ຍົນບໍ່ມີຄົນຂັບ ແມ່ນອາວຸດທີ່ມີພະລັງອຳນາດ ທຳລາຍສຳຄັນຂອງຣັັດເຊຍ
ຍົນບໍ່ມີຄົນຂັບ (UAV) ໃນປັດຈຸບັນມີບົດບາດສຳຄັນໃນການເຄື່ອນໄຫວທາງທະຫານຂອງ ຣັດເຊຍ, ນັບແຕ່ການສອດແນມ, ເກັບກຳຂໍ້ມູນຕຳ
ແໜ່ງເປົ້າໝາຍ ແລະ ການໂຈມຕີທຳ ລາຍຝ່າຍກົງກັນຂ້າມ, ໂດຣນ ແມ່ນຕົວເລືອກອັນດັບໜຶ່ງໃນສະໜາມຮົບຍຸກໃໝ່. ຣັດເຊຍ ມີຊື່ສຽງເປັນປະ
ເທດ ທີ່ມີຂະແໜງການປ້ອງກັນປະເທດທີ່ພັດທະນາຢ່າງແຂງແຮງ ດ້ວຍອາວຸດທີ່ທັນສະໄໝ ແລະ ມີປະສິດທິຜົນ 1 ໃນ 5 ອັນດັບຕົ້ນຂອງໂລກ
(Top 5), ມີອາວຸດຫຼາກຫຼາຍຊະນິດທີ່ສຸດຂອງໂລກ. ອາວຸດຍຸດໂທທີ່ທັນສະໄໝທີ່ສຸດຂອງ ຣັດເຊຍ ໃນປັດຈຸບັນແມ່ນ, ຍົນບໍ່ມີຄົນຂັບທີ່ມີຫຼາຍ
ລຸ້ນ ເປັນຕົ້ນ Lancet, Geran-2 ແລະ Kub-BLA ແມ່ນ UAV ສະຫຼະຊີບ ໃຊ້ໃນກອງທັບຣັດເຊຍ ລ້ວນແຕ່ມີສິ່ງໜຶ່ງທີ່ຄືກັນ ແລະ ເປົ້າໝາຍ
ນຳໃຊ້ແຕກຕ່າງກັນ. Lancet UAV ປະຈຸບັນມີ 3 ລຸ້ນຄື: Lancet-3, Lancet-1 ແລະ Izdeliye-53. ໃນນັ້ນ, 2 ລຸ້ນທີ່ນິຍົມກັນຫຼາຍແມ່ນ
Lancet-3 ແລະ Lancet-1. Lancet-3 UAV ຍາວ 1,65 ແມັດ, ນ້ຳໜັກ 12 ກິໂລກຣາມ, ໃນນັ້ນມີ ຫົວຮົບມີນ້ຳໜັກ 3 ກິໂລກຣາມ, ເວ
ລາບິນສູງສຸດ 40 ນາທີ. ມໍເຕີໄຟຟ້າທີ່ຕິດຕັ້ງຢູ່ເທິງ Lancet ຊ່ວຍໃຫ້ອາວຸດນີ້ສາມາດບັນລຸຄວາມໄວໃນການບິນເຖິງ 110 ກິໂລແມັດຕໍ່ຊົ່ວໂມງ
ແລະ ໂຈມຕີໄວໄດ້ໃນໄລຍະ 300 ກິໂລແມັດຕໍ່ຊົ່ວໂມງ. ໂດຣນ ທຸກລຸ້ນແມ່ນອາວຸດສະເພາະນຳໃຊ້ ເພື່ອໂຈມຕີລົດຕັງ, ລົດຫຸ້ມເກາະ ແລະ ເປົ້າ
ໝາຍໃຫຍ່ສຳຄັນອື່ນໆ.
ໃນຂະນະດຽວກັນ, Geran-2 ແມ່ນ UAV ທີ່ອອກແບບໂດຍບໍລິສັດຣັດເຊຍ JSC Alabuga, ໂດຍອີງໃສ່ຕົວແບບໂດຣນ Shahed-136
ຂອງອີຣ່ານ. ເມື່ອປຽບທຽບກັບ Lancet UAV, Geran UAV ແມ່ນມີນ້ຳຫນັກເຖິງ 240 ກິໂລກຣາມ, ຍາວ 3,5 ແມັດ, ປີກຍາວ 2,5 ແມັດ,
Geran-2 ສາມາດແບກນ້ຳໜັກໄດ້ 52-90 ກິໂລກຣາມ. ເນື່ອງຈາກມັນບັນທຸກຫົວຮົບທີ່ໃຫຍ່ ແລະ ໜັກ, ສະນັ້ນພາລະກິດຂອງ Geran-2 ຈະ
ສຸມໃສ່ການທຳລາຍພື້ນຖານໂຄງລ່າງ ເຊັ່ນ: ໂຮງງານ ແລະ ຖານທີ່ຕັ້ງທັບຂອງສັດຕູ.
ແຫຼ່ງທີ່ມາ: ຂກທ
ວັນທີ 09/05/2025