ຍີ່ປຸ່ນ ປະສົບຜົນສຳເລັດໃນການທົດລອງຂີປະນາວຸດນຳທາງ ຕ້ານເຮືອໜ້ານ້ຳ ລຸ້ນ Type 12
ຕາມແຫຼ່ງຂ່າວ ຂອງສູນຂໍ້ມູນຂ່າວສານກອງທັບເຮືອ Naval News ລາຍງານວ່າ: ອົງການຈັດຊື້ຈັດຈ້າງ ເຕັກໂນໂລຊີ ແລະ ການສົ່ງ
ກຳລັງບຳລຸງ (ATLA) ໃນກະຊວງການປ້ອງກັນປະເທດຍີ່ປຸ່ນ ໄດ້ປະກາດວ່າ: ການພັດທະນາຂີປະນາວຸດນຳທາງຕ້ານເຮືອໜ້ານ້ຳ Type 12
ລຸ້ນປັບປຸງໃໝ່ ສຳລັບການໃຊ້ປະຕິບັດຈາກພາກພື້ນດິນ ໄດ້ສຳເລັດສົມບູນຕາມແຜນທີ່ວາງໄວ້ເຖິງແມ່ນວ່າ ໃນໄລຍະເວລາຫຼາຍປີທີ່ຜ່ານມາ
ຍີ່ປຸ່ນມີຄວາມພະຍາຍາມໃນການນຳອາວຸດນຳທາງທີ່ໂຈມຕີໄລຍະໄກ ທັງທີ່ຜະລິດໃນປະເທດ ແລະ ຈາກຕ່າງປະເທດ ເຂົ້າມາປະຈຳການໃນ
ກອງກຳລັງປ້ອງກັນຕົນເອງ ແຕ່ເນື່ອງຈາກສະໜາມທົດລອງອາວຸດພາຍໃນປະເທດຍັງບໍ່ສາມາດຮອງຮັບໄດ້ການທົດລອງອາວຸດໄລຍະໄກໄດ້
ATLA ຈຶ່ງຈຳເປັນຕ້ອງດຳເນີນການທົດລອງຍິງຈິງຂອງອາວຸດທັງໝົດລວມທັງອາວຸດທີ່ມີໄລຍະຍິງໄກປະມານ 1.000 ກິໂລແມັດ ໃນສະ
ໜາມທົດລອງທີ່ເໝາະສົມໃນຕ່າງປະເທດ. ກ່ອນໜ້ານີ້ Naval News ໄດ້ລາຍງານວ່າ: ຍີ່ປຸ່ນມີແຜນຈະຈັດຕັ້ງສະໜາມທົດສອບແຫ່ງໃໝ່
ພາຍໃນປະເທດ, ໃກ້ກັບນ່ານນ້ຳບໍລິເວນເກາະມິນາມິໂທຣິຊິມະ ເພື່ອແກ້ໄຂຂໍ້ຈຳກັດດ້ານໄລຍະການທົດລອງໃນປັດຈຸບັນ, ໃນສ່ວນໜຶ່ງຂອງ
ການທົດລອງຍິງຕົວຈິງການດຳເນີນການຍິງຂີປະນາວຸດ Type 12 ລຸ້ນປັບປຸງ ຈຳນວນ 7 ນັດ ທີ່ພາກໃຕ້ຂອງລັດແຄລິຟໍເນຍ ຕາມຊາຍຝັ່ງຕາ
ເວັນຕົກຂອງສະຫະລັດ. ລາຍງານແຈ້ງວ່າ: ໂດຍອີງໃສຈາກຖານຍິງອາວຸດທາງທະເລ Point Mugu ເຊິ່ງເປັນສະຖານທີ່ຂະໜາດໃຫຍ່ ແລະ
ມີຊັບພະຍາກອນສະໜັບສະໜູນຢ່າງພຽງພໍ ເຮັດໃຫ້ຍີ່ປຸ່ນສາມາດກວດສອບຂີດຄວາມສາມາດຂອງຕົນເອງໄດ້ຢ່າງຄົບຖ້ວນ ຕາມເງື່ອນໄຂ
ການທົດສອບທີ່ກຳນົດໄວ້, ຫຼັງຈາກການພັດທະນາອາວຸດນຳທາງລຸ້ນຍິງຈາກພາກພື້ນດິນສຳເລັດສົມບູນແລ້ວກອງກຳລັງປ້ອງກັນຕົນເອງພາກ
ພື້ນດິນຂອງຍີ່ປຸ່ນ ມີແຜນຈະຕິດຕັ້ງລະບົບຊຸດທຳອິດໃຫ້ແກ່ກອງພັນອາວຸດນຳທາງຕ້ານເຮືອໜ້ານ້ຳພາກພື້ນດິນທີ 5 (SSMR) ປະຈຳຢູ່ ເຄນ
ກຸນ ແຂວງຄຸມາໂມໂຕ ໃນປີໜ້າ ແລະ ຈະຕາມດ້ວຍ SSMR ທີ 8 ໃນແຂວງໂອອິຕະ ແລະ SSMR ທີ 7 ໃນແຂວງໂອກິນາວາ ໃນປີຕໍ່ໆ
ໄປ. ນອກຈາກລຸ້ນທີ່ໃຊ້ງານຈາກພາກພື້ນດິນແລ້ວ ສຳລັບກອງກຳລັງປ້ອງກັນຕົນເອງທາງອາກາດ ເຄື່ອງບິນ Mitsubishi F-2 ຊຸດທຳອິດ ຈະ
ຖືກຕິດຕັ້ງຂີປະນາວຸດ Type 12 ລຸ້ນປັບປຸງ ທີ່ສາມາດປ່ອຍຈາກອາກາດໄດ້ ແລະ ຈະເຂົ້າປະຈຳການທີ່ຖານທັບອາກາດຮິຍາຄຸຣິ.
ໃນຂະນະດຽວກັນ ເຮືອສູ້ຮົບ ຊັ້ນ Akizuki ລຸ້ນ JS Teruzuki (DD-116) ຈະເປັນເຮືອລຳທຳອິດຂອງກອງກຳລັງປ້ອງກັນຕົນເອງທາງ
ທະເລ ທີ່ໄດ້ຮັບການຕິດຕັ້ງຂີປະນາວຸດ Type 12 ສຳລັບການປະຕິວັດພາລະກິດທາງທະເລ ໃນປີງົບປະມານ 2027. ນອກນັ້ນ, ຍັງມີເຮືອສູ້
ຮົບຊັ້ນ Kongo ເຮືອ JS Chokai (DDG-176) ມີກຳນົດຈະສຳເລັດການບູລະນາການລວມລະ ບົບຂີປະນາວຸດລ່ອງ Tomahawk ຂອງ
ສະຫະລັດໃນປີໜ້າ ແລະ ມີແຜນຈະດຳເນີນການທົດສອບຍິງຈິງໃນຊ່ວງລະດູຮ້ອນຂອງປີໜ້າ ທີ່ຖານ Point Mugu.
ແຫຼ່ງທີ່ມາ: ຂກທ
ວັນທີ 16/02/2026