ກອງທັບເຮືອອາເມຣິກາ ຈັດຊື້ລົດຫຸ້ມເກາະ ສະເທືອນນ້ຳ ສະເທືອນບົກ ເພີ່ມ 31 ຄັນ
ລົດຫຸ້ມເກາະ ACV-30
ຕາມເວັບໄຊຂ່າວການທະຫານອຸດສາຫະກຳປ້ອງກັນຊາດເອີຣົບ ລາຍງານໃຫ້ຮູ້ວ່າ: ກອງທັບເຮືອອາເມຣິກາ ກຳລັງເດີນໜ້າຈັດຊື້ຍານ
ພາຫະນະຕໍ່ສູ້ສະເທືອນນ້ຳສະເທຶອນບົກ ລຸ້ນ ACV-30 ເຕັມຮູບແບບ, ໂດຍສັນຍາມີມູນຄ່າປະມານ 300 ລ້ານໂດລາ ກັບບໍລິສັດ BAE
Systems ແລະ Kongsberg Defense & Aerospace.
ອີງຕາມປະກາດ ເມື່ອບໍ່ດົນມານີ້, ກອງທັບເຮືອອາເມຣິກາ ໄດ້ຈັດຊື້ລົດຫຸ້ມເກາະ ACV-30 ຈຳນວນ 31 ຄັນ ຈາກບໍລິສັດ BAE
Systems ແລະ ປືນໃຫຍ່ຍິງໄລຍະໄກ ຈຳນວນ 101 ລະບົບຈາກບໍລິສັດ Kongsberg, ໂດຍທັງສອງລະບົບນີ້ຈະຖືກນຳໃຊ້ປະ ສົມປະ
ສານຄູ່ກັບລົດຫຸ້ມເກາະ ACV-30. ບໍລິສັດ BAE Systems Land & Armaments LP ມີສຳນັກງານໃຫຍ່ຢູ່ໃນເມືອງ ສະເຕີ ລິງ
ໄຮ, ລັດມິຊິເກນ ໄດ້ຮັບສັນຍາມູນຄາ 181.1 ລ້ານໂດລາ ສຳລັບການຈັດຫາຍານພາຫະນະ ACV-30 ໃນສາຍການຜະລິດແບບເຕັມອັດຕາ
ຈຳນວນ 31 ຄັນ ໃນການພັດທະນາທີ່ກ່ຽວຂ້ອງຂອງບໍລິສັດ Kongsberg Defense & Aerospace ຂອງນອກແວ ໄດ້ຮັບສັນຍາໃນ
ມູນຄາ 117.9 ລ້ານໂດລາ ສຳລັບການຜະລິດ Protector Remote Turret 20 (PROTECTOR RT20) ຈຳນວນ 101 ລະບົບ,
ໂດຍໄດ້ຮັບການອອກແບບມາສະເພາະສຳລັບການເຊື່ອມໂຍງກັບລົດຫຸ້ມເກາະ ACV-30. ສັນຍານີ້ກວມເອົາຄ່າໃຊ້ຈ່າຍໃນການຜະລິດຕາມ
ສັນຍາສະບັບເກົ່າ ທີ່ຍັງບໍ່ໄດ້ກຳນົດລາຍລະອຽດ ລວມເຖິງອຸປະ ກອນສະໜັບສະໜູນ, ການເຝິກອົບຮົມ, ການສະໜັບສະໜູນພາກສະໜາມ,
ອາໄຫຼ່ ແລະ ຂັ້ນຕ້ອນເອກະສານໃນການປະຕິບັດດຳ ເນີນການຜະລິດຈະຖືກແບ່ງອອກລະຫວ່າງໂຮງງານຂອງ Kongsberg ໃນນອກແວ
ກວມເອົາ 38% ແລະ ໂຮງງານພັນທະມິດຄູ່ຮ່ວມມືສະຫະລັດໃນເມືອງ ຈອນສະທາວ, ລັດເພນຊິວເວເນຍ ກວມເອົາ 62% ມີກຳນົດໃຫ້
ສຳເລັດໃນເດືອນກັນຍາ 2027.
ນອກຈາກນີ້, ສັນຍາທັງ 2 ສະບັບແມ່ນໄດ້ຮັບທຶນຈາກງົບປະມານການຈັດຊື້ປະຈຳປີ 2025 ແລະ ຖືກຄຸ້ມຄອງ ໂດຍກອງບັນຊາການ
ກອງທັບເຮືອໃນເມືອງ ຄອນຕິໂກ, ລັດເວີຈິເນຍ. ຖ້າຫາກລວມແຜນການຈັດຊື້ ມີທັງຊື້ປ້ອມປືນໃຫຍ່ຈະມີມູນຄ່າເຖິງ 271.4 ລ້ານໂດລາ
ແລະ ສັນຍາຈັດຊື້ລົດຫຸ້ມເກາະ ACV ລວມອາດຈະສູງເຖິງ 3.85 ຕື້ໂດລາສະຫະລັດ.
ແຫຼ່ງທີ່ມາ: ຂກທ
ວັນທີ 16/09/2025