ຍົນບິນ​ຖິ້ມ​ລະເບີດ ເບ-2 ສະ​ປີ​ຣິດ ສາງ​ອາວຸດ​ເຄື່ອນ​ທີ່

​

     ຍົນບິນ​ຖີ້ມ​ລະເບີດ​ທາງ​ຍຸດ​ທະ​ສາດ ເບ-2 ສະ​ປີ​ຣິດ (B-2 Spirit) ລົງ​ຈອດ​ໃນ​ຖານ​ທັບ​ອາກາດ ເນ​​ລ​ລິ​​ສ (Nellis Air Force Base)
ໃນ​ອາທິດ​ຜ່ານ​ມາ, ເພື່ອ​ເຂົ້າ​ຮ່ວມ​ການ​ເຝິກຊ້ອມ​ໃນ​ຊື່ ທຸງ​ແດງ (Red Flag) ເຊິ່ງ​ເປັນ​ການ​ເຝິກຊ້ອມ​ໃນ​ສະພາບ​ແວດ​ລ້ອມ​ຕົວ​ຈິງ ເຊິ່ງຍົນ
ບິນ​ຖິ້ມ​ລະເບີດ​ເບ-2 ລຸ້ນ​ຫຼົບ​ຫຼີກ​ຣາ​ດາ (Stealth Bomber) ຂອງ​ກອງທັບ​ສະຫະລັດ ເປັນ​ສ່ວນ​ປະກອບທີ່​ສຳຄັນ​ຂອງ​ຄັງສາງ​ອາວຸດ​ໂຈມ​ຕີ​
ເຄື່ອນທີ່ໄລຍະ​ໄກ​ຂອງ​ຊາດ ແລະ ເປັນ​ຍົນບິນ​ທີ່​ອາດ​ຕັດສິນ​ຄວາມ​ຢູ່​ລອດ​​ລຳ​ໜື່ງ​ຂອງ​ປະເທດ.

     ສະມັດ​ຕະ​ພາບ​ທີ່ ຫຼົບ​ຫຼີກ​ຣາດາ (Stealth) ເປັນເອກະລັກສະເພາະ, ເຮັດ​ໃຫ້​ຍົນບິນ​ລຸ້ນ​ນີ້ ສາມາດ​ເຈະ​ທະລວງແນວ​ ປ້ອງ​ກັນ​ທີ່​ແໜ້ນ
ໜາຂອງຝ່າຍ​ກົງກັນຂ້າມ​ໄດ້, ເນື່ອງ​ຈາກ ເບ-2 ສະ​ປີ​ຣິດ ໄດ້ຮັບ​ການອອກ​ແບບ​ໃນ​ໄລຍະ​ສົງຄາມ​ເຢັນ ເພື່ອ​ເປັນ​ຍົນບິນ​ຖິ້ມ​ລະເບີດ​ທາງ​ຍຸດ​ທະ
​ສາດທີ່​ກວດ​ຈັບ​ໄດ້​ຍາກ ຫຼື ສາມາດ​ເຊື່ອງ​ໂຕ​ເອງລຳ​ທຳ​ອິດ​ຂອງ​ໂລກ. ຜູ້​ຜະລິດ ຍົນບິນ​ຖິ້ມ​ລະເບີດ B-2 Spirit ແມ່ນ: ບໍລິສັດ ນອດ​ທຣອບ
ກຣຳ​ແມນ ຢູ່​ໃນ ອາ​ເມ​ຣິ​ກາ. ເຮືອບິນ​ໃຊ້​ເຄື່ອງ​ຈັກ 4 ໜ່ວຍ (General Electric F118-GE-100). ສາມາດ​ບັນ ທຸກ​ນໍ້າໜັກ​ໄດ້ເກືອບ 20
ໂຕນ​, ​ບິນ​ໄດ້​ໄວ ແລະ ​ໄກ​ປະມານ 11.000 ກວ່າ​ກິໂລແມັດ. ເພດານ​ບິນ ປະມານ 15.240 ແມັດ, ໃຊ້​ນັກ​ບິນ 2 ຄົນ. ສາມາດ​ບັນທຸກ​ອາວຸດ​
ທົ່ວ​ໄປ ແລະ ອາວຸດ​ນິວ​ເຄລຍ ໄດ້ເຊັ່ນ: ອາວຸດ​ນິວ​ເຄລຍ ໄດ້ແກ່: ລະເບີດ B61-7, B61-12, B83 ຈຳ ນວນ 16 ລູກ ຫຼື ລະເບີດ B61-11 ຈຳ
ນວນ 8 ລູກ.

     ດ້ານ​ອາວຸດ​ທົ່ວ​ໄປ: ທຸ່ນ​ລະເບີດ​ທາງ​ທະເລ Mk 62 ຈຳນວນ 80 ລູກ (ປະມານ 220 ກິ​ໂລກ​ຣາມ) ລະເບີດ Mk 82 ຈຳນວນ 80 ລູກ
(ປະມານ 220 ກິ​ໂລກ​ຣາມ), JDAM ຈຳນວນ 80 ລູກ ຫຼື ອາວຸດ CBU-87/89 ຈຳນວນ 34 ລູກ ຫຼື JDAM GBU-31 ຈຳນວນ 16 ລູກ,
ລະເບີດ Mk 84 ຈຳນວນ 16 ລູກ (ປະມານ 950 ກິ​ໂລກ ​ຣາມ), AGM-154 JSOW ຈຳນວນ 16 ລູກ, AGM-158 JASSM ຈຳນວນ 16
ລູກ ຫຼື GBU-28 LGB ຈຳນວນ 8 ລູກ.

ແຫຼ່ງທີ່ມາ: ຂກທ
ວັນທີ 27/02/2025