່າວ, ມີປ້ອມ
ປືນໃຫຍ່ອັດຕະໂນມັດ 30 ມມ ແລະ ລະບົບລູກສອນໄຟຕ້ານລົດຕັງ. ນອກຈາກນັ້ນ, ພາຫະນະນີ້ຍັງມີອາວຸດຂະໜາດນ້ອຍຕາມມາດຕະຖານ
STANAG 4569, ເພື່ອຕ້ານລູກປືນ 14.5 ມມ ທີ່ໂຈມຕີຈາກດ້ານຂ້າງ ແລະ 30 ມມ ຈາກດ້ານໜ້າ. ສໍາລັບ Skyranger 30 ແມ່ນລະ
ບົບປ້ອງກັນທາງອາກາດ (GBAD), ອອກແບບມາເພື່ອຕ້ານການໂຈມຕີທາງອາກາດ ແລະ ພາກພື້ນດິນ, ມີອຸປະກອນເພື່ອຍິງລູກສອນໄຟ ABM,
Skyranger 30 ໄດ້ປະສົມປະສານເຂົ້າກັບ ຣາດາ Spexer 2000M 3D MkIII, ສາມາດຕິດຕາມເປົ້າໝາຍໃນເວລາດຽວພ້ອມກັນ ເຖິງ
300 ເປົ້າຫມາຍໃນຂອບເຂດ 40 ກິໂລແມັດ. ລະ​ບົບ​ນີ້​ແມ່ນ​ໄດ້​ຮັບ​ການ​ຕິດ​ຕັ້ງ​ KCE 30 mm revolver ຄວາມ​ໄວ​ສູງ​ທີ່​ມີ​ປະ​ສິດ​ທິ​ພາບ​ສູງ​
ເຖິງ 3.000 ແມັດ. ດານມາກມີແຜນທີ່ຈະຊື້ລະບົບ Skyranger 30 ຈໍານວນ 15 ລໍາ ເພື່ອປະກອບເຂົ້າໃຫ້ກໍາລັງ, ລົດຫຸ້ມເກາະ Piranha V
ທີ່ນຳໃຊ້ໃນກອງທັບ. ນີ້​ສະ​ແດງ​ໃຫ້​ເຫັນ​ຄວາມ​ພະ​ຍາ​ຍາມ​ເພື່ອ​ເສີມ​ຂະ​ຫຍາຍ​ຄວາມ​ສາ​ມາດ​ປ້ອງ​ກັນ​ທາງ​ອາ​ກາດ​ຂອງ​ດານມາກ ເພື່ອ​ປະ​ເຊີນ​ໜ້າ
​ກັບ​ຄວາມ​ເຄັ່ງ​ຕຶງ​ໃນ​ພາກ​ພື້ນ.

ແຫຼ່ງທີ່ມາ: ຂກທ
ວັນທີ 09/09/2024