ແອັດສະໂຕນີ ເປີດຕົວລົດສູ້ຮົບຕີນຢາງລຸ້ນໃໝ່
ໃນງານວາງສະແດງອາວຸດການສາກົນ IDEX 2025 ທີ່ຈັດຂຶ້ນຢູ່ ນະຄອນຫຼວງອາບູ ດາບີ ປະເທດ ສະຫະລັດ ອາຣັບ ເອມີເຣດ
(UAE), ບໍລິສັດ ຫຸ່ນຍົນ ມິລເຣມ ແອັດສະໂຕນີ (Estonian Milrem Robotics) ໄດ້ນຳສະເຫນີລົດສູ້ຮົບຕີນຢາງ ທີ່ໃສ່ຊື່ວ່າ, ຮາ
ວັອກ (Havoc).
ອີງຕາມຂໍ້ມູນຜູ້ຜະລິດເປີດເຜີຍ, ລົດ Havoc ສາມາດປະຕິ ບັດງານໄດ້ຢ່າງກວ້າງຂວາງ ແລະ ເຄື່ອນໄຫວໄປມາດ້ວຍຄວາມງຽບ,
ມີລະບົບປ້ອງກັນທີ່ສຳຄັນໃນການສູ້ຮົບຢູ່ໃນສະໜາມຮົບ. ໜ້າທີ່ສຳຄັນຂອງລົດລຸ້ນນີ້ ແມ່ນເພື່ອໜູນຊ່ວຍເປັນກຳລັງສະໜັບສະໜູນໃຫ້
ບັນດາລົດຫູ້ມເກາະ ແລະ ລົດຕັງ. ບໍລິສັດ ບໍ່ໄດ້ເປີດເຜີຍລາຍລະອຽດທັງໝົດ ວ່າ, ລົດຄັນນີ້ ນອກຈາກມີປືນກົນ ຂະໜາດ 30 ມມ ແລະ
ລູກສອນໄຟນຳວິຖີ ທີ່ຕິດຕັ້ງມາກັບລົດແລ້ວ ຍັງມີອາວຸດປະເພດໃດແດ່.
ສິ່ງທີ່ບໍລິສັດຢັ້ງຢືນແມ່ນ: ລົດສາມາດເດີນທາງດ້ວຍຄວາມໄວສູງເຖິງ 110 ກິໂລແມັດຕໍ່ຊົ່ວໂມງ ໃນເສັ້ນ ທາງປູຢາງ, 55 ກິໂລແມັດ
ຕໍ່ຊົ່ວໂມງ ໃນສະພາບທາງທີ່ຫຍຸ້ງຍາກ, ສາມາດແລ່ນໄດ້ໄກ 600 ກິໂລແມັດ ແລະ ລົດມີນ້ຳຫນັກປະມານ 15 ໂຕນ.
ແຫຼ່ງທີ່ມາ: ຂກທ
ວັນທີ 26/02/2025