ບໍລິສັດ Saab ເປີດຕົວເຄື່ອງບິນຮົບ Gripen E ລຳທຳອິດທີ່ຜະລິດໃນປະເທດບຣາຊິນ
ບໍລິສັດ Saab, Embraer ແລະ ກອງທັບອາກາດບຣາຊິນ (FAB) ໄດ້ເປີດຕົວເຮືອບິນສູ້ຮົບ Gripen E ລຳທຳອິດ ທີ່ຜະລິດ
ໃນປະເທດຕົນເອງຢ່າງເປັນທາງການ, ໂດຍພິທີເປີດຕົວຈັດຂຶ້ນໃນ ທ້າຍເດືອນ ມີນາ ຜ່ານມາ ທີ່ໂຮງງານຂອງ Embraer ໃນເມືອງ
ກາເວຍາວ ເປໂຊໂຕ ລັດຊາວໂປໂລ, ໃນງານນີ້ມີຜູ້ແທນລະດັບສູງຈາກບຣາຊິນ ແລະ ຕ່າງປະເທດເຂົ້າຮ່ວມ ລວມທັງປະທານນາທິບໍ
ດີ Luiz In໑cio Lula da Silva ແລະ ເອກອັກຄະລັດຖະທູດ ຊູແອັດ ປະຈຳ ບຣາຊິນ. ນອກນັ້ນ, ຍັງມີລັດຖະມົນຕີກະຊວງປ້ອງກັນ
ປະເທດ ແລະ ຜູ້ບັນຊາການກອງທັບອາກາດ ແລະ ຜູ້ບໍລິຫານຈາກ ບໍລິສັດ Saab ແລະ Embraer ເຂົ້າຮ່ວມ. ທ່ານ ໄມເຊວ ໂຈຮານ
ຊັນ ປະທານ ບໍລິສັດ Saab ກ່າວວ່າ: ການສົ່ງມອບເຄື່ອງບິນ Gripen E ລຳທຳອິດທີ່ຜະລິດໃນບຣາຊິນ ນີ້ບໍ່ແມ່ນພຽງແຕ່ ປະສົບຜົນ
ສຳເລັດ ໃນການພັດທະນາຍົນສູ້ຮົບທີ່ທັນສະໄໝ, ແຕ່ເປັນສັນຍາລັກຂອງຄວາມຮ່ວມມືທີ່ເຂັ້ມແຂງ ທີ່ສ້າງຂຶ້ນບົນພື້ນຖານຄວາມໄວ້
ໃຈ ແລະ ວິໄສທັດລະຍະຍາວໃນອະນາຄົດ. ໂຄງການນີ້, ສະທ້ອນໃຫ້ເຫັນການຮ່ວມມືດ້ານອຸດສາຫະກຳຢ່າງວ້າງຂວາງ ໂດຍ ຍົນສູ້ຮົບ
Gripen E ທີ່ຜະລິດໃນໂຮງງານ Embraer ນັ້ນ ໃຊ້ທັງຫ່ວງໂຊ່ອຸປະທານພາຍໃນ ບຣາຊິນ ແລະ ຕ່າງປະເທດ ລວມທັງຊິ້ນສ່ວນໂຄງ
ສ້າງພາຫະນະ ທີ່ຜະລິດໂດຍ ບໍລິສັດ Saab. ທ່ານຍັງໄດ້ກ່າວອີກວ່າ: ການເປີດຕົວຄັ້ງນີ້ເປັນບາດກ້າວສຳຄັນໃນຄວາມຮ່ວມມືຍຸດທະ
ສາດລະຫວ່າງ ບຣາຊິນ ແລະ ຊູແອັດ. ນອກຈາກນັ້ນ, ຍັງຊ່ວຍໃນການພັດທະນາຂີດຄວາມສາມາດການຜະລິດເຄື່ອງບິນຮົບຂັ້ນສູງ
ພາຍໃນປະເທດຂອງຕົນ. ພາຍໃຕ້ສັນຍາໃນປັດຈຸບັນ ຈະມີການຜະລິດເຄື່ອງບິນອີກ 14 ລຳ ກ່ອນສົ່ງ-ມອບ ເຮືອບິນແຕ່ລະລຳຈະຕ້ອງ
ຜ່ານການທົດລອງລະບົບ ແລະ ທົດລອງການບິນ. ຈາກນັ້ນ, ເຮືອບິນລຳນີ້ຈະເຂົ້າປະຈຳການກັບຈຸບິນ Gripen 10 ລຳ ທີ່ໄດ້ສົ່ງມອບ
ໃຫ້ກັບກອງກຳລັງປ້ອງກັນທີ່ 1 ຢູ່ຖານອາກາດ ອານາໂປລິສ ແລະ ໄດ້ເລີ່ມປະຕິບັດພາລະກິດ ເພື່ອຮັກສາຄວາມປອດໄພນ່ານຟ້າຍົນສູ້
ຮົບ Gripen E ເປັນເຄື່ອງບິນຮົບອະເນກປະສົງ ສາມາດປະຕິບັດພາລະກິດປ້ອງກັນທາງອາກາດ, ລາດຕະເວນ ແລະ ໂຈມຕີ ໂດຍມີລະ
ບົບ avionics, sensor ແລະ network ທັນສະໄໝ, ໂຄງການນີ້ເປັນສ່ວນໜຶ່ງຂອງສັນຍາລະຫວ່າງ ບໍລິສັດ Saab ກັບ ລັດຖະບານ
ຂອງ ບຣາຊິນ ທີ່ສັນຍາ ໃນປີ 2014 ສຳລັບການພັດທະນາ ແລະ ຜະລິດ ຍົນສູ້ຮົບ Gripen ນັ້ນຈຳນວນ 36 ລຳ ໂດຍເລີ່ມສົ່ງມອບ
ໃນປີ 2020 ແລະ ປັດຈຸບັນໄດ້ສົ່ງມອບໄປແລ້ວ ຈຳນວນ 11 ລຳ.
ແຫຼ່ງທີ່ມາ: ຂກທ
ວັນທີ 10/04/2026