ເອຢິບ ສັ່ງຊື້ລະບົບປ້ອງກັນໄພທາງອາກາດຈາກ ຈີນ ທ່າມກາງຄວາມເຄັ່ງຕຶງ ໃນພູມີພາກ
ສຳນັກຂ່າວ ຊິນຮວາ ຂອງ ຈີນ ໄດ້ເປີດເຜີຍຂ່າວໃຫ້ຮູ້ວ່າ: ເອຢິບ ກຳລັງຈັດຫາຊື້ລະບົບປ້ອງກັນໄພທາງອາກາດໄລຍະໄກ ລຸ້ນ HQ-9B
ຈາກ ຈີນ ມາປະຈຳການໃນກອງທັບ ເພື່ອເພີ່ມກຳລັງແຮງຄຽງຄູ່ກັບລະບົບ S-400 ທີ່ຊື້ມາຈາກ ຣັດເຊຍ ເພື່ອເຮັດໃຫ້ກອງທັບ ຂອງຕົນກາຍ
ເປັນກອງທັບທີ່ທັນສະໄໝໃນຍຸກປັດຈຸບັນ. ລະບົບປ້ອງກັນໄພທາງອາກາດໄລຍະໄກ HQ-9B ແມ່ນລະບົບລູກສອນໄຟຂີປະນາວຸດ ປ້ອງກັນ
ໄລຍະໄກຈາກໜ້າດິນສູ່ອາກາດທີ່ໄດ້ຮັບການພັດທະນາໂດຍ ບໍລິສັດວິທະຍາສາດການບິນ ແລະ ອຸດສາຫະກຳອະວະກາດຂອງ ຈີນ, ເຊິ່ງຖືກ
ອອກແບບມາ ເພື່ອຕ້ານການສູ້ຮົບ, ຕ້ານລູກສອນໄຟຈາກເຮືອ ແລະ ລູກສອນໄຟຂີປະນາວຸດໄລຍະສັ້ນ. ລະບົບນີ້, ມີໄລຍະການປະຕິບັດການ
ໄດ້ເຖິງ 200 ກິໂລ ແມັດ ແລະ ເພດານການຄວບຄຸມ ເຖິງ 27 ກິໂລແມັດ, ຕອບສະໜອງການປ້ອງກັນໄພທາງອາ ກາດທີ່ເຂັ້ມແຂງຕໍ່ກັບໄພ
ຂົ່ມຂູ່ທີ່ທັນສະໄໝ. ເນື່ອງຈາກລຸ້ນນີ້ ມີລະບົບຣາດາທີ່ໄດ້ຮັບການພັດທະນາຈາກລະບົບ HT233 ເປັນພື້ນຖານ, ໂດຍໃຊ້ເຕັກໂນໂລຊີ ແບບອາ
ເຣ ສະແກນເອເລັກໂຕຣນິກແອັກທິບ (AESA), ເຮັດໃຫ້ມັນສາມາດກວດຫາເປົ້າໝາຍທີ່ກຳລັງເຄື່ອນທີ່ເຊັ່ນ: ຍົນສູ້ຮົບ, ຍົນສອດແນມໄລຍະ
ໄກ. ລະບົບຣາດາ ຍັງຮອງຮັບໃຫ້ HQ-9B ເຮັດວຽກຫຼາຍໜ້າທີ່ພ້ອມໆກັນ.
ດ້ານລູກສອນໄຟແຕ່ລະລູກ ຍັງສາມາດຕິດຫົວຮົບນິວເຄລຍໄດ້ເຖິງ 8 ລູກ, ເພີ່ມຄວາມສາມາດຂອງລູກສອນໄຟໃນການທໍາລາຍເປົ້າໝາຍ
ເປັນສອງເທົ່າ. ຂ່າວຍັງໄດ້ໃຫ້ຂໍ້ມູນຕື່ມອີກວ່າ: ນອກຈາກລຸ້ນ HQ-9B ທີ່ສົ່ງໃຫ້ ເອຢິບ ເມື່ອບໍ່ດົນມານີ້ ແລ້ວ, ກ່ອນໜ້ານັ້ນ ຈີນ ຍັງໄດ້ສົ່ງອອກ
ລະບົບປ້ອງກັນໄພທາງອາກາດ ລຸ້ນ HQ-9Bs ໄປຍັງປະເທດຕ່າງໆ ເຊັ່ນ: ຕວກເມນິດສະຖານ, ອຸດສະເບກິດສະຖານ ແລະ ປາກິດສະຖານ
ລວມ ທັງປະເທດ ມາຣົກ.
ແຫຼ່ງທີ່ມາ: ຂກທ
ວັນທີ 17/07/2025