ຣັດເຊຍ ສຳເລັດການທົດລອງລູກສອນໄຟຕໍ່ຕ້ານລົດຕັງ
ອົງການອອກແບບລູກສອນໄຟຂີປະນາວຸດ 9M134 ເຊິ່ງເປັນຂີປະນາວຸດ (ATGM) ຊະນິດໃໝ່ທີ່ຜະລິດມາ ເພື່ອໂຈມຕີລົດຫຸ້ມເກາະຂະ
ໜາດກາງ. ລູນສອນໄຟ 9M134 ມີນ້ຳ ໜັກເບົາກວ່າຂີປະນາວຸດ Kornet 4 ເທົ່າ, ເຮັດໃຫ້ມັນມີປະສິດ ທິພາບກວ່າ ສຳລັບເປົ້າໝາຍ ເຊັ່ນ: ພາ
ຫະນະສູ້ຮົບຂອງກອງທັບບົກ (IFVs) ແລະ ລົດບັນທຸກທະຫານ (APC). ລູກສອນໄຟຮຸ້ນນີ້, ມີຫົວຮົບສອງຫົວ, ມີຄວາມສາມາດເຈາະລົດຫຸ້ມ
ເກາະໄດ້, ມີການນຳທິດດ້ວຍເລເຊີ, ເຮັດໃຫ້ລູກສອນໄຟທຳລາຍເປົ້າຫມາຍໃນໄລຍະ 3,5 ກິໂລແມັດໄດ້ເປັນຢ່າງດີ. ເຖິງແມ່ນວ່າມີນ້ຳຫນັກເບົາ
ກວ່າ Kornet ແຕ່ 9M134 ຍັງສາມາດປະສົມປະສານເຂົ້າກັນກັບລະບົບລູກສອນໄຟຕໍ່ຕ້ານລົດຕັງ Kornet ທີ່ມີຢູ່ແລ້ວ ເພື່ອເພີ່ມທະວີຄວາມ
ເຂັ້ມແຂງໃນສະຫນາມຮົບ. Kornet ຫຼື 9M133, ແມ່ນໜຶ່ງໃນອາວຸດຕ້ານລົດຕັງຫຼັກຂອງກອງທັບຣັດເຊຍ ນັບຕັ້ງແຕ່ເລີ່ມເປີດຕົວໃນປີ 1990;
ລູກສອນໄຟຮຸ້ນນີ້, ຖືກອອກແບບມາ ເພື່ອທຳລາຍເປົ້າໝາຍຫຸ້ມເກາະທີ່ຫຼາກຫຼາຍ ລວມທັງລົດຕັງທັນສະໄໝ ແລະ ເຮລີກົບແຕທີ່ບິນຕ່ຳ. Kornet
ສາມາດຕິດຕັ້ງໃສ່ພາຫະນະສູ້ຮົບ ແລະ ເຮລີກົບແຕ, ສະໜອງຄວາມສາມາດໃນການສູ້ຮົບ; ລະບົບການນຳທາງຂອງ Kornet ໃຊ້ການນຳທາງແບບ
ເຄິ່ງການເຄື່ອນໄຫວ (SACLOS), ໃນນັ້ນ, ມືປືນເລເຊີ ທີ່ສ່ອງໃສ່ເປົ້າໝາຍທີ່ນຳພາລູກສອນໄຟໄປຫາຈຸດທີ່ກຳນົດໂດຍກົງ. ນອກນັ້ນ, ບາງຮຸ້ນຂອງ
ລູກສອນໄຟ Kornet ມີໄລຍະບິນໄດ້ 5,5 ກິໂລແມັດ ໃນເວລາກາງເວັນ ແລະ 3,5 ກິໂລແມັດ ໃນຕອນກາງຄືນ ແລະ ຮຸ້ນທີ່ທັນສະໄໝແມ່ນໄກ
ເຖິງ 10 ກິໂລແມັດ ດ້ວຍຄວາມໄວການບິນ 250-300 ແມັດຕໍ່ວິນາທີ ແລະຫົວຮົບຄູ່ສາມາດເຈາະຫຸ້ມເກາະ homogeneous (RHA) ທີ່ມີ
ຄວາມຫນາເຖິງ 1.200 ມມ; ສາມາດທໍາລາຍລົດຕັງ ທີ່ແຂງແກ່ນທີ່ສຸດໄດ້. ການທົດລອງລູກສອນໄຟຂີປະນາວຸດ 9M134 ໄດ້ຮັບຜົນສຳເລັດຕາມ
ແຜນການ ເຊິ່ງເປັນຂີດໝາຍອັນສຳຄັນຂອງຣັດເຊຍ ໃນການຜະລິດລູກສອນໄຟຕໍ່ຕ້ານລົດຕັງ. ເນື່ອງຈາກເປັນອາວຸດທີ່ມີຄວາມໄວສູງ, ພະລັງແຮງ
ເຈາະຫຸ້ມເກາະໄດ້ເລິກ ແລະ ກວ້າງ ເຊິ່ງເປັນອາວຸດທີ່ມີພະລັງທໍາລາຍໃນສະໜາມຮົບ, ໂດຍສະເພາະແມ່ນການຮັບມືກັບລົດຫຸ້ມເກາະຂະໜາດກາງ
ຂອງສັດຕູ.
ແຫຼ່ງທີ່ມາ: ຂກທ
ວັນທີ 18/09/2024