ອີຕາລີ ຈັດຊື້ຂີປະນາວຸດ Aster ພາຍໃຕ້ໂຄງການທີ່ນຳພາໂດຍ OCCAR
ອີງຕາມເວັບໄຊຂ່າວສານການທະຫານ ອຸດສາຫະກຳປ້ອງກັນຊາດ ເອີຣົບ ລາຍງານໃຫ້ຮູ້ວ່າ: ຂີປະນາວຸດ Aster ຊຸດທຳອິດໄດ້ຖືກ
ສົ່ງໃຫ້ອີຕາລີເປັນສ່ວນຫນຶ່ງຂອງສັນຍາສະໜັບສະໜູນ ແລະ ເພີ່ມປະສິດທິພາບ (S&E) ຂອງ FSAF-PAAMS ປະຕິບັດຕາມໂຄງ
ການເລັ່ງການຜະລິດຂອງ OCCAR-EA, ການຈັດສົ່ງມອບໃຫ້ຈັດຂື້ນຢູ່ສູນລູກປືນຂັ້ນສູງ (CIMA) ເຊິ່ງເປັນຂີດໝາຍອັນສຳຄັນສຳລັບ
ໂຄງການປ້ອງກັນຊາດຂອງຫຼາຍປະເທດ.
ການຈັດສົ່ງນີ້ສອດຄ່ອງຕາມກັບການສັນຍາແກ້ໄຂເພີ່ມຕື່ມສະບັບທີ 15 ຂອງສັນຍາ S&E ທີ່ລົງນາມໃນເດືອນກຸມພາ 2025 ໂດຍ
OCCAR-EA, EUROSAM ແລະ MBDA ເພື່ອຕອບສະໜອງຕໍ່ຄວາມຕ້ອງການອັນຮີບດ່ວນຈາກຝຣັ່ງ, ອີຕາລີ ແລະ ອັງກິດ. ໃນ
ເບື້ອງຕົ້ນຕາມແຜນວາງໄວ້ສຳລັບປີ 2026,ແຕ່ການຈັດສົ່ງໄດ້ຖືກເລື່ອນອອກໄປຍ້ອນກຳລັງການຜະລິດທີ່ເພີ່ມຂຶ້ນໃນໂຮງງານອຸດສາຫະກຳ
ຫຼາຍແຫ່ງ ໃນເອີຣົບ ການຈັດສົ່ງເຫຼົ່ານີ້ແມ່ນຜົນມາຈາກການເລັ່ງ ແລະເພີ່ມກຳລັງການຜະລິດທີ່ຮ້ອງຂໍ ເພື່ອຕອບສະໜອງຕາມຄວາມຕ້ອງ
ການຂອງຜູ້ເຂົ້າຮ່ວມຈາກສາມປະເທດ ທີ່ເນັ້ນໜັກເຖິງຄວາມສຳຄັນທາງຍຸດທະສາດ ຂອງຄວາມພະຍາຍາມນີ້ຈະເສີມຂະຫຍາຍຂີດຄວາມ
ສາມາດປ້ອງກັນໄພທາງອາກາດຂອງປະເທດ ທີ່ເຂົ້າຮ່ວມທຸກປະເທດທັງໃນຂົງເຂດທາງທະເລ ແລະ ພາກພື້ນດິນ.
ໂຄງການ OCCAR ຍັງກ່າວສະແດງຄວາມຂອບໃຈຕໍ່ ບັນດາປະເທດທີ່ເຂົ້າຮ່ວມໂຄງ ການສຳລັບການສືບຕໍ່ຮ່ວມມື ແລະ ຄວາມໄວ້
ວາງໃຈມາໂດຍຕະຫຼອດ ແລະ ຂອບໃຈບັນດາປະເທດຕ່າງໆ ສຳລັບການສືບຕໍ່ຄວາມໄວ້ວາງໃຈ ແລະ ການສະໜັບສະໜູນຢ່າງຕໍ່ເນື່ອງໃນການ
ບັນລຸເປົ້າໝາຍສຳຄັນຂອງໂຄງການນີ້.
ແຫຼ່ງທີ່ມາ: ຂກທ
ວັນທີ 05/08/2025