ຣັດເຊຍ ຈະນໍາໂດຣນ ເຈຣານີ-2 ມາສະແດງໃນງານສວນສະໜາມວັນໄຊຊະນະ
ຕາມແຫຼ່ງຂ່າວທາສ (TASS) ຣັດເຊຍ ລາຍງານວ່າ: ໃນຫຼາຍປີຜ່ານມາ ຣັດເຊຍ ບໍ່ເຄີຍມີແຜນເປີດເຜີຍໂດຣນ ລຸ້ນ ເຈຣານີ-2
(Gerani-2) ສູ່ສາທາລະນະ. ນີ້ເປັນເທື່ອທຳອິດທີ່ຣັດເຊຍ ເປີດເຜີຍໂດຣນ Gerani-2 ທີ່ສາມາດຕິດຕັ້ງ ແລະ ປ່ອຍບິນຢູ່ເທິງລົດ
ບັນທຸກຂະໜາດກາງ KamAZ-6350 8x8 ອອກສູ່ສາທາລະນະໃນງານເດີນຂະບວນສວນສະໜາມ ສະຫຼອງວັນໄຊຊະນະ ເຊິ່ງຈະ
ຈັດຂຶ້ນໃນຕົ້ນເດືອນ ພຶດສະພາ ຂອງທຸກປີ.
ໂດຣນ ລຸ້ນ Gerani-2 ມີຄວາມຍາວຂອງລໍາໂຕປະມານ 3,5 ແມັດ, ຄວາມກວ້າງຂອງປີກ 2,5 ແມັດ, ສາມາດບັນທຸກຫົວ
ຮົບນິວເຄລຍ, ນ້ຳໜັກລວມ 50-90 ກິໂລກຣາມ, ການຜະ ລິດໃຊ້ງົບປະມານໜ້ອຍ, ນຳໃຊ້ງ່າຍແຕ່ຄຸນະພາບສູງ, ຄວາມໄວໃນ
ການບິນ 180 ກິໂລແມັດຕໍ່ຊົວໂມງໃນເວລາບິນປົກກະຕິ ແລະ ມີຄວາມສາມາດບິນໄດ້ໄວສູງສຸດເຖິງ 2000 ກິໂລແມັດ.
ໂດຣນ ລຸ້ນນີ້, ສາມາດບິນໄປເຖິງຈຸດໝາຍປາຍທາງທີ່ກຳນົດໄວ້ພ້ອມຕິດຕັ້ງຫົວຮົບຂີປະນາວຸດແບບ ເທີໂມບາຣິກ ທີ່ສາມາດ
ເພີ່ມຄວາມຮຸນແຮງໃນການທຳລາຍ ແລະ ດັບສຸນເປົ້າໝາຍໄດ້ຢ່າງສຳເລັດຜົນ.
ແຫຼ່ງທີ່ມາ: ຂກທ
ວັນທີ 06/05/2025