ອົດສະຕຣາລີ ຊື້ລົດຕັງ ລຸ້ນປັບປຸງໃໝ່ຈາກ ອາເມຣິກາ
ລົດຕັງລຸ້ນ M1A2 Abrams SEP V3
ກະຊວງປ້ອງກັນປະເທດອົດສະຕຣາລີ ໄດ້ເປີດເຜີຍວ່າ: ກອງທັບອົດສະຕຣາລີ ໄດ້ເລີ່ມນຳລົດຕັງລຸ້ນ M1A2 Abrams SEP V3
ເຂົ້າປະຈຳການໃນກອງທັບຕົນທີ່ຫາກໍຊື້ມາໃໝ່ຈາກ ສະຫະລັດອາເມຣິກາ. ການເຄື່ອນໄຫວດັ່ງກ່າວຖືເປັນບາດກ້າວທີ່ສຳຄັນ ໃນຄວາມ
ພະຍາຍາມໃນການປັບປຸງກຳລັງປະກອບອາວຸດຂອງປະເທດດັ່ງກ່າວໃຫ້ມີຄວາມທັນສະໄໝ.
ຕາມສັນຍາການຊື້-ຂາຍແມ່ນຈະຈັດສົ່ງໃຫ້ໃຫ້ສຳເລັດພາຍໃນປີ 2025 ແລະ ໄດ້ເລີ່ມຕົ້ນດຳເນີນການຈັດສົ່ງມາແຕ່ກາງເດືອນພະຈິກ
ເປັນຕົ້ນມາ, ເຊິ່ງຄັ້ງທຳອິດແມ່ນໄດ້ສົ່ງຈຳນວນ 4 ຄັນກ່ອນ ໃນຈຳນວນຊື້ທັງໝົດ 14 ຄັນ, ສ່ວນທີ່ຍັງເຫຼືອແມ່ນຈະສົ່ງມອບໃຫ້ໃນປີ 2025.
ລົດຕັງ M1A2 SEP V3 ລຸ້ນໃໝ່ນີ້ ຖືເປັນສ່ວນໜຶ່ງທີ່ຂາດບໍ່ໄດ້ໃນສະໜາມຮົບຂອງກອງທັບອົດສະຕຣາລີ ແລະ ມີບົດບາດສຳຄັນໃນການ
ປ້ອງກັນທີ່ຕັ້ງຍຸດທະສາດທີ່ສຳຄັນຂອງປະເທດ.
ລົດຕັງດັ່ງກ່າວ, ຈະເປັນກຳລັງຫຼັກໃຫ້ກັບກຳລັງແນວໜ້າ ແລະ ການນຳໃຊ້ທົ່ວໄປຢ່າງຫຼວງຫຼາຍ ເພື່ອຮັບປະກັນໃຫ້ກຳລັງຕໍ່ສູ້ໄດ້ຮັບ
ຜົນດີຕໍ່ໄພຂົ່ມຂູ່ ແລະ ປະຕິບັດໜ້າທີ່ການສູ້ຮົບທີ່ຫຼາກຫຼາຍ. ລົດຕັງລຸ້ນ M1A2 SEP V3 ໄດ້ມີການປັບປຸງຫຼາຍຢ່າງເມື່ອທຽບໃສ່ກັບລຸ້ນ
M1A1 Abrams ເຊິ່ງນອກຈາກຄວາມຄ່ອງແຄ້ວແລ້ວ, ຍັງມີເກາະປ້ອງກັນທີ່ດີກວ່າ, ມີລະບົບການຄວບຄຸມບັນຊາທີ່ມີຄວາມທັນສະໄໝ
ເຊັ່ນ: ລະບົບຄອມພິວເຕີດິຈິຕອນ, ລະບົບເລເຊີ, ມີການຕິດຕັ້ງປືນກົນ ລຸ້ນ 7,62 ມມ ແລະ ປືນກົນ ລຸ້ນ 40 ມມ MK19.
ແຫຼ່ງທີ່ມາ: ຂກທ
ວັນທີ 10/12/2024