ຝຣັ່ງ ເລີ່ມຕົ້ນພັດທະນາເຮືອບິນຂັບໄລ່ Rafale F5
ທ່ານ ເຊບຣາຕິນ ເລຄໍນູ ລັດຖະມົນຕີກະຊວງປ້ອງກັນປະເທດ ໄດ້ອອກມາເປີດເຜີຍ ໃນວັນທີ 8 ຕຸລາ ທີ່ຜ່ານມາວ່າ: ທາງກອງ
ທັບຝຣັ່ງ ໄດ້ເລີ່ມຕົ້ນແຜນການພັດທະນາເຮືອບິນຂັບໄລ່ລຸ້ນ Rafale F5 ມາດຕະຖານໃໝ່ ເພື່ອເປັນການເພີ່ມສັກກະຍະພາບໃນການ
ຕ້ານຝ່າຍກົງກັນຂ້າມ ໃນເວລາປະຕິບັດການພາກສະໜາມ, ໂດຍຈະມີການຕິດຕັ້ງອາວຸດປ່ອຍນຳວິຖີອາກາດສູ່ພື້ນທີ່ຕິດຫົວຮົບນິວເຄລຍ
ລຸ້ນ ASN4G ພ້ອມທັງຈະປັບປຸງລະບົບຕ່າງໆ ອີກຫຼາຍຢ່າງ.
ທ່ານ ເຊບຣາຕິນ ເລຄໍນູ ໄດ້ກ່າວອີກວ່າ: ສຳລັບການພັດທະນາເຮືອບິນຂັບໄລ່ລຸ້ນ Rafale F5 ຕາມແຜນແມ່ນຈະໃຫ້ສຳເລັດ ແລະ
ນຳເຂົ້າປະຈຳການໃນຝູງບິນຕ່າງໆໃນກອງທັບຝຣັ່ງພາຍໃນປີ 2030. ການພັດທະນາຄັ້ງນີ້ຈະເຮັດໃຫ້ເຮືອບິນລຸ້ນດັ່ງກ່າວ ສາມາດຕໍ່ສູ້ກັບ
ເຮືອບິນຂັບໄລ່ໄດ້ດີຂຶ້ນ, ພ້ອມທັງສາມາດຫຼົບຫຼີກການກວດຈັບຈາກສັນຍານຣາດາຂອງຝ່າຍກົງກັນຂ້າມໄດ້ເປັນຢ່າງດີ.
ດ້ານສຳນັກຂ່າວເຈນໄດ້ລາຍງານກ່ອນໜ້ານີ້ວ່າ, ເຮືອບິນຂັບໄລ່ Rafale F5 ຕາມມາດຕະຖານໃໝ່ຈະສາມາດເພີ່ມສະມັດຖະພາບ
ຈາກເດີມຂຶ້ນເປັນຫຼາຍເທົ່າຕົວ, ພ້ອມທັງຈະມີການຕິດຕັ້ງອາວຸດທີ່ຫຼາກຫຼາຍຊະນິດ, ຕິດຕັ້ງລະບົບຣາດາກວດຈັບເປົ້າໝາຍຕ່າງໆ, ຕິດຕັ້ງ
ລະບົບປັນຍາປະດິດ ແລະ ລະບົບຄວາມໄວກວ່າສຽງເພີ່ມເຕີມ.
ແຫຼ່ງທີ່ມາ: ຂກທ
ວັນທີ 16/10/2024