ບຸນກາຣີ ໄດ້ຮັບລົດຍານເກາະລຸ້ນ Stryker ຊຸດທຳອິດ ຈາກ ສະຫະລັດ
ລົດຍານເກາະລຸ້ນ Stryker
ກະຊວງປ້ອງກັນປະເທດຂອງ ບູນກາຣີ ປະກາດວ່າ: ຕົນໄດ້ຮັບລົດຍານເກາະ Stryker ຊຸດທຳອິດແລ້ວຈຳນວນ 5 ຄັນ ໄດ້
ມາຮອດທ່າເຮືອ ເບີກັດ ນັບເປັນຈຸດເລີ່ມຕົ້ນຂອງການສົ່ງມອບພາຍໃຕ້ໂຄງການປັບປຸງກອງທັບໃຫ້ທັນສະໄໝຂອງປະເທດ. ການ
ສົ່ງມອບຄັ້ງນີ້ ເປັນຂັ້ນຕອນເລີ່ມຕົ້ນຂອງແຜນການຊື້ອາວຸດຍຸດໂທປະກອນທາງທະຫານຂະໜາດໃຫຍ່ ໂດຍຜ່ານຂໍ້ຕົກລົງກະຊວງ
ປ້ອງກັນປະເທດ, ໂດຍມີເປົ້າໝາຍ ເພື່ອຍົກລະດັບຂີດຄວາມສາມາດ ແລະ ຄວາມເຂັ້ມແຂງ ຂອງກອງທັບບົກຂອງຕົນໃຫ້ດີຂຶ້ນ.
ເຈົ້າໜ້າທີ່ລະດັບສູງຂອງ ບູນກາຣີ ກ່າວວ່າ: ລົດຍານເກາະເຫຼົ່ານີ້ ຖືກສົ່ງມາຈາກ ສະຫະລັດ ແລະ ການາດາ ເຊິ່ງເປັນສ່ວນ
ໜຶ່ງຂອງສັນຍາປັບປຸງທີ່ທັນສະໄໝໃຫ້ແກ່ກອງທັບ, ທີ່ອະນຸມັດໃນສະໄໝລັດຖະບານປັດຈຸບັນ ຫຼັງຈາກມາຮອດແລ້ວ ລົດຈະຖືກ
ຂົນສົ່ງໄປທີ່ໂຮງງານ ເທີຣຽມ-ໄອວີໂລ ທີ່ເມືອງ ວີລີໂກ ຕາໂນໂວ ເພື່ອປະກອບເປັນຂັ້ນຕອນສຸດທ້າຍ ກ່ອນສົ່ງມອບໃຫ້ກອງພົນ
ນ້ອຍຍານເກາະທີ 61 ທີ່ຕັ້ງຢູ່ເມືອງກາໂລໂວ ຂໍ້ຕົກລົງດ້ານອຸດສາຫະກຳໄດ້ກຳນົດອະນຸຍາດໃຫ້ມີການປະກອບບາງສິ້ນສ່ວນພາຍ
ໃນປະເທດ ເພື່ອສົ່ງເສີມອຸດສາຫະກຳພາຍໃນປະເທດ. ນອກຈາກ 5 ຄັນທີ່ສົ່ງມອບຕາມສັນຍາແລ້ວຍັງຈະໄດ້ຮັບ ລົດຍານເກາະ
Stryker ເພີ່ມອີກ 8 ຄັນ, ໂດຍບໍ່ມີຄ່າໃຊ້ຈ່າຍ ໄດ້ຜ່ານໂຄງການຊ່ວຍເຫຼືອຂອງສະຫະລັດ ເພື່ອໃຊ້ໃນການເຝິກອົບຮົມໃຫ້ກຳ
ລັງພົນ ມີຄວາມຊຳນິຊຳນານ ກ່ອນນຳເຂົ້າປະຈຳການເຕັມຮູບແບບ, ການສົ່ງມອບນີ້ຍັງລວມເຖິງພາຫະນະທີ່ກຳລັງບຳລຸງສ້ອມແປງ
ແລະ ອຸປະກອນທີ່ກ່ຽວຂ້ອງກັບໂຄງການຈັດຊື້ເຮືອບິນຂັບໄລ່ F-16 Fighting Falcon ເພີ່ມອີກ ນີ້ໄດ້ສະທ້ອນໃຫ້ເຫັນການປັບ
ປຸງກອງທັບບົກ ແລະ ກອງທັບອາກາດໄປພ້ອມກັນ.
ລົດຍານເກາະ Stryker ແມ່ນລົດຫຸ້ມເກາະລໍ້ 8x8 ອອກແບບເພື່ອການເຄື່ອນຍ້າຍພົນຢ່າງວ່ອງໄວ ແລະ ປະຕິບັດການຂອງ
ທະຫານລາບ, ຖ້າຫາກພັດທະນາສຳລັບກອງທັບບົກສະຫະລັດ ຮອງຮັບພາລະກິດຫຼາຍຮູບແບບ ເຊັ່ນ ຂົນສົ່ງທະຫານ, ລາດຕະເວນ,
ຄວບຄຸມບັງຄັບບັນຊາ ແລະ ດັບສູນເປົ້າໝາຍເຄື່ອນທີ່.
ແຫຼ່ງທີ່ມາ: ຂກທ
ວັນທີ 11/03/2026