ກອງທັບບົກໂປໂລຍ ໄດ້ຮັບຍານເກາະຕໍ່ສູ້ທະຫານຮາບ Borsuk ຊຸດທຳອິດ
ຍານເກາະຕໍ່ສູ້ທະຫານຮາບ Infantry Fighting Vehicle (IFV) ລຸ້ນ Borsuk
ຕາມຂ່າວການທະຫານ Defence Industry Europe: ໂປໂລຍໄດ້ມອບ-ຮັບຍານເກາະຕໍ່ສູ້ທະຫານຮາບ Infantry Fighting
Vehicle (IFV) ລຸ້ນ Borsuk ຊຸດທຳອິດທີ່ຜະລິດເອງພາຍໃນປະເທດໃຫ້ກັບກອງທັບບົກ ໂດຍມີການມອບຮັບຈຳນວນ 15 ຄັນທຳອິດ
ໃຫ້ກັບກອງພົນນ້ອຍຍານເກາະທີ 15.
ທ່ານ ປາເວວ ເບຈາ ລັດຖະມົນຕີກະຊວງປ້ອງກັນປະເທດໂປໂລຍ, ຜູ້ຮັບຜິດຊອບດ້ານການປັບປຸງຄວາມທັນສະໄໝຂອງກອງທັບ
ກ່າວວ່າ: ການມອບ-ຮັບເປັນສ່ວນໜຶ່ງຂອງສັນຍາທີ່ລົງນາມໃນຕົ້ນປີ 2025 ສຳລັບການຜະລິດ Borsuk ຈຳນວນທັງໝົດ 106 ຄັນ, ເຊິ່ງ
ຂໍ້ຕົກລົງດັ່ງກ່າວລວມມີການເຝິກອົບຮົມ ແລະ ການສະໜັບສະໜູນດ້ານການຂົນສົ່ງກຳລັງບຳລຸງ, ການສົ່ງມອບແມ່ນກຳນົດໃຫ້ເພີ່ມອີກ 3
ຄັນ ໃນປີ 2026, 33 ຄັນໃນປີ 2027 ແລະ 55 ຄັນໃນປີ2028. ທ່ານ ປາເວວ ເບຈາ ກ່າວອີກວ່າ: Borsuk ເປັນຍານເກາະຕໍ່ສູ້ທະ
ຫານຮາບສະເທືອນນໍ້າສະເທືອນບົກທີ່ທັນສະໄໝ ອອກແບບມາເພື່ອຂົນສົ່ງ ແລະ ປ້ອງກັນທະຫານຈາກການດັກ ສະກັດຍິງດ້ວຍອາວຸດຂະ
ໜາດນ້ອຍ, ລະເບີດຕໍ່ຕ້ານລົດຕັງ ແລະ ລະເບີດມືເປັນຕົ້ນ. ຍານເກາະລຸ້ນນີ້ໄດ້ຕິດຕັ້ງປືນໃຫຍ່ Mk 44S Bushmaster ຂະໜາດ 30
ມມ, ມີທໍ່ຍິງອາວຸດນຳທາງຕໍ່ຕ້ານລົດຕັງ Spike ແບບສອງນັດ, ປືນກົນ UKM-2000C ຂະໜາດ 7,62 ມມ, ທັງໝົດຕິດຕັ້ງຢູ່ໃນລະບົບ
ປ້ອມປືນ ZSSW-30 ທີ່ຄວບຄຸມການຍິງຈາກໄລຍະໄກ.
ນອກນັ້ນ, Borsuk ມີຄວາມຄ່ອງໂຕທາງດ້ານຍຸດທະວິທີສູງ, ມີພະລັງແຮງໃນການຍິງສູງ, ມີລະບົບປ້ອງກັນກະສຸນ ແລະ ລະເບີດແຮງ
ສູງອີກດ້ວຍ. ການມອບ-ຮັບ Borsuk IFV ຖືເປັນບາດກ້າວທີ່ສຳຄັນຂອງໂປໂລຍໃນການທົດແທນທີ່ອາວຸດຍຸດໂທປະກອນໃນຍຸກອະດີດສະ
ຫະພາບໂຊວຽດ, ດ້ວຍລະບົບທີ່ພັດທະນາໃນປະເທດເຊິ່ງເປັນການສະໜັບສະໜູນການເຕີບໃຫຍ່ຂອງອຸດສະຫະກຳປ້ອງກັນຊາດ ແລະ ຊ່ວຍ
ເພີ່ມບົດບາດຂອງໂປໂລຍໃນຕະຫຼາດປ້ອງກັນຊາດລະດັບໂລກອີກດ້ວຍ.
ແຫຼ່ງທີ່ມາ: ຂກທ
ວັນທີ 17/12/2025