ສະຫະພາບເອີຣົບສະເໜີມາດຕະການ ລົງໂທດຣັດເຊຍຮອບໃໝ່
ສຳນັກຂ່າວຊິນຮວາແຈ້ງໃຫ້ຮູ້ໃນວັນທີ 15 ກຸມພານີ້ວ່າ: ຄະນະກຳມະການເອີຣົບ ໄດ້ສະເໜີມາດຕະການລົງໂທດຣັດເຊຍຮອບທີ 15 ເຊິ່ງຈະເປັນການ
ປ້ອງກັນບໍ່ໃຫ້ຣັດເຊຍໄດ້ຮັບເຕັກໂນໂລຊີ ແລະ ຜະລິດຕະພັນທີ່ກ້າວໜ້າຈາກປະເທດອື່ນ ແລະ ລົງໂທດອີຣານທີ່ສະໜອງໂດຣນໃຫ້ແກ່ລັດເຊຍອີກ. ທ່ານ
ວອນເດີ ລີເຢ ປະທານຄະນະກຳມະການເອີຣົບ ໄດ້ອອກຖະແຫຼງການຜ່ານວິດີໂອໃນວັນດຽວກັນວ່າ: ມາດຕະການການລົງໂທດຄັ້ງໃໝ່ນີ້ ລວມມີການຫ້າມ
ສົ່ງອອກສິນຄ້າທາງອຸດສາຫະກຳໜັກໄປຍັງຣັດເຊຍ ເພື່ອສະກັດກັ້ນບໍ່ໃຫ້ຣັດເຊຍໄດ້ຮັບເຕັກໂນໂລຊີ ແລະ ຜະລິດຕະພັນອຸດສາຫະກຳທີ່ສຳຄັນຈາກຕ່າງ ປະເທດລວມທັງອຸປະກອນເອເລັກໂຕຼນິກ, ຍານພາຫະນະພິເສດ, ຊິ້ນສ່ວນເຄື່ອງຈັກ, ອາໄຫຼ່ລົດບັນທຸກ ແລະ ອື່ນໆ. ສະຫະພາບເອີຣົບໄດ້ສະເໜີໃຫ້
ມີການຄວບຄຸມການສົ່ງອອກເຄື່ອງເອເລັກໂຕຼນິກຕ່າງໆລວມ 47 ປະເພດ ທີ່ສາມາດນຳໃຊ້ເຂົ້າໃນລະບົບອາວຸດຂອງຣັດເຊຍ ແລະ ວັດສະດຸທີ່ຫາຍາກ
ບາງຊະນິດທີ່ກະຈາຍຄວາມຮ້ອນສູງ ເພື່ອສະກັດກັ້ນບໍ່ໃຫ້ຣັດເຊຍນຳໄປຜະລິດອາວຸດທຳລາຍລ້າງສູງໄດ້. ທັງນີ້, ຂໍ້ສະເໜີດັ່ງກ່າວຕ້ອງໄດ້ຮັບຄວາມເຫັນ
ດີເປັນເອກະພາບຈາກປະເທດສະມາ ຊິກຈຶ່ງມີຜົນສັກສິດ. ທ່ານ ວອນເດີ ລີເຢ ຮຽກຮ້ອງໃຫ້ບັນດາປະເທດສະມາຊິກຜ່ານບັນດາມາດຕະ ການລົງໂທດສະ
ບັບໃໝ່ໂດຍໄວ ເພື່ອສົມທົບກັບບັນດາຄູ່ຮ່ວມມື G7 ປະຕິບັດບັນດາມາດຕະການລົງ ໂທດຕໍ່ຣັດເຊຍ ກ່ອນວັນຄົບຮອບໜຶ່ງປີຂອງການປະທະກັນລະ
ຫວ່າງຣັດເຊຍ ແລະ ອູແກຣນ (ວັນທີ 24 ກຸມພາ).
ແຫຼ່ງທີ່ມາ: ໜັງສືພິມກອງທັບ
ວັນທີ 07/03/2023