ສະຫະລັດ ອາຣັບເອມີເຣດ ຊອກຫາລະບົບປ້ອງກັນທາງອາກາດລຸ້ນໃໝ່
ຕາມຂ່າວການທະຫານຕ່າງປະເທດລາຍງານວ່າ: ຕາມການເຈລະຈາເບື້ອງຕົ້ນລະຫວ່າງ ສະຫະລັດ ອາຣັບເອມີເຣດ (UAE) ແລະ ອິນເດຍ
ກ່ຽວກັບການຊື້ຂີປະນາວຸດ BrahMos supersonic ແລະ ເພື່ອການປ້ອງກັນທາງອາກາດ Akashteer ຖືວ່າເປັນໜຶ່ງໃນການພັດທະນາ
ການປ້ອງກັນຊາດທີ່ມີຄວາມສຳຄັນທາງຍຸດທະສາດທີ່ສຸດໃນຕາເວັນອອກກາງ.
ລາຍງານວ່າທັງສອງຝ່າຍກຳລັງເລັ່ງການສົນທະນາເບື້ອງຕົ້ນກ່ຽວກັບການຖ່າຍໂອນຂີປະນາວຸດ BrahMos ແລະ ລະບົບ Akashteer
ທີ່ປະສົມປະສານກັບເຕັກໂນໂລຊີ (AI). ການເຈລະຈາຊີ້ໃຫ້ເຫັນວ່າ UAEກຳລັງເລັ່ງຄວາມພະຍາຍາມເພື່ອເສີມສ້າງຄວາມສາມາດໃນການ
ປ້ອງກັນປະເທດຂອງຕົນຫຼັງຈາກການໂຈມຕີຂີປະນາວຸດ ແລະ ໂດຣນ ຂອງການຂັດແຍ້ງໃນຕາເວັນອອກກາງ, ພ້ອມທັງເສີມຂະຫຍາຍຄວາມ
ສາມາດໃນການປົກປ້ອງຊ່ອງແຄບ Hormuz ຊື່ງແມ່ນເສັ້ນທາງຂົນສົ່ງທີ່ສຳຄັນສຳລັບການສົ່ງອອກພະລັງງານຂອງປະເທດ. ເມື່ອປະເຊີນກັບ
ໄພຂົ່ມຂູ່ດ້ານຄວາມປອດໄພທີ່ສັບສົນເພີ່ມຂຶ້ນໃນພາກພື້ນ, ສະຫະລັດ ອາຣັບເອມີເຣດ ກຳລັງຊອກຫາວິທີສ້າງລະບົບຕໍ່ສູ້ຫຼາຍຊັ້ນເພື່ອເສີມຂະ
ຫຍາຍຄວາມສາມາດໃນການປ້ອງກັນ ແລະ ຖ້າໄດ້ຮັບ BrahMos ຄວາມສາມາດໃນການໂຈມຕີທີ່ມີຄວາມແມ່ນຍຳ ດ້ວຍຄວາມໄວຕັ້ງແຕ່
( 35,000-42,000 ກິໂລແມັດຕໍຊົ່ວໂມງ) ສາມາດສ້າງຄວາມຫຍຸ້ງຍາກຢ່າງຫຼວງຫຼາຍຕໍ່ລະບົບປ້ອງກັນໄພທາງອາກາດໃນການກວດຈັບທີ່
ສະກັດກັ້ນມັນ, ລວມທັງລະບົບປ້ອງກັນທາງອາກາດທີ່ທັນສະໄໝທີ່ມີ radar AESA (active electronically scanned array).
ໃນຂະນະດຽວກັນ, ລະບົບ Akashteer ສະເໜີຄຸນຄ່າທາງຍຸດທະສາດທີ່ແຕກຕ່າງກັນລະບົບນີ້ລວມເອົາ radar, ເຊັນເຊີ, ສື່ສານ, ການ
ຕໍ່ສູ້ທີ່ອີງໃສ່ AI . ການລວມກັນຂອງ BrahMos ແລະ AESA ສາມາດຊ່ວຍໃຫ້ UAE ສ້າງລະບົບການຕໍ່ສູ້ແບບປະສົມປະສານທີ່ມີຄວາມ
ສາມາດໃນການປະຕິບັດ
ງານປ້ອງກັນທີ່ມີປະສິດທິພາບຕໍ່ກັບໄພຂົ່ມຂູ່, ຜູ້ຊ່ຽວຊານອາວຸໂສທີ່ໂຄງການໂອນອາວຸດຂອງສະຖາບັນຄົ້ນຄວ້າສັນຕິ
ພາບສາກົນ Stockholm (SIPRI), ເຊື່ອວ່າທັງ BrahMos ແລະ Akashteer ຈະຕອບສະໜອງຄວາມຕ້ອງການດ້ານການປ້ອງກັນປະ
ເທດຂອງ UAE ໄດ້ຢ່າງພຽງພໍ, ສຳລັບ ອີນເດຍ, ຖ້າຂໍ້ຕົກລົງກັບ ສະຫະລັດ ອາຣັບເອມີເຣດ ປະສົບຜົນສຳເລັດ, ແມ່ນຈະເປັນຄວາມກ້າວໜ້າ
ທາງຍຸດທະສາດ, ຊ່ວຍໃຫ້ ອິນເດຍ ສາມາດເຈາະເຂົ້າໄປໃນຕະຫຼາດປ້ອງກັນປະເທດອ່າວເປີເຊຍ ໄດ້ເລິກເຊິ່ງກວ່າເກົ່າແລະ ເສີມສ້າງຖານະ
ຂອງຕົນໃນຖານະຜູ້ສົ່ງອອກອາວຸດເຕັກໂນໂລຢີສູງທີ່ໜ້າເຊື່ອຖື, ການເຄື່ອນໄຫວນີ້ສະທ້ອນໃຫ້ເຫັນເຖິງແນວໂນ້ມທີ່ກວ້າງຂວາງໃນພາກພື້ນ
ອ່າວເປີເຊຍ, ບ່ອນທີ່ຫຼາຍປະເທດກຳລັງເສີມສ້າງການຮ່ວມມືດ້ານປ້ອງກັນປະເທດກັບຫຼາຍຄູ່ຮ່ວມງານເພື່ອເສີມຂະຫຍາຍຄວາມເປັນເອກະລາດ
ທາງຍຸດທະສາດ, ແທນທີ່ຈະອີງໃສ່ຜູ້ສະໜອງຂອງຕາເວັນຕົກເປັນຫຼັກ.
ແຫຼ່ງທີ່ມາ: ຂກທ
ວັນທີ 31/08/2026