ຕວກກີ ເປີດໂຕລູກສອນໄຟ ໄຕຟັນ ບ໊ອກ 4 ຢ່າງເປັນທາງການ
ລູກສອນໄຟ ໄຕຟັນ ບ໊ອກ 4
ເວັບໄຊຂ່າວການທະຫານ ອຸດສາຫະກໍາປ້ອງກັນຊາດ ເອີຣົບ Defence Industry Europe ລາຍງານໃຫ້ຮູ້ວ່າ: ບໍລິສັດອຸດສາຫະກຳຕວກ
ກີ ໄດ້ເປີດໂຕລູກສອນໄຟຂີປະນາວຸດທີ່ມີຄວາມໄວສູງລູກທຳອິດຂອງຕົນ ໄຕຟັນ ບ໊ອກ 4 (Tayfun Block 4), ເມື່ອວັນທີ 23 ກໍລະກົດ ຜ່ານ
ມານີ້, ທີ່ງານສະແດງອຸດສາຫະກຳປ້ອງກັນຊາດສາກົນ (IDEF) 2025 ໃນນະຄອນ ອິສຕັນບູນ.
ການເປີດໂຕລູກສອນໄຟ Roketsan ລຸ້ນ Tayfun 4 ຄັ້ງນີ້, ໄດ້ເປັນຂີດໝາຍອັນສຳຄັນສຳລັບຄວາມສາມາດດ້ານປ້ອງກັນປະເທດ ທີ່ພັດທະ
ນາໂດຍບໍລິສັດອຸດສາຫະກຳປ້ອງກັນປະເທດຕວກກີ. ລູກສອນໄຟລຸ້ນນີ້ ມີໄລຍະຍິງ 800 ກິໂລແມັດ, ມີຄວາມໄວສູງ ແລະ ທັນສະໄໝ, ມີນ້ຳໜັກ
ຫຼາຍກວ່າ 7 ໂຕນ ພ້ອມດ້ວຍຫົວຮົບອະເນກປະສົງ, ມັນສາມາດທຳລາຍເປົ້າໝາຍຍຸດທະສາດໄດ້ຫຼາຍຢ່າງເຊັ່ນ: ລະບົບປ້ອງກັນໄພທາງອາກາດ, ສູນ
ຄວບຄຸມບັນຊາການ, ຫໍຄອຍທາງການທະຫານ ແລະ ສະຖານທີ່ສຳຄັນຕ່າງໆ. ເຊິ່ງອາວຸດລຸ້ນໃໝ່ນີ້ ແມ່ນໜຶ່ງໃນອາວຸດ ທີ່ນຳມາວາງໃນງານສະແດງ
ອຸດສາຫະກຳປ້ອງກັນປະເທດຊັ້ນນຳຂອງຕວກກີ, ສ້າງຄວາມດຶງດູດ ແລະ ຄວາມສົນໃຈຈາກທົ່ວໂລກຢ່າງຫຼວງຫຼາຍ, ງານວາງສະແດງດັ່ງກ່າວໄດ້ຈັດ
ຂື້ນເປັນເວລາ 6 ວັນ, ໂດຍມີບໍລິສັດປ້ອງກັນປະເທດຕວກກີ 900 ແຫ່ງ ແລະ 400 ກວ່າແຫ່ງທີ່ມາຈາກ 44 ປະເທດ ໃນບັນດາຜູ້ເຂົ້າຮ່ວມແມ່ນ
ບໍລິສັດສາກົນທີ່ສຳຄັນລວມທັງ BAE Systems, Rolls-Royce, Lockheed Martin ແລະ Airbus ລວມທັງບໍລິສັດຊັ້ນນຳດ້ານການປ້ອງ
ກັນປະເທດຕວກກີເຊັ່ນ Baykar, Turkish Aerospace Industries (TAI), Aselsan, Havelsan, FNSS, Otokar, MKE ແລະ
Roketsan.
ມີຄະນະຜູ້ແທນ ແລະ ບັນດາບໍລິສັດທີ່ມາຈາກສາກົນເຊັ່ນ: ຈີນ, ອາຟຣິກາໃຕ້, ອັງກິດ, ກາຕາ, ອາຣາບີ ຊາອຸດິດ, ອາແຊກໄບຊານ ແລະ ປາກ
ດິສະຖານ ຮ່ວມວາງສະແດງເຕັກໂນໂລຊີດ້ານປ້ອງກັນປະເທດ, ການບິນ ແລະ ອະວະກາດທີ່ກ້າວໜ້າ. ການທີ່ມີບັນດາປະເທດເຫຼົ່ານີ້ມາຮ່ວມວາງສະ
ແດງ ຖືເປັນເວທີຮ່ວມມືດ້ານການປ້ອງກັນປະເທດໃນທົ່ວໂລກ.
ແຫຼ່ງທີ່ມາ: ຂກທ
ວັນທີ 04/08/2025